Iwinna 21:18 - Edo Bible (E Baibol Ẹdo) Version 1996

¹⁸ Ẹdẹ ghi gbe, Pọl keghi viọ ima ba egbe ya tue Jems, avbe ediọn esọsi hia kevbe gha rre evba.

Iwinna 21:18 ပူးပေါင်းရင်းမြစ်များ

Matiu 10:2

Eni iran iweva ni ọre ena khin: Okaro Saimọn (ne a vbe tiẹre Pita) kevbe ọtiọnrẹn ighe Andru Jems kevbe Jọn ne ọtiọnrẹn ivbi e Zẹbede.

Iwinna 11:30

Iran keghi gele ru vberriọ, iran keghi rhie igho na ne Banabas kevbe Sọl ne iran rhie gie avbe eniwanrẹn esọsi.

Iwinna 12:17

Ọ keghi ye obọ gbe iran ekhakha wẹ ne iran gie a họn ẹmwẹ ọ keghi do rhan otọ vbene Nọyaẹnmwa ya rhie irẹn ke uwu ẹwẹdọ ladian hẹ ma iran. Ọ keghi tama iran we wa ghi na iyẹn ma Jems kevbe iran ne etẹn nekpa. Rẹn keghi kpao gha rrie ehe ọvbehe.

Iwinna 15:13

Ugbẹn iran ghi dobọ ẹmwẹ ne a guan yi, Jems keghi kha wẹẹ, “Etẹn, wa danmwehọ mwẹ.

Iwinna 15:2

Pọl kevbe Banabas keghi gu iran muan imuaẹmwẹ ne ọ wegbe rhunmwuda ẹmwẹ na, ọre a ghi na do ta ẹe wẹ ne Pọl kevbe Banabas deba emwa eso ọvbehe vbe Antiọk do gha rrie Jerusalẹm ne iran ya miẹn avbe ukọ kevbe avbe ediọn ba ẹmwẹ na.

Iwinna 15:23

Iran keghi rhie ebe na ne iran rhie gha khian: “Avbe ukọ kevbe ediọn, ne etẹn uwa gie otuẹ uwa hia ne etẹn mwa ne iran ne ẹ i re Ju biẹlẹe, ni rre Antiọk kevbe Siria kevbe Silisia.

Iwinna 15:6

Avbe ukọ kevbe avbe ediọn keghi do iko ne iran ghe ẹmwẹ na ghe.

Iwinna 20:17

Pọl keghi gie uhunmwu ke Mailitọs gha rrie Ẹfisọs, ọ na wẹ ne avbe ediọn esọsi do miẹn irẹn vbe evba.

Iwinna 24:11

Zẹ vbene uwẹ gha sẹtin tobọ gualọ otọ ẹre miẹn, ọ ma he gberra ikpẹdẹ iweva ne I kpao gha rrie Jerusalẹm ne I ya ru ugamwẹ.

Galatia 1:19

Ima ghi vbe miẹn ukọ ọvbehe rhọkpa gberra Jems ne ọtẹn Nọyaẹnmwa.

Galatia 2:9

Jems Pita vbe Jọn, ni ye vbe avbe ọkaolotu, wa miẹn wẹ, te Osanobua rhie iwinna kpataki na mẹ, iran keghi so imẹ vbe Banabas obọ, zẹ vbe ogieva egbe, ma keghi tae wẹ ma gha winna vbe uwu avbe iran ne ẹ i re Ju, ne iran gha winna vbe uwu avbe Ju.

Jems 1:1

E Jems ne ọguọmwadia Osanobua, kevbe ọghe Nọyaẹnmwa Jesu Kristi; ọre ọ gbẹn ebe na rre. I tuẹ emwa Osanobua hia ni tagha gba uhunmwu otọ agbọn hia.