Iwinna 20:1 - Edo Bible (E Baibol Ẹdo) Version 1996

¹ Ugbẹn vbe owogho ghi dọyọ nẹ, Pọl keghi tie ivbi iyayi, ọ keghi ya ẹmwẹ igiẹdu gbe ọkhian ẹdẹ hia ne iran. Rẹn keghi kpao, ọ na gha rrie Masidonia.

Iwinna 20:1 ပူးပေါင်းရင်းမြစ်များ

Gẹnẹsis 48:10

Te aro Izrẹl ghi ghe vbirrivbirri rhunmwuda ne ọ na khian ọmaẹn, ẹ i ghi bẹghe ẹse. E Josẹf keghi viọ emọ ni bu ẹre rre, rẹn keghi gba iran ginna egbe, ọ na ye unu soso iran unu.

Iwinna 11:26

Ugbẹn vbe ọ ghi miẹn ọẹn, ọ keghi rhie ẹre gha die Antiọk. Vbe ukpo hoho gbalaka, iran eva kegha gu emwa esọsi do iko, iran kegha ma otu ni bun emwi. Antiọk ọre a na ka gha tie avbe erhuanegbe ivbi Otu e Kristi.

Iwinna 16:12

Ma keghi vbe ke evba la uwu ẹre gha rrie Filipai, ẹvbo ne ọ rre ototọ Rom. Ma gbe sẹ omwa ikpẹdẹ eso vbe ẹvbo nii.

Iwinna 16:9

Asọn ii, Pọl keghi miẹn umian vbe uwu ne ọ na miẹn ovbi Masidonia ọkpa ne ọ mudia gha rinmwiaẹn wẹẹ, “Gha die Masidonia ne u do yi ma obọ!”

Iwinna 19:21

Emwi na ghi sunu nẹ, Pọl na wẹ rẹn ra khian lele Masidonia kevbe Gris ne ọ vbe la odọ gha rrie Jerusalẹm. Ọ keghi kha wẹ, “I gha sẹ evba nẹ, I gha vbe sẹ e Rom.”

Iwinna 20:10

Sokpan Pọl keghi tuorre, ọ lovbiẹ yan rẹn, ọ keghi si ẹe kuẹn, ọ keghi tama iran wẹ, “Wa ghẹ fian afianma, ọ ma wu.”

Iwinna 20:2

Ọ keghi lele isoko ni hia gaa, ọ kegha ye ẹmwẹ ni bun rhie igiẹdu ne iran. Ọ keghi ke evba kpao gha die Gris, ehe ne ọ na do gbe uki eha.

Iwinna 20:3

Rẹn ghi te mu egbe ne ọ gha rrie Siria, ọ keghi vẹ nẹ rẹn ighẹ avbe Ju gha si uma ne iran gbe irẹn ruan, ọ na ghi wẹ ne iran ya la Masidonia dọlegbe gha rrie.

Iwinna 20:37

Ehia keghi wa gbe akhe eve ua, iran keghi gbae ginna egbe iran kegha mu ẹre unu hiẹnhiẹn ya gbe ọkhian ẹdẹ hia nẹẹn.

Ebe ne Pọl gbẹẹn gie emwa Rom 15:19

La ekpa ẹtin, ama kevbe iwinna ọyunnuan kevbe ẹtin ọghe Orhiọn. Ọre a na miẹn wẹẹ I ke Jerusalẹm khian ya sẹ Ilirikọm. I kegha na ọna ọre ọ na fo ighẹ Iyẹn Ne ọ maa vbe ekpa Jesu Kristi.

Ebe ne Pọl gbẹẹn gie emwa Rom 16:16

Wa ya isoso unu etẹn tuẹ egbe uwa. Esọsi Kristi hia we uwa do.

I Kọrinti 16:20

Etẹn hia ni rre edinran we uwa do. Wa ye isoso unu etẹn tuẹ egbe uwa.

I Kọrinti 16:5

I gha rrie odọghe uwa vbe I a ghi la Masidonia fo nẹ, rhunmwuda odẹ Masidonia ọre I ra la.

II Kọrinti 13:12

Wa gba ye isoso unu etẹn tuẹ egbe. Emwa Osanobua hia gie otuẹ uwa.

II Kọrinti 7:5

Uhin vbe ima sẹ Masidonia nẹ, ma ma ye hẹ wẹ, Orueghe gba ehe hia, ẹzọ ne a gu emwa ọvbehe gui, afianma ne ọ fian ọmwa vbe ekhọe.

I Tẹsalonaika 5:26

Wa ye isoso unu etẹn tuẹ avbe etẹn hia.

I Timoti 1:3

I ho ne u tota vbe Ẹfisọs, zẹ vbe ne I ka tama ruẹn ẹghẹ ne I na gha gberra rrie Masidonia. Emwa eso vbe evba ma emwa iruẹmwi ohoghe, u ghi wẹ ne iran da obọ ẹre yi.