Iwinna 20:38 - Edo Bible (E Baibol Ẹdo) Version 1996

³⁸ Ẹmwẹ ne ọ mobọ da iran sẹ vbọ ọrọre ne ọ na kha wẹẹ iran i ra dọlegbe miẹn irẹn aro ọvbehe. Iyeke ọnii, iran keghi ya suẹe sẹ okọ.

Iwinna 20:38 ပူးပေါင်းရင်းမြစ်များ

Iwinna 15:3

Esọsi keghi do gie iran gha khian, ehe ne iran na la Fonisia kevbe Sameria gberra, iran keghi vbe gha na iyẹn vbene emwa ni ne ẹ i re Ju vbe fiwerriẹ bu Osanobua gha dee hẹ, ẹmwẹ na keghi ye ẹko avbe etẹn hia rhiẹnrhiẹn.

Iwinna 20:25

“I khian la ehe hia vbe uwu uwa vbe ne I na kpe orhu Arriọba Osanobua. Banbanna nian, mẹ rẹnrẹn ighẹ ne ọ gha ye dọlegbe miẹn mwẹ i ghi rre uwa na.

Iwinna 21:16

Eso vbe uwu avbe erhuanegbe ni rre Sisaria keghi vbe lele ima iran na rhie ima gha rrie ọghe okpia ne a tie eni ẹnrẹn Minasin, ọmwa ne ima ra di owa ẹre ya. Ovbi e Saiprọs nọ, rẹn keghi re usun asa nikaro vbe iran ni yayi ke omuhẹn gha dee.

Iwinna 21:5

Sokpan ẹghẹ ne ima gu iran gbe ghi gba nẹ, ma keghi kpao, a na la odẹ. Iran hia, emọ kevbe amwẹ keghi su ima ya sẹ ehe ne ẹvbo ni sẹe. Ma hia keghi diguẹ vbe ọkpẹn ẹzẹ, ma na na erhunmwu.

Iwinna 25:26

Sokpan I i mwẹ emwi kpataki ne I gha gbẹn gie Nọgbaisi vbe ekpa ẹre, Rhunmwuda ọnii ọre I na do rhie ẹre mudia ye odaro uwa na, kpataki, odaro uwẹ ne ọba Agripa, wẹ wa ghẹ ghi gualọ otọ ẹmwẹ na nẹ, ne i miẹn ehe na miẹn emwi gbẹn.

I Kọrinti 16:11

Ọmwa rhọkpa ghẹ ye aro gbe ẹe re, sokpan wa ghi ru iyobọ nẹẹn ne ọ ya si okhian rẹn vbe ọfumwegbe, ne ọ miẹn ehe na dọlegbe bu mwẹ gha dee. Rhunmwuda, te I rhie aro ye odẹ gha khẹ ne irẹn vbe avbe etẹn ne ikpia werriegbe rre.

Galatia 6:10

Rhunmwuda ọnii, ẹghẹikẹghẹ ne a ya miẹn otọ, wa gie a gha ru emwa hia ẹse, sokpan sẹe hia sẹẹ hia, iran ne ima gba re ọkpa vbe ẹgbẹe iyayi.