Iwinna 2:40 - Edo Bible (E Baibol Ẹdo) Version 1996

⁴⁰ Pita keghi kakabọ gu iran guan, ọ keghi ya ẹmwẹ ni bun bu iran ude wẹẹ, ne iran rhie uhunmwu iran lẹre hin ikhi ne a ra do rria emwa dan na re.

Iwinna 2:40 ပူးပေါင်းရင်းမြစ်များ

Itan 9:6

Ladian vbe uwu ẹbu emwa ni ma rẹn ne a ye, ne u gha rre agbọn. Wẹ lele odẹ irẹnmwi.”

Jerimaia 51:45

Wa ne ivbi Izrẹl, wa lẹ ladian vba. Wa lẹ viọ uhunmwu uwa hin ẹbe rre vbe obọ ohu nọkhua ne ọ mu mwẹ.

Matiu 12:34

Wa ne ẹyẹn ne emwi dan, vbe ẹmwẹ esi ighi te ra ke uwa unu ladian hẹẹ? rhunmwuda, emwi ne ọ rre ekhọe ọre unu na ta ladian.

Matiu 16:4

Jesu keghi kha wẹẹ, “Erriọ a vbe miẹn emwa dan kevbe ne ẹnina Osanobua izẹdẹ rre ọre ekhọe vbe ne orre na ye ra? Ẹ i re iwinna ọyunnuan wa gualọ vbe obọ mwẹ? Wa i ra miẹn ọvbehe nian gberra ọ ghe Jona ne akhasẹ.” Ọ keghi kpao sẹ iran rae, ọ na gha rrie.

Matiu 17:17

Jesu keghi wanniẹn wẹẹ, “Wa ne ẹ i mwẹ iyayi kevbe ni vbe ba odẹ ku! Vbe i a gha kpee sẹ hẹ vbe ehe ne uwa ye? Vbe i a gha ziengbe ne uwa kpee sẹ hẹ? Rhie ne ọvbokhan gun mwẹ vbe emwa.”

Matiu 23:33

Wa ne ẹyẹn, wa ne ivbi ẹyẹn, vbọzẹ ne uwa na te ro yi ighẹ wa gha miẹn uhunmwu vbe obọ abe ẹrinmwi ne ehianmwẹ ivin?

Iyẹn ne ọ Maan Ọghe Mak 8:38

Rhunmwuda ọnii, deghẹ ọmwaikọmwa mu ekhue mwẹ kevbe ekhue iyẹn ne ọ maa vbe agbọn ọrhiae ne ọ maa rẹn Osanobua na, Ovbi Ọmwa gha vbe mu ekhue ẹre vbe ọ gha rre vbe uyi ọghe Erha ẹe deba avbe odibosa ni huanrẹn.”

Iyẹn ne ọ Maan Ọghe Luk 16:28

I mwẹ etẹn ikpia isẹn, ne ọ wa yan ma iran ne iran ghẹ vbe gha di uwu obalọ na.’

Iyẹn ne ọ Maan Ọghe Luk 21:36

Wa gha begbe, wa gha na erhunmwu ne uwa miẹn orhiọn ya ye egbe miẹn emwi na hia ni ra sunu, ne uwa vbe mudia vbe odaro Ovbi Ọmwa.”

Iyẹn ne ọ Maan Ọghe Jọn 21:25

Emwi ọvbehe wa ye bun ne Jesu ru. Akpawẹ te a gbẹnnẹ ehia ye otọ ọkpọkpa, mẹ ma yayi ighẹ agbọn na hia gha gua ebe ne a gbẹnnẹ ọẹn yi.

Iwinna 10:42

Rẹn keghi yi iyi ne ima ne a ya kpe orhu Iyẹn Ne ọ maa ma emwa hia, ne a vbe sẹ osẹe ọre wẹ rẹn ọrọre ọmwa ne Osanobua zẹe ne ọ gha re ne ọbuohiẹn emwa ni rre agbọn kevbe ni wulo nẹ.

Iwinna 15:32

Judas kevbe Sailas, emwa ni vbe re akhasẹ, keghi rhie ẹghẹ ne ọ taẹn ya gu avbe emwa nii guan, iran keghi rhie udinmwẹ kevbe iwegbe ne iran.

Iwinna 20:11

Rẹn keghi dọlegbe hin egedege, ọ keghi gia ebrẹd, iran na re. Ọ keghi ye gha gu iran guan ya sẹ ẹghẹ ne ovẹn ya yan rre, ọ keghi kpao.

Iwinna 20:2

Ọ keghi lele isoko ni hia gaa, ọ kegha ye ẹmwẹ ni bun rhie igiẹdu ne iran. Ọ keghi ke evba kpao gha die Gris, ehe ne ọ na do gbe uki eha.

Iwinna 20:21

Iran ne Ju kevbe iran ne ẹ i re Ju, te I si agbada vbe unu ya tama emwa hia wẹẹ ne iran zobọ vbe orukhọ, ne iran bu Osanobua gha dee kevbe ne iran ya Nọyaẹnmwa Jesu yi.

