Iwinna 20:7 - Edo Bible (E Baibol Ẹdo) Version 1996

⁷ Vbe Ẹdẹ uzọla, ma keghi si egbe koko ne a rri evbare ivbiotu. Pọl kegha gu avbe emwa ni guan, ọ keghi guan rhinrin ya sẹ ogiasọn rhunmwuda rẹn gha kpao vbe ẹdẹ a gbe.

Iwinna 20:7 ပူးပေါင်းရင်းမြစ်များ

Nehimaia 8:3

Evba nii ọ re ọ na ke owiẹ ya tie ebe nii ma iran ya sẹ ogiavan, iran hia ke wa gha kakabọ danmwehọ ẹre.

Nehimaia 9:3

Vbe omwa ẹgogo eha, a keghi gha tie Uhi e Nọyaẹnmwa ne Osanobua iran ma iran, vbe ẹgogo eha ne ọ lele ẹe, iran kegha miẹn orukhọ iran kue, iran na gha ga e Nọyaẹnmwa ne Osanobua iran.

Iyẹn ne ọ Maan Ọghe Mak 16:9

Ugbẹn vbe Jesu ghi rhiọkpaegbe nẹ vbe idin, vbe owiẹ vbirrivbirri ọghe Ẹdẹ Izọla, ọ keghi ka rhie egbe ma Meri Magdalen, ọmwa ne ọ khu orhiọn esu ihinrọn ladian vbe egbe ẹre. Ikhuo ni keghi bu Pita kevbe avbe esiọre. Iran keghi ya vbọlọ tama iran vbe uwu ẹmwẹ ne a tama iran.

Iyẹn ne ọ Maan Ọghe Luk 22:19

Iyeke ọnii, ọ keghi vbe mu ebrẹd, ọ kpọnmwẹ Osanobua, ọ giagia ẹe, ọ keghi viọ ne iran wẹẹ, “Ọnọna ọrọre egbe mwẹ ne a rhie ne uwa. [Wa gha ru ọna ya ye mwẹ rre.”

Iyẹn ne ọ Maan Ọghe Luk 24:35

Iran eva nii keghi vbe do na iyẹn emwi ne ọ sunu vbe odẹ kevbe vbene iran do rẹn ọnrẹn hẹ vbe ọ gia ebrẹd.

Iyẹn ne ọ Maan Ọghe Jọn 20:1

Vbe owiẹ vbirrivbirri vbe Ẹdẹ Uzọla, vbe ẹdẹ ma he wan, Meri Magdalen kegha rrie idin, ọ ghi do ghe iran werriẹ okuta hin unu idin rre nẹ.

Iyẹn ne ọ Maan Ọghe Jọn 20:19

Vbe Ẹdẹ Uzọla nii, vbe ebiebi ghi so buan nẹ vbe ota, avbe erhuanegbe khui urho ke egbe yi ye ihọkpa rhunmwuda ohan avbe Ju mu iran. Jesu rre, ọ keghi gu iran mudia, ọ wẹẹ, “Ọfumwegbe gu uwa rrọọ.”

Iyẹn ne ọ Maan Ọghe Jọn 20:26

Uzọla ọkpa ghi gberra nẹ, avbe erhuanegbe vbe si egbe koko ye uwowa ọkpa, Tọmọs keghi gu iran rre evba. Te a khui urho, sokpan Jesu la owa, ọ keghi gu iran mudia, ọ wẹẹ, “Ọfumwegbe gu uwa rrọọ.”

Iwinna 16:10

Vbe ọwarọkpa vbe Pọl ghi miẹn umian na nẹ, ma keghi mu egbe ne a gha rrie Masidonia, rhunmwuda ma khare wẹ te Osanobua tie ima ne a ya kpe orhu Iyẹn Ne ọ maa ma emwa ni rre evba.

Iwinna 2:42

Iran keghi wa ya ẹghẹ iran hia gha ruẹ emwi vbe obọ avbe ukọ, iran keghi rhie egbe ba iran. Iran kevbe gha re vbe evbare ne iran hia gha re, iran kevbe gha deba iran na erhunmwu.

