Iwinna 2:24 - Edo Bible (E Baibol Ẹdo) Version 1996

²⁴ Osanobua keghi huẹn ọnrẹn kpaegbe vbe idin, ọ keghi faẹn ye otọ Vbe obọ uwu obalọ, rhunmwuda ọ ma gia ru wẹ ne uwu wu muẹn ye eghan ẹdẹdẹmwẹdẹ.

Iwinna 2:24 ပူးပေါင်းရင်းမြစ်များ

Psalm 116:16

Ọguọmwadia ruẹ mẹ khin Nọyaẹnmwa, te imẹ ga uwẹ, zẹ vbene iye mwẹ vbe ru, wẹ miẹn mwa fan vbe obọ uwu nẹ.

Aizaia 10:7

Sokpan, ọgbaisi Asiria wa vbe mwẹ iro ọkhọ ọghe obọ ẹre vbe ekhọe. Te irẹn wa mu egbe ne ọ fuẹn uhunmwu ẹvbo nibun uan.

Aizaia 25:8

E Nọyaẹnmwa ne Udazi gha fuẹn uwu ua ẹdẹdẹmwẹdẹ. Ọ gha khiẹn ameve hin aro emwa hia rre, ọ ghi mu efa ne ọ te rre egbe emwa rẹn vbe otọ agbọn hia hin iran egbe rre. E Nọyaẹnmwa tobọ ẹre ọ re ọ tae.

Aizaia 26:19

Iran ni wulo nẹ vbe emwa ima, gha dọlegbe gha rre agbọn! Ikun iran gha dọlegbe rhiọrre. Iran hia ni vbiẹ vbe uwu idin iran, gha kpaegbe so ihuan oghọghọ. Zẹ vbene evbu ni fi wainwain ye otọ agbọn rọkhọ, erriọ Nọyaẹnmwa gha huẹn iran ni wulo arria nẹ usin kpaegbe.

Aizaia 53:10

E Nọyaẹnmwa khare wẹẹ, “Iho mwẹ nọ wẹ ne ọ rrioya. Uwu ne ọ wu, ese ne a zọ ya dẹ ayabọ ọ re nọ. Rhunmwuda ọnii, ọ gha miẹn ivbi uniẹn ọnrẹn ọ gha tọ ẹsẹsẹmwẹse obọ, ẹre ọ re emwamwa mwẹ ra na dunna.

Hozia 13:14

Mẹ i ra miẹn emwa na fan hin ẹvbo emwa ni wulo nẹ rre, ra ne I wọlọ iran ke urodẹ uwu ladian! Wa viọ egboghogbogho uwa rre, uwu, wa viọ ọfuan uwa rre, ẹvbo emwa ni wulo nẹ. I i ghi tohan emwa na ọvbehe.

Matiu 27:63

Iran tama rẹn wẹẹ, “Dọmọ o, ma yerre wẹ ẹghẹ ne ọhọn ohoghe nii na rre agbọn, ọ tae wẹẹ, ‘A gha huẹn mwẹ kpaegbe vbe iyeke ikpẹdẹ eha.’

Iyẹn ne ọ Maan Ọghe Jọn 10:18

Ọmwa rhọkpa ma gbe mwẹ miẹn mwẹ orhiọn mwẹ, ekhọe obọ mwẹ ọre I ya rhie ẹre ye otọ. I mwẹ ẹtin ne I ya rhie ẹre ye otọ, I vbe mwẹ ẹtin ne I ya dọlegbe rhie ẹre werriegbe. Erha mwẹ ọre ọ ya wẹ mwẹ vberriọ.”

Iyẹn ne ọ Maan Ọghe Jọn 10:35

Ma rẹnrẹn wẹ ẹmwẹ ne ebe ne ọ huanrẹn tae, ẹmwata ẹtẹbitẹghori ọre nọ. Osanobua tie iran ne a rhie ẹmwẹ ọnrẹn na, Osanobua.

Iyẹn ne ọ Maan Ọghe Jọn 12:39

Ọna ọre ọ zẹẹ ne iran ma na sẹtin yayi, rhunmwuda Aizaia vbe tae wẹẹ,

Iyẹn ne ọ Maan Ọghe Jọn 20:9

(Iran ma he ye rẹn otọ ebe ne ọ huanrẹn ne ọ khare wẹ ẹ i mwẹ a ma huẹn ọnrẹn kpaegbe vbe idin.)

Iwinna 1:16

“Wa ne etẹn mwẹ: Ẹ i mwẹ ne ẹmwẹ ne ebe ta ẹe ghẹ sẹ zẹ vbene Orhiọn Ne Ọ Huanrẹn la unu Devid ta ẹe ye otọ ighe ẹmwẹ Judas ne ọ ma iran ni do mu Jesu odẹ.

