Iwinna 2:4 - Edo Bible (E Baibol Ẹdo) Version 1996

⁴ Iran hia keghi wa vuọn ne Orhiọn Ne Ọ Huanrẹn, iran kegha zẹlẹ ẹvbo ọvbehe, zẹ vbene Orhiọn rhie ẹtin ne iran.

Iwinna 2:4 ပူးပေါင်းရင်းမြစ်များ

II Samuẹl 23:2

Orhiọn e Nọyaẹnmwa guan la unu mwẹ rre, uhunmwu ne ọ gie rre akhuarhamwunu mwẹ.

Aizaia 28:11

Adeghẹ wa ma danmwehọ mwẹ, Osanobua gha gie emwa ẹvbo ọvbehe, emwa ni zẹ eghọnmighọn, ne iran do ma uwa nene emwi.

Aizaia 59:21

I rhie ẹtinmwẹ kevbe iruẹemwi mwẹ ne uwa, ne ọ gha re ọghe uwa ẹdẹdẹmwẹdẹ, ke ẹghẹ na gha rae te uwa ra gha họn ẹmwẹ mẹ, wa ghi ma ivbi uwa, kevbe ivbi uniẹn uwa ẹre ne iran gha họn ẹmwẹ mẹ ẹdẹdẹmwẹdẹ.”

Jerimaia 6:11

Ohu iran ne ọ mu ẹẹn wa vbe giẹn vbe erhẹn vbe uwu ime, Nọyaẹnmwa, I i ghi sẹtin zin ẹnrẹn ọvbehe.” Ẹre Nọyaẹnmwa na tama mwẹ wẹẹ, “Hihiẹ ohu mwẹ yan avbe ibiẹka vbe adesẹ ore, kevbe ye ehe ne avbe igbama na si koko. A gha viọ avbe ọdọ kevbe avbe amwẹ kpao, a i ra vbe sẹ avbe ọmaẹn rae.

Ezikiẹl 3:11

Iyekọnii, u ghi bu ivbi ẹvbo ruẹ ni rre iwe ne u ya tama iran ẹmwẹ ne imẹ ne Osa ne Udazi tama iran, ọ gha khọn iran, iran zẹ ye uẹ re ra iran ma zẹ yọ.”

Maika 3:8

Sokpan, zẹ vbe ọghomwẹ e Nọyaẹnmwa ya orhiọn rẹn kevbe ẹtin ẹnrẹn vuọn mwẹ ọ vbe rhie mwẹ ne I gha rẹn emwi ne ọ re ohiẹn ẹmwata, kevbe udinmwẹ ne I gha ya gha tama ivbi Izrẹl orukhọ ne iran ru.

Matiu 10:19

Iran gha viọ uwa ye erhan ẹzọ, wa ghẹ mu udu kee ba ẹmwẹ ne uwa gha ta ra vbene uwa gha tae hẹ. Ọ gha sẹ ẹghẹ, a gha rhie ẹmwẹ ne uwa gha ta ye uwa unu.

Iyẹn ne ọ Maan Ọghe Mak 16:17

A gha rhie ama ẹtin na ne avbe emwa ni yayi. Iran gha ya eni mwẹ khulo avbe esu ladian. Iran gha zẹ ẹvbo ne iran ma rẹn.

Iyẹn ne ọ Maan Ọghe Luk 1:15

Rhunmwuda okpọmwa rẹn khian gha khin vbe odaro Osanobua. A ghẹ giee ye unu kan ayọn, a ma ghi wẹ ayọn ne ọ wo vbe egbe. Orhiọn Ne ọ huanrẹn gha hin yan rẹn wa ke ẹghẹ ne a ya biẹ ọe kpao.

Iyẹn ne ọ Maan Ọghe Luk 1:41

Ugbẹn vbe Elizabẹt ghi wa họn urhu otuẹ e Meri, akpa ne ọ rre ẹre ẹko na guakpao. Elizabẹt keghi vuọn ne orhiọn Ne ọ huanrẹn.

Iyẹn ne ọ Maan Ọghe Luk 1:67

Zẹkaraia ne erha ẹe keghi vuọn ne Orhiọn Ne Ọ Huanrẹn, ọ keghi guan zẹ vbe akhasẹ wẹẹ:

Iyẹn ne ọ Maan Ọghe Luk 12:12

Rhunmwuda, Orhiọn Ne Ọ Huanrẹn gha ma ruẹ ẹmwẹ ne u gha ta vbe ẹghẹ nii.”

