Iwinna 20:29 - Edo Bible (E Baibol Ẹdo) Version 1996

²⁹ Rhunmwuda mẹ rẹn ighẹ I gha ghi kpao nẹ nian, avbe oduma ne isamwisan gha la uwu uwa, iran i ra fi yi vbe avbe ohuan.

Iwinna 20:29 ပူးပေါင်းရင်းမြစ်များ

Jerimaia 13:20

E Jerusalẹm ghe! Ghe! Avbe eghian ruẹn wa ke odẹ okuọ dee! Emwa ne a viọ nuẹn viọ mwẹ vbo, avbe emwa ruẹn ne u ya ghagha.

Jerimaia 23:1

U umiẹn vbe ibuohiẹn e Nọyaẹnmwa gha wegbe mu iran hẹ ighe iran ni fuẹn emwa rẹn uan, ne iran na vbe zagha iran an!

Ezikiẹl 22:27

Avbe ewọe oga ọba yevbe avbe oduma ni wa zanzan aranmwẹ ne iran gbe. Iran de izigha ne iran miẹn ehe na họn ẹfe.

Ezikiẹl 34:8

Omwa vbene a na miẹn wẹ mẹ ọrọre Osanobua ne ọ rrọ, wa ghi hẹko danmwehọ mwẹ. Avbe aranmwẹ akọn dekun avbe ohuan gha gbele re, rhunmwuda ọsuohuan i rrọ. Avbe ọsuohuan mwẹ ma ho ne iran gualọ avbe ohuan. Iran kegha gbearoghe egbe iran, iran ma gbearoghe avbe ohuan.

Daniẹl 11:34

Ẹghẹ ne a gha na gha gbele iran an nii, emwa Osanobua gha miẹn iyobọ kherhe, a gha rhe miẹn wẹ nibun vbe uwu iran ni deba irẹn mwẹ emwi obọ iran ne iran gualọ vbọ.

Zẹfanaia 3:3

Avbe ekhaẹmwẹ ọnrẹn yevbe oduma ni tulo wauwauwau. Iran ni buohiẹn ni rrọ yevbe akpakomiza ne ohanmwẹ gbe, ne obọ da sẹrriọ wẹ ẹ i ghi sẹtin sẹ ugboloko ọkpa rae khẹ owiẹ nọkpa.

Zẹkaraia 11:17

Ọghọe fo nẹ ighẹ ọsuohuan ne ọmwa oya nii. Ọ he oghẹn ohuan rẹn ye otọ nẹ. Okuo ọ re ọ ra fuẹn ẹtin ẹnrẹn uan fẹẹrẹ. Obọ ẹre gha luẹluẹ, aro obọ erha ọmwa rẹn gha rhu.”

Matiu 10:16

“Wa danmwehọ! Te I gie uwa ladian zẹ vbe ohuan la uwu oghẹn oduma. Wa ghi gha begbe vbe ẹyẹn, wa ghi vbe fu vbe idu.

Matiu 7:15

“Wa gha ba avbe akhasẹ ohoghe. Iran gha mu akpa ohuan khuẹrhẹ yọ bu uwa rre, sokpan oduma dan iran wa khọ vbe uwu egbe.

Iyẹn ne ọ Maan Ọghe Luk 10:3

Wa gha khian. Te I gie uwa zẹ vbe avbe oteghe ohuan la uwa ẹbu avbe oduma.

Iyẹn ne ọ Maan Ọghe Luk 12:32

“Wa ghẹ fian afianma, oghẹn kherhe. Rhunmwuda, ọ re ekhọe Erha uwa nẹ ne ọ rhie Arriọba ni ne uwa.

Iyẹn ne ọ Maan Ọghe Jọn 10:12

Ọmwa ne a rhie vbe iwinna, ne ẹ i re ne ọ su ohuan, ọ ma vbe yan ohuan, ọ ghi sẹ iran rae, ọ ghi lẹ fua vbe ọ gha miẹn ighẹ oduma dee, ẹghẹ nii oduma ghi gua ohuan rhie, ọ ghi duẹ ehia a.

Iyẹn ne ọ Maan Ọghe Jọn 21:15

Iran ghi rri evbare nẹ, Jesu tama Saimọn Pita wẹẹ, “Saimọn ne ovbi e Jọn, wẹ ho ẹmwẹ mwẹ sẹ avbe emwi na ra?” Rẹn wanniẹn wẹẹ, “Ẹsẹse Nọyaẹnmwa, U rẹnrẹn ighẹ I ho ẹmwẹ ruẹn.” Jesu tama rẹn wẹ, “Gha gbe aro ghe ivbi ohuan mwẹ.”

Iwinna 20:28

Wa gha gbe aro ghe egbe uwa kevbe ohuan hia ne Orhiọn Ne Ọ Huanrẹn viọ ne uwa gha su, wa gha re ọsuohuan esọsi Osanobua ne ọ ya uwu Ovbi ẹre ya khian oghẹ ẹe.

I Pita 5:2

Wa gha re Ọsuohuan avbe oghẹn ohuan ne Osanobua viọ ne uwa, wa gha ye aho ne ọ ke uwu ekhọe rre gbe aro ghe iran, vbene Osanobua ho ne uwa gha ru ẹe, ẹ i re ne a gbe omaro omaro ru. U ghi gha winna iwinna ruẹn, ẹ i re rhunmwuda ne a miẹn ehe na ha ruẹ osa kẹkan, sokpan aho ne a winna ne ọ ke ekhọe rre.

II Pita 2:1

Vbe ẹghẹ ne ọ gberra, a miẹn avbe emamwaemwi ohoghe ni bun vbe uwu ẹbu iran, erriọ wa vbe nọ, a gha vbe miẹn avbe emamwaemwi ohoghe vbe uwu uwa. Iran gha ma emwa iruẹmwi omurhia kevbe ohoghe, iran ghi vbe siẹn Arowa iran ne ọ miẹn iran fan, iran ghi la ekpa ọnii si ọfuan udomwurri mu rhu egbe iran uhunmwu.

Ebe ne Jud gbẹẹn 1:18

Rhunmwuda iran khare wẹẹ, “Ọ gha ghi sẹ ẹdẹ okiekie, emwa eso gha rre, iran ni gha do gha ya uwa gbe ogiẹ, emwa ni gha ru emwi dan ni rre iran ekhọe.”