Vbe ẹghẹ ne ọ kpee fua, u tama eguọmwadia ruẹ ni guobọ ruẹ vbe aro umian wẹẹ, “Mẹ rhie iyobọ ne ovbiyokuo ne ọ hin usi nẹ I vbe mu ẹkete nii ne ọmwa ne I hannọ zẹ, vbe uwu avbe emwa nii nẹ.
Mẹ keghi gha rrie otọ, ehe ne avbe oke nekhua ke zọ kpao, gha rrie ẹvbo ne a khui urho ẹre gbua ẹdẹdẹmwẹdẹ. Sokpan, wẹ ne Nọyaẹnmwa Osanobua mwẹ, keghi si mwẹ ke ẹmwẹ ne unu ke uwu odin gha dee.
Kevbe uwẹ Kapaniọn! Ẹ i re te u tera tọn egbe ruẹ mu ya sẹ ẹrinmwi? A gha sua ruẹ fi ẹrinmwi nehianmwivin! Rhunmwuda, akpawẹ te a winna iwinna ọyunnuan ne a winnaẹn vbe uwu uwẹ vbe Saidọn, ọ gha ye gha rrọọ do sẹ ẹdẹnẹrẹ na.
Odibosa ni keghi wanniẹn wẹẹ, “Orhiọn Ne Ọ Huanrẹn gha rhuẹ yan ruẹn. Ẹtin Osanobua gha hin yan ruẹn. Rhunmwuda ọnọna, a gha tie ọmọ ne ọ huanrẹn ni Ovbi Osanobua.
Ẹkpo nii ọre ọ na khama iran wẹẹ, “Emwi ne I tama uwa vbe I gu uwa rrọọ ẹghẹ nii ọre ena khin: emwi ne a gbẹnnẹ ye otọ vbekpa mwẹ vbe Uhi e Mosis, kevbe avbe akhasẹ kevbe ebe Psalm, te a gha mu ẹn sẹ.”
Jesu khama iran wẹ, “Wa mu okuta nii hin rre!” Mata ne ọtẹn ọmwa ne ọ wu nii keghi kha wẹẹ, “Ọ gha wia nẹ ẹsẹse Nọyaẹnmwa rhunmwuda nẹghẹdẹnẹ ọre a ghi mu ẹn ye otọ!”
Devid rẹn emwi ne Osanobua khian ru, ọ keghi guan kan ẹmwẹ arhiọkpaegbe ọghe Mẹzaia wẹẹ: “ ‘A ma sẹ ọe rae ye otọe iran ni wulo nẹ, ikinnegbe ẹre ma kẹkẹ.’
Vbe ẹmwata, Hẹrọd kevbe Pọntiọs Pailet deba iran Ni ma yayi kevbe emwa Izrẹl, ore ẹvbo na iran na ko iko Jesu ne Ọguọmwadia ruẹ Ne ọ huanrẹn ne uwẹ ya ru Mẹzaia.
Ẹgiẹgiẹ, vbe ifua aro ọkpa, ẹghẹ ne okpe ne okiekie gha na tu. Rhunmwuda, ọ gha ghi tu, a ghi huẹn iran ni wulo nẹ kpaegbe do gha re emwa ne ẹ i ghi wu ẹdẹ, a ghi vbe fi ima hia werriẹ.
Mẹ ọrọre ọmwa ne ọ rre agbọn, I te ka wu yi, sokpan banbanna nian, I rre agbọn ẹdẹ kevbe ẹdẹdẹmwẹdẹ.” I mwẹ asẹ vbe uhunmwu uwu tobọ ẹre kevbe ẹvbo iran ne orinmwi.
“Gbẹn ebe gie odibosa esọsi ne ọ rre Filadẹlfia wẹ: “Uhunmwu ne ọ gie rre ọ na khin ighẹ ọmwa ne ọ re ọmwata kevbe ne ọ huanrẹn, ọmwa ne ọ rhie isahẹn Devid mwẹ, ọmwa ne ọ gha kie nẹ, a i miẹn ne ọ khui, ọ gha khui, a i miẹn ne ọ kie.