Iyẹn ne ọ Maan Ọghe Luk 21:15

Rhunmwuda I gha rhie ẹmwẹ kevbe ẹwaẹn ne uwa, sẹrriọ wẹ eghian uwa ọkpa nọ gha sẹtin mu aro da uwa ne ọ muan ẹmwẹ ne uwa tae, ẹ i rrọọ.

Iyẹn ne ọ Maan Ọghe Luk 4:1

Jesu keghi werriegbe ke Jọdan gha dee, Ọ vuọn ne Orhiọn Ne ọ huanrẹn, Orhiọn keghi gban ẹre uhunmwu gha rrie uwu ato.

Iyẹn ne ọ Maan Ọghe Jọn 14:26

Nọyọmwaobọ nii, Orhiọn Ne Ọ Huanrẹn ne Evbavba ye eni mwẹ gie rre gha ma uwa emwi hia, ọ ghi ye uwa ẹmwẹ ne I he tama uwa hia rre.

Iyẹn ne ọ Maan Ọghe Jọn 20:22

Ọ ghi ta ẹmwẹ na nẹ, ọ hiọnrọn yan iran ọ wẹ, “Wa miẹn Orhiọn Ne Ọ Huanrẹn.

Iwinna 1:5

Rhunmwuda, amẹ ọre Jọn ya sa amẹ ne emwa, sokpan vbe ọ ma he kpẹe wan, a gha ya Orhiọn Ne Ọ Huanrẹn sa amẹ ne uwa.”

Iwinna 1:8

Sokpan Orhiọn Ne Ọ Huanrẹn gha ghi hin yan uwa nẹ, ẹtin nọkhua ghi gha gue uwa, wa ghi ya sẹ osẹe mẹ vbe Jerusalẹm kevbe Judia hia, kevbe Sameria, kevbe rhinrin ya sẹ ehe ne agbọn sẹe.”

Iwinna 10:46

Rhunmwuda, iran keghi họn vbe iran ya ẹvbo ne a i họn guan, iran kegha rho ukpọlọmwẹ Osanobua. Pita keghi kha wẹẹ,

Iwinna 10:47

“Iran na miẹn Orhiọn Ne Ọ Huanrẹn zẹ vbene ima vbe miẹn. Ọmwa ọkpa rrọọ ne ọ gha wẹ ne a ghẹ ye amẹ sa amẹ ne iran ra?”

Iwinna 11:15

Ugbẹn vbe imẹ ghi wa suẹn gha guan, Orhiọn Ne Ọ Huanrẹn keghi tuorre yan iran zẹ vbene ọ tuorre yan ima vbe omuhẹn.

Iwinna 11:24

Banabas keghi re ọmwa esi ne ọ vuọn ne Orhiọn Ne Ọ Huanrẹn kevbe iyayi. A keghi viọ emwa ni bun bu Nọyaẹnmwa gha dee.

Iwinna 13:52

Avbe erhuanegbe ni rre Antiọk keghi vuọn ne oghọghọ kevbe Orhiọn Ne ọ Huanrẹn.

Iwinna 13:9

Ẹghẹ nii ọre Sọl, ne avbe tie eni ẹnrẹn Pọl, na vuọn ne Orhiọn Ne Ọ Huanrẹn, ọ keghi ghe ọbo edunna na sun uun,

Iwinna 15:8

Osanobua ne ọ rẹn ekhọe emwa ne agbọn keghi rhie maa wẹ rẹn rhan obọ miẹn iran vbe ekpa ne Ọ na rhie Orhiọn Ne Ọ Huanrẹn ne iran zẹ vbene ọ vbe rhie ne ima.

Iwinna 19:6

Pọl keghi viọ obọ ẹre yan iran, Orhiọn Ne Ọ Huanrẹn keghi tuorre yan iran, iran keghi zẹ ẹvbo ne ama i rẹn guan, iran keghi vbe gha ta ẹmwẹ Osanobua.

