Iwinna 20:4 - Edo Bible (E Baibol Ẹdo) Version 1996

⁴ Sopata, ovbi e Pirọs ne okpia ne ovbi ẹvbo ne a tie ẹre Beria, keghi lele ẹe kpa, deba Aristakọs kevbe Sekundus ne ivbi ẹvbo ne a tie ẹre Tẹsalonaika kevbe Trofimọs ni ke otọe ẹvbo Esia rre.

Iwinna 20:4 ပူးပေါင်းရင်းမြစ်များ

Iwinna 14:20

Sokpan ivbi iyayi ghi do lẹga ẹre, ọ keghi guakpao, ọ na werriegbe gha rrie ore ẹvbo. Ikpẹdẹ ne ọ lele ẹe, rẹn vbe Banabas keghi gba gha rrie Dẹbi.

Iwinna 14:6

Emwi na ghi vẹ ne avbe ukọ rẹn, iran keghi lẹ gha rrie Listra kevbe Dẹbi, ẹvbo ni rre otọ Likaonia, kevbe ẹvbo ni lẹga ẹre hia.

Iwinna 16:1

Pọl kegha rrie Dẹbi kevbe Listra. Ovbi iyayi ọkpa ne a tie ẹre Timoti keghi rre evba, iye ẹe ne ọ vbe re ovbi iyayi keghi re Ju sokpan erha ẹe kegha re Grik.

Iwinna 16:6

Iran keghi khian la iwewe Frigia kevbe Galatia. Orhiọn Ne Ọ Huanrẹn ma kue ne iran kpe orhu vbe otọ Esia.

Iwinna 17:1

Iran keghi la Amfipolis gberra gha rrie Tẹsalonaika ehe ne Ọgua ediọn avbe Ju ọkpa vbe ye.

Iwinna 17:13

Sokpan ugbẹn vbe avbe Ju ni rre Tẹsalonaika ghi họn ighẹ Pọl vbe kpe orhu ẹmwẹ Osanobua vbe Bẹrea, iran keghi vbe do bọọ emwa nii ye ẹmwẹ ne a ru.

Iwinna 19:29

Utumwẹ na keghi wa la ẹvbo khinkhian. Iran ni si ọbọbọ e rhia rua ni, keghi mu Gaiọs kevbe Aristakọs ne ivbi e Masidonia eva ni lele Pọl khian, iran na silo iran gha rrie adesẹ ughe.

Iwinna 2:9

Ma ni ke Patia rre kevbe Midia, Ẹlam, Mẹsopotamia, Judia, Kapadosia, Pọntus, Esia,

Iwinna 20:16

Pọl keghi te wẹ ne iran gua okọ la odẹ Ẹfisọs ne a ghẹ vbe mu ẹghẹ rhia vbe ikinkin Esia. Rẹn keghi wa tua okhian ne ọ miẹn ehe na rherhe sẹ Jerusalẹm, a deghẹ ọ gia ru vbe ẹdẹ Pẹntikọst zẹẹ.

Iwinna 20:18

Ugbẹn vbe iran ghi rre, ọ tama iran wẹẹ, “Wa rẹn vbene I gha ru hẹ vbe ẹghẹ ne I gbe vbe ehe ne uwa ye ke ẹdẹ ne I fi owẹ la otọe Esia gha dee.

Iwinna 21:29

(Emwi ne ọ ya iran kha vberriọ ọrọre wẹ iran ka miẹn Pọl ke ẹe kevbe Trofimọs ne ovbi e Ẹfisọs vbe ore usin, iran keghi te gha ro ighẹ Pọl rhie ẹre la Ọgua Osa.)

Iwinna 27:2

Ma keghi la okọ vbe Adramitiọm, okọ keghi ra kpao gha rrie eghute otọe Esia ne ọ ke evba gua kpao. Aristakọs ne ovbi e Masidonia ọkpa ne ọ ke Tẹsalonaika rre, keghi deba ima.

