Iwinna 20:16 - Edo Bible (E Baibol Ẹdo) Version 1996

¹⁶ Pọl keghi te wẹ ne iran gua okọ la odẹ Ẹfisọs ne a ghẹ vbe mu ẹghẹ rhia vbe ikinkin Esia. Rẹn keghi wa tua okhian ne ọ miẹn ehe na rherhe sẹ Jerusalẹm, a deghẹ ọ gia ru vbe ẹdẹ Pẹntikọst zẹẹ.

Iwinna 20:16 ပူးပေါင်းရင်းမြစ်များ

Ẹksọdọs 34:22

“Wa ghi gha ru emwiukpo, emwiokọ okaro ọghe emwiorhọ ọka, wa ghi gha ru emwiukpo ọghe emwiorhọ ọmerhan vbe ufomwẹ ne uwa ya rhọ emwi la owa vbe ukpo.

Iwinna 12:13

Pita sobọ vbe ẹkhu ne a la fi ore, ọvbokhan okhuo ọkpa ne a tie ẹre Roda kegha dee do kie ẹre.

Iwinna 16:6

Iran keghi khian la iwewe Frigia kevbe Galatia. Orhiọn Ne Ọ Huanrẹn ma kue ne iran kpe orhu vbe otọ Esia.

Iwinna 18:19

Iran ghi sẹ Ẹfisọs, Pọl keghi sẹ Priskila kevbe Akuila rae vbe evba, ọ kegha rrie Ọgua ediọn, ọ keghi ya gha gu avbe Ju guan.

Iwinna 18:21

Sokpan, ọ ghi ra kpao ọ tama iran wẹ, “A deghẹ Osanobua ho ro, I gha dọlegbe bu uwa rre,” ọ na la okọ kpao vbe Ẹfisọs.

Iwinna 19:1

Ẹghẹ ne Apọlọs na gha rre Kọrinti, e Pọl keghi khian la uwu otọ ẹvbo nii, ọ keghi lae do sẹ Ẹfisọs. Rẹn keghi vbe miẹn erhuanegbe eso vbe evba.

Iwinna 19:21

Emwi na ghi sunu nẹ, Pọl na wẹ rẹn ra khian lele Masidonia kevbe Gris ne ọ vbe la odọ gha rrie Jerusalẹm. Ọ keghi kha wẹ, “I gha sẹ evba nẹ, I gha vbe sẹ e Rom.”

Iwinna 2:1

Ugbẹn vbe ọ ghi sẹ ẹdẹ Pẹntikọst, iran ni yayi hia keghi si egbe koko ye ihe ọkpa.

Iwinna 20:13

Ma keghi ya la okọ, a na gua gha rrie Asọs, eke ne ima ra na ya mu e Pọl. Otọ ọre iran la gha rrie evba, ọre ọ na wẹ ne ima do mu irẹn vba.

Iwinna 20:18

Ugbẹn vbe iran ghi rre, ọ tama iran wẹẹ, “Wa rẹn vbene I gha ru hẹ vbe ẹghẹ ne I gbe vbe ehe ne uwa ye ke ẹdẹ ne I fi owẹ la otọe Esia gha dee.

Iwinna 20:22

Wanwanna nian, I rrie Jerusalẹm vbene Orhiọn Ne Ọ Huanrẹn gie mwẹ, vbene I ma na rẹn emwi ne ọ gha ruan mwẹ vbe odọ.

Iwinna 20:4

Sopata, ovbi e Pirọs ne okpia ne ovbi ẹvbo ne a tie ẹre Beria, keghi lele ẹe kpa, deba Aristakọs kevbe Sekundus ne ivbi ẹvbo ne a tie ẹre Tẹsalonaika kevbe Trofimọs ni ke otọe ẹvbo Esia rre.

Iwinna 20:6

Ma keghi gua okọ kpao vbe Filipai vbe iyeke Emwiukpo Ebrẹd Ne ọ ma hue. Ọ ghi rre ikpẹdẹ isẹn, ma keghi ya vbe iran vbe Troas, ma na gbe uzọla ọkpa vbe evba.

Iwinna 21:4

Ma keghi miẹn ivbi iyayi eso vbe evba, ma na gu iran gbe uzọla ọkpa. Iran keghi le ekpa ẹtin Orhiọn tama Pọl ne ọ ghẹ ye Jerusalẹm.

Iwinna 24:17

“Ọ ghi rre omwa ukpo eso ne I ghi kpa vbe Jerusalẹm rre, I keghi vbe dọlegbe gha khian ne I rhie igho eso gie emwa mwẹ, kevbe ne I vbe ya zọ ese.

I Kọrinti 16:8

I ho ne I gha rre Ẹfisọs rhinrin ya sẹ ẹdẹ Pẹntikọst.