Iwinna 13:30

Sokpan Osanobua huẹn ọnrẹn kpaegbe vbe idin.

Iwinna 13:37

Sokpan ọnii ne Osanobua huẹn kpaegbe vbe idin ma kẹkẹ.

Iwinna 17:31

Rhunmwuda ọ bu ẹdẹ ọkpa ye otọ nẹ ne irẹn gha wẹ ne ọmwa ne irẹn hannọ zẹ nẹ, bu ohiẹn agbọn na hia vbe ne a i na bu eku. rẹn keghi vbe gie aro emwa da ọ na vbe ekpa ne ọna huẹn ọmwa ne a kha na kpaegbe vbe idin orinmwi!”

Iwinna 2:32

“Jesu ne a kha na, Osanobua huẹn ọnrẹn kpao vbe idin, ma na hia ọre osẹe ne aro ẹre sẹ ọe.

Iwinna 3:15

Erriọ ọre uwa ya gbe ẹe rua ighe Ayi ne ọ yi arrọọ. Sokpan Osanobua huẹn ọnrẹn kpaegbe vbe idin, ma ọrọre osẹe ne aro ẹre sẹ emwi na.

Iwinna 3:26

Ọnii ọ si ẹe ne Osanobua ghi na zẹ Ọguọmwadia ẹre nẹ, ọ keghi ka gie ẹe bu uwa gha dee ne ọ do fiangbe uwa vbe ekpa ne ọ gha na ya uwa hia fi iyeke gbe odẹ dan ne uwa te la khian.”

Iwinna 4:10

I ho ne uwa rẹn nian, ke uwa kevbe ivbi Izrẹl hia wẹẹ, ẹtin eni Jesu ne ovbi Nazarẹt ọre ọ ya mudia vbe odaro uwa banbanna, vbe egbe ne ọ rran rẹn giẹnrẹn. Jesu ne uwa kan mu ugbugbe, ne Osanobua huẹn kpaegbe vbe idin.

Iwinna 5:30

Osanobua ọ ghe avbe erha mwa ọre ọ huẹn Jesu kpaegbe vbe idin iyeke vbe uwa kan rẹn mu ugbugbe nẹ, ne uwa na gbe ẹe rua.

Ebe ne Pọl gbẹẹn gie emwa Rom 10:9

Deghẹ wẹ ye akhuarhamwunu ruẹn tae wẹẹ, “Nọyaẹnmwa ọre Jesu khin,” U na vbe yayi vbe ekhọe ruẹ wẹ, Osanobua huẹn ọnrẹn hin idin rre, U gha re ne amiẹnfan.

Ebe ne Pọl gbẹẹn gie emwa Rom 14:9

Rhunmwuda Nọyaẹnmwa Jesu wu, ọ keghi vbe rhiọkpaegbe, ne ọ miẹn ehe na gha re nọyan iran ni wu kevbe ni rrọọ.

Ebe ne Pọl gbẹẹn gie emwa Rom 4:24

Rhunmwuda mwa ọre a na gbẹn ọẹn, ma ne a gha ka ye emwata, ma ne ọ yaeyi ighẹ ọmwa ne ọ huẹn Jesu Nọyaẹnmwa kpao vbe orinmwi.

Ebe ne Pọl gbẹẹn gie emwa Rom 6:4

Vbe ekpa ne a na sa amẹ ne ima, te a re ima ba irẹn, ma keghi vbe ghae vbe uwu ne irẹn wu, wẹ vbene a huẹn Jesu kpao vbe orinmwi vbe ekpa ẹtin Uyi ọghe Evbavba, erriọ zẹẹ ọre ima gha vbe gha rrọọ vbe uyinmwẹ ọgbọn.

Ebe ne Pọl gbẹẹn gie emwa Rom 8:11

A deghẹ Orhiọn Osanobua ne ọ huẹn Jesu ke orinmwi ladian, rre uwu uwẹ, ẹghẹ nii, ọmwa ne ọ huẹn Jesu kpao vbe orinmwi rre, gha rhie arrọọ ne egbe ruẹ ne ọ sẹtin wu, la ekpa Orhiọn ne ọ rre uwu uwẹ rre.

Ebe ne Pọl gbẹẹn gie emwa Rom 8:34

De ọmwa ne ọ gha ghi bu ohiẹn gbe iran khekherriọ? Kristi Jesu tobọ ẹre ọ wu, ne a wa kha wẹẹ, ọre a huẹn kpaegbe vbe idin, ne ọ rre obọ erha ọmwa Osanobua. Rẹn ọre ọ rinmwian Osanobua ne ima.

I Kọrinti 15:12

Banbanna nian, ugbẹn vbe a miẹn wẹ emwi ne ima kpe orhu ẹre ma uwa ọrọre wẹ, a huẹn Jesu kpaegbe vbe idin nẹ, vbe eso vbe uwu uwa a ghi na vbe kha hẹ wẹ, a i ra huẹn avbe orinmwi kpaegbe?