Iwinna 2:11

Kevbe avbe Ju, kevbe emwa ne ẹ i re Ju ni ghi ye egbe khian Ju, eso ni ke Kret kevbe Arebia rre. Ma. hia wa họn vbe iran ye ẹvbo ima ta ẹmwẹ iwinna nọkhua ne Osanobua winnaẹn.”

Iwinna 2:3

Iran keghi bẹghe emwi eso ni ye vbe aranmwẹ erhẹn, ọ kegha miẹn otọ khian, aranmwẹ nii keghi dekan emwa hia ni rre evba.

Iwinna 4:31

Ugbẹn vbe iran ghi na erhunmwu nẹ, otọe keghi mu rueghe vbe ehe ne iran ye, iran hia keghi vuọn ne Orhiọn Ne Ọ Huanrẹn, iran keghi ya gha kpe orhu ẹmwẹ Osanobua vbe ne a i na fian afianma.

Iwinna 4:8

Pita keghi vuọn ne Orhiọn Ne Ọ Huanrẹn, ọ wanniẹn iran ẹmwẹ wẹẹ, “Wa ne olotu emwa kevbe uwa ne ediọn.

Iwinna 6:3

Rhunmwuda ọnii, etẹn mwẹ, wa viọ arhin ihinrọn ladian vbe uwu uwa, emwa n a rẹnrẹn ighe iran vuọn ne Orhiọn Ne Ọ Huanrẹn kevbe ẹwaẹn, ne a mu iwinna na ye iran obọ.

Iwinna 6:5

Iro ne avbe ukọ zẹe na keghi yẹ iran hia, rhunmwuda ọnii, iran keghi zẹ Stivin, ọmwa ne ọ vuọn ne Iyayi ke Orhiọn Ne Ọ Huanrẹn, ke Filip, Prokorọs, Nikanọ, Timọn, Pamenas, Nikolas ne ovbi Antiọk, ne ẹ i te re Ju ne ọ ghi degbe la e Ju.

Iwinna 6:8

E Stivin keghi re ọmwa ne Osanobua fiangbe ẹsẹse kevbe ne ọ vbe mwẹ ẹtin, rẹn keghi winna iwinna ama, kevbe ọyunnuan ni bun vbe ẹbu emwa nii.

Iwinna 7:55

Sokpan Stivin keghi vuọn ne Orhiọn Ne Ọ Huanrẹn, ọ keghi tọn aro mu ghe odukhunmwu, ọ keghi bẹghe uyi Osanobua, kevbe Jesu, vbe ọ mudia ye obọ erha ọmwa Osanobua.

Iwinna 8:17

Pita kevbe Jọn keghi viọ obọ yan iran, iran keghi miẹn Orhiọn Ne ọ huanrẹn rhie.

Iwinna 9:17

Rhunmwuda ọnii Ananaias kegha khian, ọ keghi la owa, ọ na viọ obọ yan rẹn, ọ keghi kha wẹẹ, “Sọl ne ọtẹn mwẹ, Nọyaẹnmwa Jesu Kristi ọmwa ne u miẹn vbe odẹ vbe ẹghẹ ne u na gha dee ọre ọ tobọ ẹre gie mwẹ gha dee, ne u miẹn ehe na dọlegbe gha dẹghe, kevbe ne u vbe vuọn ne Orhiọn Ne Ọ Huanrẹn.”

Ebe ne Pọl gbẹẹn gie emwa Rom 15:13

Te Osanobua obọ ọmwa ne idaehọ hia ke rre gha ya oghogho kevbe ọfumwegbe vuọn uwa, vbekpa iyayi ne uwa mwẹ vbe uwu irẹn, ne idaehọ uwa miẹn ehe na gha muan yọ vbekpa ẹtin Orhiọn Ne Ọ Huanrẹn.

I Kọrinti 12:10

Orhiọn ọkpa nii ọre ọ rhie ẹtin ne a ya winna iwinna ọyunnuan ne emwa eso, ne ọmwa ọvbehe, ẹwaẹn ne a ya rẹn emwi ne a ya we ọmwa ne ọ ke ọghe Orhiọn rre, kevbe ne ọ ma ke ọe rre.