Iwinna 2:46

Ẹdẹgbegbe, iran keghi ya gha mi egbe vbe uwu Ọgua Osa zẹ vbe otu ọkpa. Iran keghi gba gha rri evbare iran kugbe vbe owa, vbe ọyẹnmwẹ kevbe amu egbe rriotọ.

Iwinna 20:11

Rẹn keghi dọlegbe hin egedege, ọ keghi gia ebrẹd, iran na re. Ọ keghi ye gha gu iran guan ya sẹ ẹghẹ ne ovẹn ya yan rre, ọ keghi kpao.

Iwinna 20:31

Rhunmwuda ọnii, wa khẹ ye egbe, wa ghi yerre wẹ ukpo eha gbalaka ọre I ya gha ma edọmwadẹ ọghọe vbe uwu uwa emwi vbe asọn kevbe avan ke imẹ ke ameve.

Iwinna 20:5

I ran keghi karo, iran na ya diakhẹ ima vbe Troas.

Iwinna 20:9

Ọmọ okpia ọkpa keghi tota ye ewindo, a tie eni ẹnrẹn Utikọs. Ugbẹn vbe Pọl ghi ye si ẹmwẹ ne ọ guan tan, ovbe keghi kakabọ gha gbe Utikọs vbe okiekie, ọ keghi wa vbiua, ọ na ke omuyan ne ogie eha ọghe egedege nii ne fi otọ. Iran ghi muẹn kpaegbe, ọ wu nẹ.

Iwinna 28:23

Rhunmwuda ọnii, iran keghi bu ẹdẹ ne Pọl. Emwa ni bun sẹ ọnii ẹsẹse keghi rrie ehe ne Pọl dia ẹdẹ nẹdẹrriọ ke owiẹ ya sẹ asọn, ọ keghi rhan otọ ẹre ma iran, ọ kegha ta ẹmwẹ Arriọba Osanobua ma iran. Ọ keghi te gha ho ne ọ fi iran ekhọe werriẹ ghe ẹmwẹ Jesu vbekpa ne ọ na gha tie ebe Uhi Mosis kevbe emwi ne avbe akhasẹ gbẹnnẹ ye otọ ma iran.

I Kọrinti 10:16

Ukpu afiangbe ne ima kpọnmwẹ Osanobua yi, ma gha wọn vbọ, ẹ i re esagiẹn Kristi ọre ima na wọn? Ebrẹd ne ima giagia, ma gha rri ọe, ẹ i re efun egbe Jesu ma na re?

I Kọrinti 15:10

Sokpan vbe ekpa ẹsọhẹ Osanobua ọre I na re emwi ne I khin na, ẹsọhẹ ne ọ rhie mẹ, a ma vbe muẹn rhia. Vbe ẹmwata, mẹ kakabọ winna sẹ avbe ukọ nekpa hia, a gha rhe miẹn wẹ ẹ i re ẹtin obọ mwẹ vbe ẹ i re ẹsọhẹ Osanobua ne ọ yaba mwẹ winna.

I Kọrinti 16:2

Vbe ikpedẹ ne okaro ọghe uzọla hia, dọmwadẹ ọghọe ghi fian igho rhie ye otọ zẹ vbene igho ne ọ khuaẹn vbe sẹ, ne a ya ẹe gbakhua hin, a i rẹn vbe I gha rre, ne a ghẹ ghi vbe gha gbẹn okhuo igho ne a koko.

II Timoti 4:2

Gha kpe orhu nene ẹmwẹ, mu yan rẹn wẹ, ne a gha ta ẹe, deghẹ ẹghẹ ke yọ, ra ọ ma ke yọ ne u gha yae la emwa ekhọe, ne u gha gu ọmwa gui, ne u gha rhie igiẹdu ne emwa, kevbe ne u gha ye i ziengbe ma emwa emwi.

Arhie Maan 1:10

Vbe Ẹdẹ Nọyaẹnmwa, Orhiọn keghi hin yan mwẹ, I keghi họn urhu ne ọ la ọkpa ne ọ davan zẹ vbe okpe, ọ kegha guan vbe iyeke mwẹ.