Iwinna 20:26 - Edo Bible (E Baibol Ẹdo) Version 1996

²⁶ Rhunmwuda ọnii ọre I na si agbada vbe unu tae ma uwa ẹrẹna: a i ghẹ miẹn ighẹ a ye miẹn ne ọfuan vbe uwu uwa ẹ i ghi rre urhu mwẹ.

Iwinna 20:26 ပူးပေါင်းရင်းမြစ်များ

II Samuẹl 3:28

E Devid ghi họn ẹmwẹ na, ọ keghi kha wẹẹ, “E Nọyaẹnmwa rẹnrẹn wẹ imẹ kevbe emwa mwẹ, ma ma rẹn ọkpa, a ma rẹn eva vbe ugbemwẹ ne iran gbe Abna re.

Job 16:19

Orhiọnkpa rre ẹrinmwi ne ọ gha mudia khọn ekhae mẹ.

Jerimaia 42:21

Banbanna nian, I tama uwa nẹ sokpan, wa wa fieghe uhunmwu ye emwi hia ne Nọyaẹnmwa ne Osanobua ima giee mwẹ wẹ ne I tama uwa.

Iyẹn ne ọ Maan Ọghe Jọn 12:17

Emwa ni gbe ẹbu ye ehe ne Jesu na huẹn Lazarọs kpao vbe idin keghi na iyẹn emwi ne ọ sunu.

Iyẹn ne ọ Maan Ọghe Jọn 19:35

Ọmwa ne aro ẹre sẹ emwi na ọre ọ ta ẹe. Ma rẹnrẹn ighe ẹmwata ọre ọ ta ẹe, ne uwa miẹn ehe na yayi.)

Iwinna 18:6

Ugbẹn vbe iran ghi suẹn gha gbe odan ye ọre owẹ, ne iran na vbe gha ya ukpẹ sakan ẹn, ọ keghi bọnmwẹ ukpọn rẹn ku iran ọ wẹẹ, “A deghẹ wa ghi fuan, uhunmwu uwa ọre uwa gha ya muẹn, I ma rẹn ọkpa I ma rẹn eva vbọ. Ke ẹghẹ na gha rae, I ra bu iran ne ẹ i re Ju.”

Ebe ne Pọl gbẹẹn gie emwa Rom 10:2

Rhunmwuda I gha wa sẹ osẹe ne iran. wẹ ẹmwẹ Osanobua wa rre iran ekhọe ẹsẹse. Sokpan, vbene ẹmwẹ ọnrẹn rre iran ekhọe ma lele uviẹn ọghe ọmwa ne ọ rẹn emwi ẹse.

II Kọrinti 1:23

Osanobua ọre I rhie ye osẹe mwẹ, ọ rẹn vbene ekhọe mwẹ ye hẹ, Ne a ghẹ miẹn ehe na rri uwa oya, ọre ọ zẹe ne I ma na ghi rrie Kọrinti.

II Kọrinti 7:2

Wa rhie otọ ne ima vbe uwu ekhọe uwa. Ne ima ru ẹre emwi khọ i rre uwu uwa, ma ma fuẹn ọmwa rhọkpa rua, ma ma rhu ọmwa rhọkpa rre.

II Kọrinti 8:3

Ne I tama uwa wẹ, ekhọe obọ iran ọre iran ya rhie emwi ladian vbene ẹtin ira sẹe, uhin gberra vbene obọ iran sẹe.

I Timoti 5:22

Ghẹ tua viọ obọ yan ọmwaikọmwa uhunmwu, ye iwinna Nọyaẹnmwa, ghẹ mwẹ obọ vbe orukhọ ẹrrẹe, da egbe ruẹ yi vbe ne a i na mwẹ iruẹn.