I Kọrinti 13:1

Ọ gha khọn rẹn ne I gua ra gha zẹ ẹvbo ne emwa ne agbọn zẹ kevbe ne avbe odibosa zẹ, a deghẹ mẹ i mwẹ aho ẹmwẹ ọmwa, ẹmwẹ ne unu mwẹ ma maa sẹ ẹgogo ne ọ kpe gbẹin ra ighẹnghẹn ne ọ tu gbanghanghanghan.

I Kọrinti 13:8

Aho ẹmwẹ ọmwa, etẹbitẹghori nọ, ẹmwẹ ne a guan ne ọ la ọmwa uhunmwu rrọọ, sokpan ẹghẹ kherhe ọre ọ ya vbe otọ. A vbe ya ẹmwẹ ne a guan we ọmwa sokpan, ọ gha vbe dobọ yi, irẹnmwi rrọọ sokpan, ọ gha ru ọghọe gberra.

I Kọrinti 14:18

I kpọnmwẹ Osanobua wẹ mẹ ọre ọ ya urhu ne a ma rẹn guan sẹ ne ọ rhirhi gha khin vbe uwu uwa.

I Kọrinti 14:5

Ne ọ gha wa yẹ mwẹ sẹ ọrọre ne a ya ẹmwẹ ikporhu Osanobua we uwa hia. Rhunmwuda, ọmwa ne ọ kpe orhu ẹmwẹ Osanobua ọre ọ maa sẹ ne ọ ya urhu ne a ma rẹn guan, sokpan a ma wẹ, ọmwa ne ọ gha zẹ edu rre evba, ne ọ miẹn ehe na ru iyobọ ne esọsi hia.

Ẹfisọs 3:19

Ẹn, te uwa gha do rẹn aho ẹmwẹ ọmwa rẹn, a gha rhe miẹn ighẹ a i sẹtin rẹn ọnrẹn fo ne a miẹn ehe na ya uvuọnmwẹ ne ọ gbae ọghe Osanobua vuọn uwa fẹẹrẹ.

Ẹfisọs 5:18

Ghẹ da ayọn gbe egbe, rhunmwuda te ọ ra miẹn ruẹn uhunmwu, sokpan gha re ne ọ vuọẹn ne Orhiọn.

Ẹfisọs 6:18

Erhunmwu ọre u gha ya ru emwi na hia, u ghi rinmwian wẹ ne Osanobua yi uẹ obọ. Gha na erhunmwu vbe ẹghẹ hia, zẹ vbene nene Orhiọn rhie yi uẹ ekhọe. Rhunmwuda ọnọna, rhie vbẹẹ, ghẹ zẹ obọ vbọ, gha na erhunmwu ne emwa Osanobua vbe ẹghẹ hia.

I Pita 1:12

Osanobua keghi rhie maa avbe akhasẹ na wẹ iwinna iran i re ọghe ẹmwẹ ọmaa ne egbe iran, sokpan ọ maa ne egbe uwa, vbe ẹghẹ ne iran na guan kan ẹmwẹ ẹmwata na ne uwa họn nẹ nian. Avbe odibo Iyẹn Ne ọ maa nii, ya ẹtin Orhiọn Ne Ọ Huanrẹn ne a gie ke ẹrinmwi rre gha guan, iran ta ẹmwẹ ẹmwata na ma uwa. Avbe ẹmwata na keghi re egbe ne avbe odibo Osa tobọ iran gha ho ne iran rẹn emwi ne a ya ẹe kha.

II Pita 1:21

Rhunmwuda, ẹmwẹ avbe akhasẹ hia, ọkpa i rrọọ ne a tae zẹ vbe iho ọghe ọmwa kẹkan, sokpan te a gha dia ọmwa khian vbe ekpa Orhiọn Ne ọ huanrẹn, vbe uwu ehe ne iran na ta ẹmwẹ ne ọ ke ehe ne Osanobua ye rre.

I Samuẹl 1:14

Ọ keghi tama rẹn wẹẹ, “Ghẹ ghi ya egbe ruẹ ma zẹ vbe ọdayọn. Sẹ ayọn ne a da rae ne u gie aro hian ruẹn vbe uhunmwu!”

I Samuẹl 10:10

E Sọl kevbe ọguọmwadia ẹre ghi sẹ Gibea, otu akhasẹ ọkpa keghi do vba ẹre. Orhiọn Osanobua keghi hin yan rẹn udomwurri ọ na deba iran gha kuu, ọ kevbe gha go.