Iwinna 20:24

Sokpan mẹ wa ka uhunmwu mwẹ ye ne ẹ i mwẹ esa, ne I miẹn ehe na khain okhian ne ọ wa mẹ sẹ otọ, ne I vbe winnaẹn fo ighẹ iwinna ne Nọyaẹnmwa Jesu wa mẹ ne I ru, ọnii nọ wẹ ne I ya wewe Iyẹn Ne ọ maa ọghe Ẹsọhẹ Osanobua.

Iwinna 20:9

Ọmọ okpia ọkpa keghi tota ye ewindo, a tie eni ẹnrẹn Utikọs. Ugbẹn vbe Pọl ghi ye si ẹmwẹ ne ọ guan tan, ovbe keghi kakabọ gha gbe Utikọs vbe okiekie, ọ keghi wa vbiua, ọ na ke omuyan ne ogie eha ọghe egedege nii ne fi otọ. Iran ghi muẹn kpaegbe, ọ wu nẹ.

Iwinna 28:23

Rhunmwuda ọnii, iran keghi bu ẹdẹ ne Pọl. Emwa ni bun sẹ ọnii ẹsẹse keghi rrie ehe ne Pọl dia ẹdẹ nẹdẹrriọ ke owiẹ ya sẹ asọn, ọ keghi rhan otọ ẹre ma iran, ọ kegha ta ẹmwẹ Arriọba Osanobua ma iran. Ọ keghi te gha ho ne ọ fi iran ekhọe werriẹ ghe ẹmwẹ Jesu vbekpa ne ọ na gha tie ebe Uhi Mosis kevbe emwi ne avbe akhasẹ gbẹnnẹ ye otọ ma iran.

Iwinna 4:36

Ẹghẹ ni ọre Josẹf, e Livai ọkpa ne a biẹe vbe Saiprọs, ne avbe ukọ he ẹre Banabas (emwi ne a ye ọnii kha ọre ọmwa ne ọ ye udu hu ọmwa,)

II Kọrinti 5:20

Eban nian, te ima ghi guan ne Kristi khekherriọ, vbene a miẹn wẹ Osanobua tobọ ẹre ọre ọ wa la uwu ima gha gu uwa guan ne Kristi. Ma rinmwian uwa, wa gie Osanobua fi uwa werriẹ hin eghian rre ghe ọse.

II Kọrinti 6:17

Rhunmwuda ọnii, Nọyaẹnmwa keghi kha wẹ, “Wẹ kpao sẹ iran rae, Wa wannọ egbe hin uwu iran rre. Wa ghẹ mwẹ obọ vbe emwi ne ọ ma huan mẹ gha rhan obọ miẹn uwa.

Galatia 5:3

I ho ne I tua unu mu ẹmwẹ na, ne I vbe dọlegbe ta ẹe ma ọmwa ne ọ kue ne a rhuẹ ọre, te ọ khẹ ke ẹe ne ọ wa gha ru emwi hia ne nene Uhi khare.

Ẹfisọs 4:17

Rhunmwuda ọnii, eni Nọyaẹnmwa ọre I ya ta ẹmwẹ na, te I wa vbe tua unu muẹn wẹ, wa ghẹ gha ru vbene avbe iran ne enigẹbọ ru, emwa ne iziro ekhọe iran i mwẹ esa ne ọ ye.

Diuteronomi 32:5

Sokpan wa i re emwata, wa ma kei ye emwa ẹnrẹn ẹvbo orukhọ kevbe ne ọ vuọn ne erẹrẹ.

Filipai 2:15

Ne uwa sẹtin gha re ne ẹ i mwẹ abe kevbe ne ọ huanrẹn, zẹ vbe ivbi Osanobua ne ọ gba na fo vbe agbọn ọ kẹkẹe kevbe ẹwobi emwa na. Wa gha fi wainwain vbe uwu ẹbu iran zẹ vbe orhọnmwẹ ne ọ rhie uwanmwẹ ne iso, zẹ vbene uwa na ta ẹmwẹ arrọọ ma iran.

I Tẹsalonaika 2:11

Wa rẹnrẹn wẹ, obọ ne erha ya mu ivbi ẹre, ọre ima ya gha mu dọmwadẹ ọghọe vbe uwu uwa.

I Timoti 4:16

Gha rhuan egbe ne u vbe gha ya emwi ne u ma emwa ẹre ẹro. Gha ru avbe emwi na khian, rhunmwuda, u gha ru vberriọ, u gha miẹn egbe ruẹ kevbe iran ni danmwehọ ruẹ fan.

I Pita 5:12

Sailas, ọmwa ne ima ka ye ọtẹn ne ẹ i hiẹ ọmwa, ọre ọ gun mwẹ gbẹn ehe ne kherhe na gie uwa, I ho ne I rhie igiẹdu ne uwa, ne I vbe ya unu mwẹ ta ẹe ma uwa zẹ vbe ẹmwẹ obọ mwẹ wẹ, ẹsọhẹ ọghe Osanobua, ọre ọ na khin. Wa mudia yọ gbain.