Iwinna 20:37 - Edo Bible (E Baibol Ẹdo) Version 1996

³⁷ Ehia keghi wa gbe akhe eve ua, iran keghi gbae ginna egbe iran kegha mu ẹre unu hiẹnhiẹn ya gbe ọkhian ẹdẹ hia nẹẹn.

Iwinna 20:37 ပူးပေါင်းရင်းမြစ်များ

II Timoti 1:4

I ye ameve ruẹ rre, I wa ho ne I miẹn ọẹn ẹsẹse, ne a miẹn ehe na ya oghọghọ sẹ mwẹ ọkẹn.

Arhie Maan 21:4

Ọ gha khiẹn ameve hia hin aro iran rre. Uwu i ghi ra gha rrọọ ọvbehe, ra akhiẹ ra obalọ. A ho emwi nẹdẹ hia bẹkun nẹ.”

I Tẹsalonaika 5:26

Wa ye isoso unu etẹn tuẹ avbe etẹn hia.

II Kọrinti 13:12

Wa gba ye isoso unu etẹn tuẹ egbe. Emwa Osanobua hia gie otuẹ uwa.

I Kọrinti 16:20

Etẹn hia ni rre edinran we uwa do. Wa ye isoso unu etẹn tuẹ egbe uwa.

Ebe ne Pọl gbẹẹn gie emwa Rom 16:16

Wa ya isoso unu etẹn tuẹ egbe uwa. Esọsi Kristi hia we uwa do.

Iyẹn ne ọ Maan Ọghe Luk 15:20

Ọ keghi kpao bu erha ẹe gha khian. “Urria gbaan ọre ọ he ye vbe erha ẹe dẹghe ẹre, ekhọe nọẹn ruan, ọ na rhulẹ bu ẹre, ọ gba ẹe ginna egbe, ọ na mu ẹre unu hiẹnhien.

Arhie Maan 7:17

Rhunmwuda, Oteghe Ohuan ne ọ rre adesẹ ẹkete ọre ọ khian gha re Ọsuohuan iran, ọ ghi vbe gha su iran ye uhunmwu ẹzẹ ehe ne amẹ ẹfe ye, Osanobua gha khiẹn ameve hia hin iran aro rre.”

Psalm 126:5

Gie iran ni gha viẹ vbe ẹghẹ ne iran na gha kọ emwiokọ, ya oghọghọ rhọ emwiorhọ iran!

Job 2:12

Urria iran he ye vbe iran bẹghe Job sokpan iran ma ghi rẹn ọnrẹn. Ẹghẹ ne iran ghi ya rẹn ọnrẹn, iran keghi gbe akhe eve ua, iran na yanghan ukpọn ye egbe iran ẹkun, iran na gha zẹ ebubẹ fi, iran na gha kpolo ye uhunmwu.

Ẹzra 10:1

Vbe ẹghẹ ne Ẹzra na vbẹrre gha na erhunmwu vbe odaro Ọgua Osa, ọ na gha viẹ, ọ na vbe gha miẹn avbe orukhọ na kue, ivbi Izrẹl ni bun ẹsẹse, ikpia kevbe ibiẹka, keghi lẹga ẹre, iran na gha viẹ eve orriara.

II Ọba 20:3

“E Nọyaẹnmwa, yerre, ekhọekekhọe mwẹ ọ re I ya ye ẹkoata gha gaa kevbe wẹ, ẹghẹ hia ọ re I ya gha hia ne I ru emwi ne u rhirhi a wẹ ne I ru.” Ọ keghi suẹn gha viẹ eve orriara.

II Samuẹl 15:30

E Devid keghi mu Oke Ọliv hin, ọ kegha viẹ khian, ọ ma viọ ibata ye owẹ, sokpan ọ keghi mu ukpọn rhu uhunmwu gha khiẹ. Iran ni lelẹe khian hia keghi vbe viọ ukpọn rhu uhunmwu, iran na gha viẹ.

I Samuẹl 20:41

Ọvbokhan okpia nii ghi kpao nẹ, e Devid keghi ladian vbe iyeke utete avbe okuta nii, ọ keghi lovbiẹ ye otọ lọlọọlọ, ọ na vbokho uhunmwu rriotọ igba eha. Rẹn kevbe Jonatan kegha viẹ vbe iran mu egbe unu hiẹnhiẹn, ẹko e Devid ọ re ọ rhia sẹ Ọghe Jonatan.

Gẹnẹsis 46:29

e Josẹf keghi wẹ ne a mu ikẹkẹ okhuae gie irẹn ọ na gha rrie Gosiẹn ne ọ ya vba erha ẹe ighẹ Izrẹl. Ugbẹn vbe ọ ghi wa miọẹn, ọ gbae ginna egbe, ọ keghi viẹ kpẹe vbotọ ẹsẹse vbene ọ ya gbae ginna egbe nii.

Gẹnẹsis 45:14

Rẹn keghi gba Bẹnjamin ne ọtiọnrẹn ginna egbe, ọ na gha viẹ. E Bẹnjamin kevbe gha viẹ vbe ehe ne ọ na gbae ginna egbe nii.

I Ọba 19:20

Elaisia keghi sẹ oghẹn ẹmila ẹre rae, ọ keghi rhulẹ lele Elaija wẹẹ, “Gun mwẹ ya ye isosunu gbe okhian ẹdẹ hia ne erha mwẹ kevbe iyemwẹ nẹ, I keghi do lele uẹ gha khian.” Elaija keghi tama rẹn wẹẹ, “Ọ maa, I ma da o obọ yi!”