Iwinna 2:47 - Edo Bible (E Baibol Ẹdo) Version 1996

⁴⁷ Iran kegha rho Osanobua vbe uyi, agbọn hia keghi wa gha ta ẹmwẹ iran ne ọ maa. Nọyaẹnmwa kegha viọ avbe emwa ne a ra miẹn fan ba otu iran ẹdẹgbegbe.

Iwinna 2:47 ပူးပေါင်းရင်းမြစ်များ

Iyẹn ne ọ Maan Ọghe Luk 19:48

Sokpan iran ma rẹn vbene iran gha ruẹe hẹẹ rhunmwuda emwa hia kegha wa danmwehọ ẹre vbene iran i na ho ne ẹmwẹ ọnrẹn ọkpa kẹkan la iran iyeke ehọ de fua.

Iyẹn ne ọ Maan Ọghe Luk 2:52

Jesu kegha wan vbe ikinnegbe kevbe ẹwaẹn, ẹmwẹ ọnrẹn kegha yẹ Osanobua kevbe emwa ne agbọn.

Iwinna 11:21

Ẹtin Nọyaẹnmwa kegha gu iran rrọọ, emwa ni bun ẹsẹse keghi yayi, iran na fiwerriẹ bu Nọyaẹnmwa gha dee.

Iwinna 11:24

Banabas keghi re ọmwa esi ne ọ vuọn ne Orhiọn Ne Ọ Huanrẹn kevbe iyayi. A keghi viọ emwa ni bun bu Nọyaẹnmwa gha dee.

Iwinna 13:48

Ugbẹn vbe iran ne ẹ i re Ju ghi họn ẹmwẹ na, iran keghi ghọghua, iran keghi rho ẹmwẹ Nọyaẹnmwa, iran ne a hannọ zẹ ye ẹfe ne ẹ i fo nẹ, keghi do yayi.

Iwinna 14:1

Erriọ ọre ọ vbe gha ye vbe Aikọniọm, Pọl kevbe Banabas kegha rrie Ọgua ediọn avbe Ju, iran keghi guan ẹsẹse, sẹrriọ ne avbe Ju ni bun kevbe iran ne ẹ i re Ju na wa yayi.

Iwinna 14:21

Pọl kevbe Banabas keghi kpe orhu Iyẹn Ne ọ maa vbe Dẹbi, iran keghi miẹn emwa ni bun viọ ba egbe vbe evba. Iran keghi werriegbe gha rrie Listra kevbe Aikọniọm kevbe Antiọk ne ọ rre Pisidia.

Iwinna 16:5

Avbe esọsi keghi gha ye ọna wegbe sẹ ayọ vbe iyayi, iran na gha muan yọ ẹdẹgbegbe.

Iwinna 17:12

Ni bun vbe uwu iran keghi yayi. Ikhuo ni bun ni hin usi vbe uwu avbe Grik, kevbe ikpia Grik ni bun kevbe yayi.

Iwinna 2:39

Rhunmwuda, wa kevbe avbe ivbi uwa ọre Osanobua ve ẹre emwi na kevbe iran ni rre urria, kevbe avbe emwa hia fẹẹrẹ ne Osanobua gha tie rrie egbe.”

Iwinna 2:41

Ni bun vbe uwu iran keghi ya ẹmwẹ ọnrẹn yi, a keghi sa amẹ ne iran, emwa ni do ya egbe ba iran vbe ẹdẹrriọ kegha re omwa arriaisẹn eha.

Iwinna 4:21

Iko ni keghi dọlegbe tua unu muẹn ma iran, iran keghi fannọ iran kua. Iran ma miẹn emwi de obọ mu ya rri iran oya rhunmwuda, emwa hia keghi wa gha rho Osanobua ye emwi ne ọ sunu.

Iwinna 4:33

Avbe ukọ keghi gha ya ẹtin nọkhua sẹ osẹe arhiọkpaegbe ọghe Nọyaẹnmwa Jesu. Osanobua keghi wa vbe gha tue afiangbe yan iran hia.

Iwinna 4:4

Sokpan iran ni họn ẹmwẹ nii keghi yayi, ikpia ni rrọọ sẹ omwa arriaisẹn isẹn.

Iwinna 6:1

Ọ ghi kpẹe kherhe, vbe avbe erhuanegbe ghi bun yọ nẹ, imuaẹmwẹ keghi do gha rrọọ ne avbe Ju ni rre owa kevbe avbe Ju ni zẹ ẹvbo Grik. Avbe Ju ni zẹ Grik keghi kha wẹ iran gha ghae evbare, iran i ghae sẹ avbe ẹgbẹe ni re ọghe iran vbọ obọ.

Iwinna 6:7

Rhunmwuda ọnii, ẹmwẹ Osanobua kegha vẹ khian. Avbe erhuanegbe ni rre Jerusalẹm kegha muan yọ, nibun vbe uwu avbe ohẹn keghi vbe do yayi.

Iwinna 9:31

Ẹghẹ nii ọre egbe ghi na do rọkhọ esọsi ni rre Judia hia, kevbe Galili kevbe ni rre Sameria. Ọ kegha de igiẹ, ọ na gha muan yọ vbe ekpa iyobọ Orhiọn Ne Ọ Huanrẹn, ọ kegha rrọọ vbene ọ na ye uyinmwẹ ọnrẹn ya ọghọ ne Nọyaẹnmwa.

Iwinna 9:35

Emwa hia ni rre Lida kevbe Siarọn ghi miẹn ọẹn, iran keghi do ya Nọyaẹnmwa yi.

Ebe ne Pọl gbẹẹn gie emwa Rom 14:18

Ọmwaikọmwa ne ọ ye vberriọ ga Jesu miẹn aro ne ọ maa ọghe Osanobua kevbe ne agbọn tu ọma lele.

Ebe ne Pọl gbẹẹn gie emwa Rom 8:30

Osanobua keghi tie iran ne irẹn zẹ ye efẹn ọkpa nẹ, ẹ i re wẹ ọ tie iran ọkpa, sokpan ọ keghi vbe ye iran dọlọ kugbe ba egbe irẹn, ẹ i re wẹ ọ dọlọ iran kugbe ba egbe ọkpa, sokpan ọ keghi vbe ghae ne iran vbe uwu uyi ẹre.

Ebe ne Pọl gbẹẹn gie emwa Rom 9:27

Aizaia keghi vbe kha vbekpa Izrẹl wẹẹ, “Ọ gha khọn rẹn ne ivbi Izrẹl gha ye vbe ikpekhae ni rre ọkpẹn okun, ibozẹghẹ ọre a ra miẹnfan vbe uwu iran.

I Kọrinti 1:18

A gha ta ẹmwẹ uwu ne Kristi wu vbe uhunmwu ugbugbe ma iran ni ra fuẹn uan, ẹmwẹ eghẹrẹ nọ vbe ehọ iran. Sokpan, zẹ vbe ọghe ima ne a ra miẹnfan, ẹtin Osanobua nọ.