Iran keghi wa ya ẹghẹ iran hia gha ruẹ emwi vbe obọ avbe ukọ, iran keghi rhie egbe ba iran. Iran kevbe gha re vbe evbare ne iran hia gha re, iran kevbe gha deba iran na erhunmwu.
Vbe Ẹdẹ uzọla, ma keghi si egbe koko ne a rri evbare ivbiotu. Pọl kegha gu avbe emwa ni guan, ọ keghi guan rhinrin ya sẹ ogiasọn rhunmwuda rẹn gha kpao vbe ẹdẹ a gbe.
Ọmọ okpia ọkpa keghi tota ye ewindo, a tie eni ẹnrẹn Utikọs. Ugbẹn vbe Pọl ghi ye si ẹmwẹ ne ọ guan tan, ovbe keghi kakabọ gha gbe Utikọs vbe okiekie, ọ keghi wa vbiua, ọ na ke omuyan ne ogie eha ọghe egedege nii ne fi otọ. Iran ghi muẹn kpaegbe, ọ wu nẹ.