Iwinna 20:25 - Edo Bible (E Baibol Ẹdo) Version 1996

²⁵ “I khian la ehe hia vbe uwu uwa vbe ne I na kpe orhu Arriọba Osanobua. Banbanna nian, mẹ rẹnrẹn ighẹ ne ọ gha ye dọlegbe miẹn mwẹ i ghi rre uwa na.

Iwinna 20:25 ပူးပေါင်းရင်းမြစ်များ

Matiu 10:7

Wa ya kporhu wẹẹ, ‘Arriọba ẹrinmwi sẹ otọ fo.’

Matiu 13:19

Iran ni kharha ye adesẹ odẹ ọrọre iran ni họn ẹmwẹ Arriọba, sokpan ọ ma la iran ekhọe. Esu keghi do sanmwẹ emwi ne a te kọ yọ rhie.

Matiu 13:52

Ọ keghi dọlegbe tama iran wẹẹ, “Ọnii rhie ma wẹ deghẹ ọma emwa Uhi ọkpa do khian ọrhuanegbe vbe uwu Arriọba ẹrinmwi, rẹn ghi do yevbe ọdafẹn nọyan owa, ọ ghi vbe gha viọ emwi ọgbọn kevbe emwi ọwiẹyi ke uwu aza ẹre ladian.”

Matiu 4:17

Ke ẹghẹ ni kpao ọre Jesu na suẹn gha kporhu, ọ wẹẹ, “Wa ro iro fi uyinmwẹ werriẹ, rhunmwuda Arriọba ẹrinmwi sẹ otọ fo.”

Matiu 4:23

Jesu keghi lele Galili sẹ otọ sẹ ukhunmwu, ọ kegha ma emwa emwi vbe dọmwadẹ Ọgua ediọn, ọ kporhu Iyẹn Ne ọ maa ọghe Arriọba, ọ keghi vbe sinmwi emwa nikhuọnmwi kevbe ni huẹhuẹ.

Iyẹn ne ọ Maan Ọghe Luk 16:16

“Avbe Uhi e Mosis kevbe emwi ne avbe akhasẹ gbẹnnẹ ye otọ wa gha rre atẹ do sẹ ẹghẹ e Jọn ne Ọsamẹ. Sokpan ke ẹghẹ nii gha dee, vbe a ghi kpe orhu Iyẹn Ne ọ maa ọghe Arriọba Osanobua nẹ, ẹki udu ọre emwa hia ghi ya larọ.

Iyẹn ne ọ Maan Ọghe Luk 9:60

Jesu wanniẹn wẹẹ, “Gie iran ni wulo gha re orinmwi ọghe iran, wẹ ya gha kpe orhu Arriọba Osanobua.”

Iwinna 20:38

Ẹmwẹ ne ọ mobọ da iran sẹ vbọ ọrọre ne ọ na kha wẹẹ iran i ra dọlegbe miẹn irẹn aro ọvbehe. Iyeke ọnii, iran keghi ya suẹe sẹ okọ.

Iwinna 28:31

Ọ kegha kpe orhu ẹmwẹ Arriọba Osanobua, ọ na gha ma emwa emwi vbekpa Nọyaẹnmwa Jesu Kristi, ọ kegha ye unu hia ta ẹe vbe ne a i na mwẹ khian se evba.

Iwinna 8:12

Sokpan iran ghi ya ikporhu e Filip yi, ikporhu ọghe Iyẹn Ne ọ maa ọghe Arriọba Osanobua kevbe eni Jesu Kristi, a kegha sa amẹ ne iran, ke ikpia kevbe ikhuo.

Ebe ne Pọl gbẹẹn gie emwa Rom 15:23

Vbene a ghi na miẹn nian ighẹ I winna iwinna mwẹ fo nẹ vbe ikinkin na, kevbe ne a na miẹn wẹ, ẹghẹ ni bun ọre I he ya gha ho ne I do miẹn uwa aro.

Galatia 1:22

Vbe ẹghẹ ne a kha na hia, emwa esọsi Kristi ne rre Juda ma he ye rẹn mwẹ vbe aro.

Kọlose 2:1

Wa gun mwẹ tama uwa, vbene I he kakabọ winna ne uwa, kevbe emwa ni rre Laodisia sẹ hẹẹ, kevbe emwa hia ni ma he rẹn mwẹ vbe aro.