Iwinna 2:3 - Edo Bible (E Baibol Ẹdo) Version 1996

³ Iran keghi bẹghe emwi eso ni ye vbe aranmwẹ erhẹn, ọ kegha miẹn otọ khian, aranmwẹ nii keghi dekan emwa hia ni rre evba.

Iwinna 2:3 ပူးပေါင်းရင်းမြစ်များ

Gẹnẹsis 11:6

Ọna wẹẹ, “Eban nian, iran na hia, ọkpa iran khin, ẹvbo ọkpa iran zẹ. Te iran he da suẹn emwi ne iran gha ru na ẹi ghi rre nian, emwi ne iran wẹ, iran gha ru, iran ghi gele sẹtin ruẹe.

Psalm 55:9

Gie iran ne eghian mwẹ zurọ ua vbe iran a gha guan, I miẹn uyimwẹ ne ọ wegbe kevbe otighi vbe ẹvbo nii.

Aizaia 6:5

Mẹ keghi kha wẹẹ, “I wiri! Ọghomwẹ fo nẹ, rhunmwuda ẹmwẹ ne ọ rhirhi ke akhuarhamwunu mwẹ ladian, orukhọ nọ, uwu ẹbu emwa ne ẹmwẹ ne iran guan hia wa vbe re orukhọ ọ re I ye. Sevba, mẹ keghi ye aro mwẹ bẹghe Ọba, e Nọyaẹnmwa ne Oghodua.”

Jerimaia 23:29

Te ẹmwẹ mwẹ ye vbe erhẹn kevbe umọmọ ne ọ guọghọ okuta nekhua rẹnkhẹnrẹnkhẹn.

Matiu 3:11

Amẹ ọre imẹ ya samẹ ne uwa ne ọ rhie ma ighe wa gele zobọ vbe orukhọ ne a ru. Sokpan ọmwa ne ọ ghi ra rre lele mwẹ gha ya Orhiọn Ne Ọ Huanrẹn kevbe erhẹn samẹ ne uwa. Rẹn kpọlọ sẹ mwẹ ẹsẹse, mẹ ma sẹ ne ọ gha ban ẹre ibata vbe owẹ.

Matiu 3:15

Jesu keghi tama rẹn wẹẹ, “Gie a ruẹe vbenian, ne a miẹn ehe na ru vbene Osanobua gie.” E Jọn ma ghi vbe muan rẹn.

Iyẹn ne ọ Maan Ọghe Luk 24:32

Iran keghi gu egbe iran guan wẹẹ, “Ẹ i re te ọ gha giẹn vbe uwu ima vbe erhẹn vbe ọ guan, ẹkpo ne ọ na gha rhan otọ ebe ne ọ huanrẹn ma ima ban vbe odẹ!”

Iwinna 1:15

Vbe iyeke ikpẹdẹ eso, iran ni yayi keghi si koko ye ehe ọkpa, ehia keghi gha re iyehan (120), Pita keghi kpaegbe, ọ na gha guan, ọ wẹẹ,

Iwinna 2:11

Kevbe avbe Ju, kevbe emwa ne ẹ i re Ju ni ghi ye egbe khian Ju, eso ni ke Kret kevbe Arebia rre. Ma. hia wa họn vbe iran ye ẹvbo ima ta ẹmwẹ iwinna nọkhua ne Osanobua winnaẹn.”

Iwinna 2:2

Vbe udomwurri, iran keghi họn ogbigbi ke odukhunmwu gha dee, ọ yevbe ọghe okpẹhoho ne ọ hoho, ọ keghi wa vuọn owa nii ne iran tota yi.

Iwinna 2:4

Iran hia keghi wa vuọn ne Orhiọn Ne Ọ Huanrẹn, iran kegha zẹlẹ ẹvbo ọvbehe, zẹ vbene Orhiọn rhie ẹtin ne iran.

I Kọrinti 12:10

Orhiọn ọkpa nii ọre ọ rhie ẹtin ne a ya winna iwinna ọyunnuan ne emwa eso, ne ọmwa ọvbehe, ẹwaẹn ne a ya rẹn emwi ne a ya we ọmwa ne ọ ke ọghe Orhiọn rre, kevbe ne ọ ma ke ọe rre.

Jems 3:6

Te aranmwẹ ye vbe erhẹn, agbọn ne ọ kulo nọ, ọ keghi rre ehe ne ọ khẹ kẹe vbe uwu egbe mwa, ọ keghi vbe gha wawa emwi dan gba egbe mwa hia, ọ ghi rhie erhẹn ne ọ ke ẹrinmwi erhẹn tobọ ẹre sẹ irẹn obọ, ya rhu erhẹn ye ehe ne ima ra ya egbe la hia, vbe ẹdẹ agbọn mwa.

Arhie Maan 11:3

Mẹ gha gie avbe osẹe mwẹ eva, ni yọ ukpọn ẹkpo ivin, iran ghi vbe ya gha kpe orhu ẹmwẹ Osanobua vbe uwu ikpẹdẹ iyeha yan uri yan arriaisẹn nii (1,260).”

Arhie Maan 14:6

Ẹghẹ Nii ọre I na bẹghe odibosa ọkpa, ọ wa tin khian vbe odukhunmwu gba an, irẹn kevbe Iyẹn Ne ọ maa ọghe ẹdẹdẹmwẹdẹ, ne ọ ra na ma emwa ne agbọn, kevbe dọmwadẹ uhunmwu ẹvbo kevbe ẹwae, kevbe ẹvbo ne azẹ kevbe emwa.