I Kọrinti 15:15

Yevbe sẹ ọnii, ma keghi khian emwa ni ba Osanobua ohoghe, rhunmwuda, ma ta ẹe wẹ ọ huẹn Kristi kpao vbe idin, vberriọ ọ ma zẹdẹ huẹn ọnrẹn kpao a deghẹ ẹmwata nọ wẹ a i huẹn avbe ni wulo kpao vbe idin.

I Kọrinti 15:20

Sokpan ẹmwata ne ọ rrọọ ọrọre wẹ, a huẹn Kristi kpao vbe idin nẹ, ne aro miẹn ehe na da ẹe wẹ, avbe emwa ni wulo, a gha huẹn iran kpaegbe.

I Kọrinti 15:4

Wẹ a re ẹre, a keghi vbe dọlọ huẹn ọnrẹn kpaegbe vbe ikpẹdẹ ne ogieha zẹ vbene a gbẹn ọẹn ye Ebe.

I Kọrinti 6:14

Osanobua ne ọ huẹn Nọyaẹnmwa kpao vbe orinmwi, ọ gha vbe ya ẹtin ẹnrẹn huẹn ima kpaegbe.

II Kọrinti 4:14

Rhunmwuda ma rẹnrẹn wẹ, Osanobua ne ọ huẹn Nọyaẹnmwa Jesu ye agbọn, gha vbe huẹn ima kpaegbe ba Jesu. Ọ ghi viọ ima kevbe uwa gha die odaro irẹn.

Galatia 1:1

E Pọl, ọmwa ne a miẹn wẹ, ẹ i re obọ ọmwa ọre ọ ke rre, ẹ i re ọmwa ọre a gie vbe a tie ẹre ne ọ do gha re ukọ, vbe ẹ i re Jesu Kristi kevbe Osanobua ne Evbavba, ne ọ huẹn ọnrẹn kpaegbe vbe idin, ọre ọ gbẹn ebe na rre.

Ẹfisọs 1:20

Ne ọ loro vbe ọ huẹn Kristi kpao vbe idin, ọ na mu ẹn tota ye obọ erha ọmwa irẹn vbe ẹrinmwi.

Kọlose 2:12

Rhunmwuda, ẹghẹ ne a na sa amẹ ne uwa, a keghi re orinmwi uwa ba Kristi, kevbe vbe uwu isamẹ nii, a kevbe huẹn uwa kpaegbe vbe orinmwi ba Kristi, vbe ekpa iyayi ne uwa mwẹ vbe uwu ẹtin nọ winna ọghe Osanobua ne ọ huẹn ọnrẹn kpao vbe orinmwi rre.

I Tẹsalonaika 1:10

Kevbe ne uwa do gha diakhẹ Ovbi ẹre ne ọ ke ẹrinmwi tuorre gha dee, Jesu ne Ovbi ẹre, ọmwa ne irẹn huẹn kpaegbe vbe orinmwi, ọmwa ne ọ miẹn ima fan vbe obọ ohu Osanobua ne ọ dee.

Hibru 13:20

Osanobua huẹn Nọyaẹnmwa Jesu Kristi kpao vbe idin nẹ, ọmwa ne ọ re Ọsuohuan Nọkhua ọghe avbe ohuan, rhunmwuda uwu ẹre ne a ya yi ile etẹbitẹ nii okhi.

Hibru 2:14

Vbene a na miẹn wẹ zẹ vbene ọ ta ẹe wẹ emwa ifun egbe kevbe esagiẹn iran khin, ighẹ avbe emọ nii, Jesu Kristi tobọ ẹre keghi vbe do gha ye vbene iran ye, vbe ekpa ne ọ na ghae vbe emwi emwa kẹkan ọghe iran. Emwi ne ọ ya ẹe ru ẹe ọrọre ne ọ sẹtin la ekpa uwu ne irẹn wu miẹn Esu uhunmwu, ọmwa ne ọre ne ọ khaemwisẹ yan uwu.

I Pita 1:21

ekpa ẹre ọre uwa na ya Osanobua yi, ọmwa ne ọ huẹn ọnrẹn kpao vbe orinmwi rre, ọ na rhie uyi nẹẹn, ọre a na miẹn wẹ, iyayi kevbe idaehọ uwa, Osanobua ọre a tua ẹre mu.

Arhie Maan 1:18

Mẹ ọrọre ọmwa ne ọ rre agbọn, I te ka wu yi, sokpan banbanna nian, I rre agbọn ẹdẹ kevbe ẹdẹdẹmwẹdẹ.” I mwẹ asẹ vbe uhunmwu uwu tobọ ẹre kevbe ẹvbo iran ne orinmwi.