Ebe ne Pọl gbẹẹn gie emwa Rom 16:21

Timoti ne ima gba winna, wẹ uwa do, kevbe Lusiọs, kevbe Sosipata, avbe Ju ne iho mwa.

Ebe ne Pọl gbẹẹn gie emwa Rom 16:23

Gaiọs ne imẹ di owa ẹre ya, ọmwa ne a do esọsi vbe owa ẹre we uwa do, Ẹrastọs ne ọ da igho yi ne ẹvbo kevbe ọtẹn mwa Kuatọs we uwa do. [

II Kọrinti 1:1

E Pọl ne ukọ vbene Osanobua ho ẹre yi, kevbe ọtẹn mwa ighẹ Timoti, ọre ọ gbẹn ebe na, gie esọsi Osanobua ne ọ rre Kọrinti kevbe emwa Osanobua hia ni rre Gris.

II Kọrinti 1:19

Rhunmwuda, Jesu Kristi, ne Ovbi Osanobua ne Timoti Sailas kevbe imẹ kpe orhu ẹre ma uwa, ẹ i re ọmwa nọ re “Ẹn” kevbe “Ẹn o.” Sokpan rẹn ọrọre “Erriọ nọ” ọghe Osanobua.

Ẹfisọs 6:21

Taikikọs ọtẹn mwa ne ọ ghan kevbe ọguọmwadia ne ekhọe esi vbe uwu iwinna Nọyaẹnmwa, ọre ọ ghi na iyẹn vbene I ye hẹ ma uwa ne uwa miẹn ehe na rẹn vbene I ghi ye egbe khian hẹ.

Filipai 2:19

I mu ẹtin yan Nọyaẹnmwa Jesu Kristi ighẹ I gha sẹtin gie Timoti bu uwa gha dee, vbe ọ ma he kpẹe wan, ne ẹmwẹ uwa ne I họẹn miẹn ehe na rhie igiẹdu mẹ.

Kọlose 4:10

Aristakọs, ọmwa ne ọ gun mwẹ rre eghan, ke ẹe kevbe Mak ne ọtẹn Banabas wẹ uwa do. (A ka tama uwa nẹ wẹ ne uwa rhan obọ miẹn rẹn vbe ọ gha rrie ehe ne uwa ye.)

Kọlose 4:7

Taikikọs ne ọtẹn mwa ne ọ ghan, ogieva mwẹ ne ekhọe esi, ọmwa ne ima gba re ọguọmwadia vbe uwu iwinna Nọyaẹnmwa, gha ta vbene emwi hia ghi ye mwẹ hẹ ma uwa.

I Timoti 1:1

E Pọl ọmwa ne ọre ukọ Kristi Jesu, la ekpa iyi Osanobua ne Ọmiọnmwafan mwa, kevbe Kristi Jesu ne ọre idaehọ mwa, ọre ọ gbẹn ebe na.

II Timoti 1:2

Gie Timoti, ovbi mwẹ ne ọ ghan: Osanobua ne Erha kevbe Kristi Jesu ne ọ rhie ẹsọhẹ nuẹn kevbe itohan kevbe ọfumwegbe.

II Timoti 4:12

I gie Taikikọs gha rrie Ẹfisọs.

II Timoti 4:20

Ẹrastọs yakọ vbe Kọrinti, I keghi vbe sẹ Trofimọs rae ye Miletọs, egbe ma rran rẹn.

Taitọs 3:12

I gha gie Atẹmas ra Taikikọs bu ruẹ gha dee, u ghi hia ne u bu mwẹ gha die Nikopolis, rhunmwuda, evba i wẹ i ra na gbe ẹghẹ okhuakhua.

Failimọn 1:24

Erriọ vbe nọ, ihomwa ne ima gba winna ighẹ avbe Mak, Aristakọs, e Demas kevbe Luk vbe wẹ uwa do.

III Jọn 1:1

Ọmwa ni ne ọre Ediọn, ọre ọ gbẹn ebe na gie Gaiọs mwẹ ne ọ ghaan, ọmwa ne I họ ẹmwẹ ọnrẹn vbe ẹmwata.