Iwinna 20:30 - Edo Bible (E Baibol Ẹdo) Version 1996

³⁰ Ẹghẹ dee ne emwa eso vbe uwu uwa gha na ta ohoghe ne iran ya bibi emwa ni yayi eso odẹ hẹ ba egbe.

Iwinna 20:30 ပူးပေါင်းရင်းမြစ်များ

Itan 19:1

Ọmwa re ovbiogue ne adazẹ, ọ re ọ maa sẹẹ ne a gha re ọzuọ ne ọhọn ohoghe.

Itan 23:33

Aro ruẹ ghi gha bẹghe otutu, u i ghi sẹtin roro emwi ẹse ra ne u guan ẹse.

Aizaia 59:3

Wa ru orukhọ ọghe ohoghe ne a ta kevbe, ọkhọ kevbe izigha.

Daniẹl 11:34

Ẹghẹ ne a gha na gha gbele iran an nii, emwa Osanobua gha miẹn iyobọ kherhe, a gha rhe miẹn wẹ nibun vbe uwu iran ni deba irẹn mwẹ emwi obọ iran ne iran gualọ vbọ.

Matiu 23:15

“U miẹn agbọn ne uwa ye, enimaemwa Uhi kevbe Farisi, ayunukpaegbe. Wa ghi fian okun rra, wa ghi la ẹvbo hoho fo gha gualọ arhin ọkpa kẹkan ne uwa gha ya khian enọyayi, wa ghẹ ghi miẹn nẹ, wa ghi ya ẹe khian ọmwa ne ọ kei ye ẹrinmwi erhẹn ukhukhu eva sẹ egbe uwa.

Iwinna 11:26

Ugbẹn vbe ọ ghi miẹn ọẹn, ọ keghi rhie ẹre gha die Antiọk. Vbe ukpo hoho gbalaka, iran eva kegha gu emwa esọsi do iko, iran kegha ma otu ni bun emwi. Antiọk ọre a na ka gha tie avbe erhuanegbe ivbi Otu e Kristi.

Iwinna 21:38

Ọnii nọ wẹ, wẹ i re ovbi Igipt nii ne ọ si otighi ye ẹvbo nẹdẹ eso, ọ na viọ emwa ni sọtẹ arriaisẹn enẹ ba egbe la otọ ẹgbo?”

II Kọrinti 11:13

Avbe emwa ni i re ukọ ne ukọ, ukọ ohoghe iran khin, iran ni vbe ta ohoghe ye iwinna iran, iran ghi fi egbe werriẹ, ne iran ba do ye vbe ukọ ne ukọ ọghe Kristi.

I Timoti 5:13

Iran ghi vbe gha mu ẹghẹ rhia, vbe ne iran na ke owa ọkpa la ọvbehe, ne ọ ghi wa rhia sẹ vbọ ọrọre wẹ, iran ghi gha re ne ọ na iyẹn ẹrrẹe, arraile, iran ghi gha mu ukpẹ ye ẹmwẹ ne ọ ma khẹ ke iran.

I Timoti 6:5

Igbeagbanmwẹ ne iran muhẹn ighẹ emwa ne ekhọe ẹre sohie nẹ, ẹmwata i ghi vbe rre iran unu. Iran ro ighẹ iyayi, emwi ne a ya gualọ igho ọre nọ.

II Pita 2:18

Iran ghi gha ya unu ta ẹmwẹ itengbemu akpa, iran ghi gha ya emwi orriarria egbe alama, khuẹn ifi munọ avbe emwa ni he da lẹfe hin uwu ẹbu emwa ni rre uwu abakuru rre.

I Jọn 2:19

Vbe ẹmwata, ẹ i re otu ima iran na ye o, ọ ni ọ si ẹe ne iran na kpao sẹ ima rae, akpawẹ otu ima iran ye, te iran gha gu ima tota. Sokpan iran kpao sẹ mwa rae, ne aro miẹn ehe na dae wẹ, ẹ i re otu mwa iran ye.

II Jọn 1:7

Avbe ọrẹrẹ ọmwa ni bun vẹ ku agbọn hia, emwa ni ma tae wẹ Jesu Kristi gele khian ọmwa ne ọ sẹtin wu. Egbe ọmwa vberriọ, ọrẹrẹ ọmwa nọ. Rẹn ọrọre oghian Kristi.

Arhie Maan 2:6

Emwi ne I ghi vbe ya so eni ruẹn ne ọ maa ọre ọna khin wẹ, vbene emwi ne avbe Nikalaitan ru sọnnọ mwẹ, erriọ ọre ọ vbe sọnnọ uwẹ.