Iwinna 20:6 - Edo Bible (E Baibol Ẹdo) Version 1996

⁶ Ma keghi gua okọ kpao vbe Filipai vbe iyeke Emwiukpo Ebrẹd Ne ọ ma hue. Ọ ghi rre ikpẹdẹ isẹn, ma keghi ya vbe iran vbe Troas, ma na gbe uzọla ọkpa vbe evba.

Iwinna 20:6 ပူးပေါင်းရင်းမြစ်များ

Ẹksọdọs 23:15

Vbe uki Abib, uki ne uwa na kpao hin Igipt rre, wa ghi ru emwiukpo Ebrẹd nọmahue; zẹ vbene iyi ẹre nii yi ma uwa, wa ghẹ rri ebrẹd ne ọ huere la ikpẹdẹ ihinrọn vbe ẹghẹ emwiukpo na. Omwa ikọmwa ghẹ fiabọ emwi imuohan bu mwẹ gha dee.

Ẹksọdọs 34:18

“Wa ghi gha ru emwiukpo ebrẹd ne ọ ma hue, zẹ vbene I tama uwa, wa ghi ya ikpẹdẹ ihinrọn rri ebrẹd ne ọ ma hue vbe uki Abib, rhunmwuda, uki nii ọre uwa na kpa vbe Igipt.

Iwinna 12:3

Ọ ghi miẹn ighẹ emwi na rhiẹnrhiẹn avbe ju, ọ na vbe ya mu Pita. (Ẹghẹ Emwiukpo ebrẹd Ne ọ ma hue ọre emwi na na sunu.)

Iwinna 16:10

Vbe ọwarọkpa vbe Pọl ghi miẹn umian na nẹ, ma keghi mu egbe ne a gha rrie Masidonia, rhunmwuda ma khare wẹ te Osanobua tie ima ne a ya kpe orhu Iyẹn Ne ọ maa ma emwa ni rre evba.

Iwinna 16:12

Ma keghi vbe ke evba la uwu ẹre gha rrie Filipai, ẹvbo ne ọ rre ototọ Rom. Ma gbe sẹ omwa ikpẹdẹ eso vbe ẹvbo nii.

Iwinna 16:8

Iran keghi rhunmwuda ọnii la ọwarọkpa fian Misia rra, iran na gha rrie Troas.

Iwinna 20:16

Pọl keghi te wẹ ne iran gua okọ la odẹ Ẹfisọs ne a ghẹ vbe mu ẹghẹ rhia vbe ikinkin Esia. Rẹn keghi wa tua okhian ne ọ miẹn ehe na rherhe sẹ Jerusalẹm, a deghẹ ọ gia ru vbe ẹdẹ Pẹntikọst zẹẹ.

Iwinna 20:5

I ran keghi karo, iran na ya diakhẹ ima vbe Troas.

Iwinna 21:4

Ma keghi miẹn ivbi iyayi eso vbe evba, ma na gu iran gbe uzọla ọkpa. Iran keghi le ekpa ẹtin Orhiọn tama Pọl ne ọ ghẹ ye Jerusalẹm.

Iwinna 21:8

Vbe ikpẹdẹ ne ọ lele ẹe ma keghi kpao, a na do sẹ Sisaria. Ma kegha rrie owa Filip ne ọ kpe orhu iyẹn ne ọ maa, ma na di owa ẹre ya. Rẹn keghi re ọkpa vbe uwu iran ihinrọn ne a zẹe vbe Jerusalẹm.

Iwinna 28:14

Ma keghi miẹn ivbi iyayi eso vbe evba, iran na wẹ ne ima gu iran gbe uzọla ọkpa. Iyeke ọnii ma ke do sẹ e Rom.

Filipai 1:1

E Pọl kevbe Timoti, emwa ni re eguọmwadia Kristi Jesu, ọre ọ gbẹn ebe ne gie emwa Osanobua hia ni rre Filipai, iran ni ya Jesu Kristi yi, deba avbe olotu esọsi kevbe iran ni ru iyobọ.

I Tẹsalonaika 2:2

Wa rẹn vbene a ru ima emwi oya hẹ, ne a na vbe fa ima uan vbe Filipai, ma keghi kpao bu uwa gha die Tẹsalonaika. Ọ rhe ye rriọ, Osanobua keghi ye rhie orhiọn ye ima iwu, ne ima ya kpe orhu iyẹn nii ma uwa, a gha rhe miẹn wẹ, vbe adesẹ igbodan nọkhua nọ.

II Timoti 4:13

U gha dee u ghi mu ẹwu mwẹ ne I sẹrae ye ọghe Kapos vbe Troas gha dee, vbe viọ avbe ebe nii gha dee, kpataki avbe enii ne a ya ohian ru.