Iwinna 2:32 - Edo Bible (E Baibol Ẹdo) Version 1996

³² “Jesu ne a kha na, Osanobua huẹn ọnrẹn kpao vbe idin, ma na hia ọre osẹe ne aro ẹre sẹ ọe.

Iwinna 2:32 ပူးပေါင်းရင်းမြစ်များ

Iyẹn ne ọ Maan Ọghe Jọn 15:27

Wa ne arẹngbe gha vbe ta ẹmwẹ mwẹ rhunmwuda ma hia ọ gba gha khian ke otọ gha dee.”

Iwinna 1:8

Sokpan Orhiọn Ne Ọ Huanrẹn gha ghi hin yan uwa nẹ, ẹtin nọkhua ghi gha gue uwa, wa ghi ya sẹ osẹe mẹ vbe Jerusalẹm kevbe Judia hia, kevbe Sameria, kevbe rhinrin ya sẹ ehe ne agbọn sẹe.”

Iwinna 13:30

Sokpan Osanobua huẹn ọnrẹn kpaegbe vbe idin.

Iwinna 17:31

Rhunmwuda ọ bu ẹdẹ ọkpa ye otọ nẹ ne irẹn gha wẹ ne ọmwa ne irẹn hannọ zẹ nẹ, bu ohiẹn agbọn na hia vbe ne a i na bu eku. rẹn keghi vbe gie aro emwa da ọ na vbe ekpa ne ọna huẹn ọmwa ne a kha na kpaegbe vbe idin orinmwi!”

Iwinna 2:24

Osanobua keghi huẹn ọnrẹn kpaegbe vbe idin, ọ keghi faẹn ye otọ Vbe obọ uwu obalọ, rhunmwuda ọ ma gia ru wẹ ne uwu wu muẹn ye eghan ẹdẹdẹmwẹdẹ.

Iwinna 3:15

Erriọ ọre uwa ya gbe ẹe rua ighe Ayi ne ọ yi arrọọ. Sokpan Osanobua huẹn ọnrẹn kpaegbe vbe idin, ma ọrọre osẹe ne aro ẹre sẹ emwi na.

Iwinna 3:26

Ọnii ọ si ẹe ne Osanobua ghi na zẹ Ọguọmwadia ẹre nẹ, ọ keghi ka gie ẹe bu uwa gha dee ne ọ do fiangbe uwa vbe ekpa ne ọ gha na ya uwa hia fi iyeke gbe odẹ dan ne uwa te la khian.”

Iwinna 4:10

I ho ne uwa rẹn nian, ke uwa kevbe ivbi Izrẹl hia wẹẹ, ẹtin eni Jesu ne ovbi Nazarẹt ọre ọ ya mudia vbe odaro uwa banbanna, vbe egbe ne ọ rran rẹn giẹnrẹn. Jesu ne uwa kan mu ugbugbe, ne Osanobua huẹn kpaegbe vbe idin.

Iwinna 4:33

Avbe ukọ keghi gha ya ẹtin nọkhua sẹ osẹe arhiọkpaegbe ọghe Nọyaẹnmwa Jesu. Osanobua keghi wa vbe gha tue afiangbe yan iran hia.

Iwinna 5:30

Osanobua ọ ghe avbe erha mwa ọre ọ huẹn Jesu kpaegbe vbe idin iyeke vbe uwa kan rẹn mu ugbugbe nẹ, ne uwa na gbe ẹe rua.

I Kọrinti 15:15

Yevbe sẹ ọnii, ma keghi khian emwa ni ba Osanobua ohoghe, rhunmwuda, ma ta ẹe wẹ ọ huẹn Kristi kpao vbe idin, vberriọ ọ ma zẹdẹ huẹn ọnrẹn kpao a deghẹ ẹmwata nọ wẹ a i huẹn avbe ni wulo kpao vbe idin.

I Kọrinti 6:14

Osanobua ne ọ huẹn Nọyaẹnmwa kpao vbe orinmwi, ọ gha vbe ya ẹtin ẹnrẹn huẹn ima kpaegbe.

II Kọrinti 4:14

Rhunmwuda ma rẹnrẹn wẹ, Osanobua ne ọ huẹn Nọyaẹnmwa Jesu ye agbọn, gha vbe huẹn ima kpaegbe ba Jesu. Ọ ghi viọ ima kevbe uwa gha die odaro irẹn.

Galatia 1:1

E Pọl, ọmwa ne a miẹn wẹ, ẹ i re obọ ọmwa ọre ọ ke rre, ẹ i re ọmwa ọre a gie vbe a tie ẹre ne ọ do gha re ukọ, vbe ẹ i re Jesu Kristi kevbe Osanobua ne Evbavba, ne ọ huẹn ọnrẹn kpaegbe vbe idin, ọre ọ gbẹn ebe na rre.

Ẹfisọs 1:20

Ne ọ loro vbe ọ huẹn Kristi kpao vbe idin, ọ na mu ẹn tota ye obọ erha ọmwa irẹn vbe ẹrinmwi.

Kọlose 2:12

Rhunmwuda, ẹghẹ ne a na sa amẹ ne uwa, a keghi re orinmwi uwa ba Kristi, kevbe vbe uwu isamẹ nii, a kevbe huẹn uwa kpaegbe vbe orinmwi ba Kristi, vbe ekpa iyayi ne uwa mwẹ vbe uwu ẹtin nọ winna ọghe Osanobua ne ọ huẹn ọnrẹn kpao vbe orinmwi rre.

Hibru 13:20

Osanobua huẹn Nọyaẹnmwa Jesu Kristi kpao vbe idin nẹ, ọmwa ne ọ re Ọsuohuan Nọkhua ọghe avbe ohuan, rhunmwuda uwu ẹre ne a ya yi ile etẹbitẹ nii okhi.

I Pita 1:21

ekpa ẹre ọre uwa na ya Osanobua yi, ọmwa ne ọ huẹn ọnrẹn kpao vbe orinmwi rre, ọ na rhie uyi nẹẹn, ọre a na miẹn wẹ, iyayi kevbe idaehọ uwa, Osanobua ọre a tua ẹre mu.