Iwinna 2:22 - Edo Bible (E Baibol Ẹdo) Version 1996

²² “Wa danmwehọ ẹmwẹ na, wa ne ivbi Izrẹl. Jesu ne ovbi Nazarẹt keghi re ọmwa ne Osanobua gie ẹre uhunmwu kpataki, ne ọ miẹn ehe na gie uwa rẹn ighe ẹmwata nọ, Osanobua keghi la ekpa ẹre winna iwinna ọyunnuan, iwinna ọ yan aro ua kevbe ama, wa tobọ uwa vbe rẹn vberriọ, rhunmwuda, sirra uwa hia ọre a na ru emwi na.

Iwinna 2:22 ပူးပေါင်းရင်းမြစ်များ

Aizaia 41:14

E Nọyaẹnmwa ke kha wẹẹ, “A gha rhe miẹn wẹ wa kanmwa, wa ma vbe wegbe Izrẹl, wa ghẹ mu ohan, I gha yi uwa obọ. Mẹ ne Osanobua nọhuanrẹn ọghe Izrẹl mẹ ọrọre ọmwa ne ọ miẹn uwa fan.

Matiu 12:28

Sokpan Orhiọn Osanobua ọre ọ rhie asẹ mẹ ne I ya gha khulo orhiọn esu ladian, ọ ni rhie ma nian ighe Arriọba Osanobua rre ke uwa yi nẹ.

Matiu 2:23

Ọ keghi ya yin ẹvbo ne a tie ẹre Nazarẹt. Ọ ru vberriọ ne ẹmwẹ avbe akhasẹ miẹn ehe na sẹ wẹẹ, “A gha tie ẹre ovbi e Nazarẹt.”

Matiu 9:8

Ugbẹn vbe avbe emwa ni ghi miẹn emwi na, ohan mu iran, iran keghi rho Osanobua vbe uyi ye ne ọ na rhie egbe ẹtin vberriọ ne emwa.

Iyẹn ne ọ Maan Ọghe Luk 11:20

Ugbẹn vbe a ghi miẹn nian ighe ẹtin Osanobua ọre I ya khulo avbe orhiọn esu ladian, ọnii rhie maa ighe Arriọba Osanobua hu uwa rre nẹ.

Iyẹn ne ọ Maan Ọghe Luk 18:37

Iran tama rẹn wẹẹ, “Jesu ne ovbi e Nazarẹt ọre ọ gberra khian.”

Iyẹn ne ọ Maan Ọghe Luk 24:18

Ọkpa vbe uwe iran ne a tie ẹre Kleopas keghi nọ rẹn wẹẹ, “Vbe uwu emwa ni rre Jerusalẹm hia, ugha ghe wẹ ọkpa ọre ọ ma he rẹn avbe emwi ni sunu vbe evba vbe ne ẹdẹ eso na.”

Iyẹn ne ọ Maan Ọghe Jọn 1:45

Filip keghi miẹn Nataniẹl, ọ tama rẹn wẹẹ, “Ma miẹn ọmwa ne Mosis ta ẹmwẹ ọnrẹn ye uwu ebe Uhi, ne avbe akhasẹ vbe gbẹnnẹ ẹmwẹ ye otọ vbe ekpa ẹre. Ọmwa na ọrọre Jesu ne ovbi e Josẹf ne ovbi e Nazarẹt.” Nataniẹl keghi nọ wẹẹ,

Iyẹn ne ọ Maan Ọghe Jọn 10:37

Adeghẹ ẹ i re iwinna Erha mwẹ ọre I winna, wa ghẹ ya mwẹ yi.

Iyẹn ne ọ Maan Ọghe Jọn 11:47

Rhunmwuda ọnii, avbe Farisi kevbe avbe igie ohẹn keghi ya gu Eghaẹvbo do iko iran wẹ, “Vbe a gha khian emwi na hẹ yi, wa ma miẹn vbe oko na winna iwinna ọyunnuan ni bun hẹe!

Iyẹn ne ọ Maan Ọghe Jọn 12:17

Emwa ni gbe ẹbu ye ehe ne Jesu na huẹn Lazarọs kpao vbe idin keghi na iyẹn emwi ne ọ sunu.

Iyẹn ne ọ Maan Ọghe Jọn 15:24

Iran i ghẹ rri abe orukhọ rhọkpa akpawẹ mẹ ma sirra iran winna iwinna ne a ma he miẹn ọmwa ne ọ ka ru egbe ọre yi, vbe banbanna nian, iran miẹn iwinna ne I winnaẹn nẹ, iran na gha khọ ẹko Erha mwẹ bare.

Iyẹn ne ọ Maan Ọghe Jọn 19:19

Pailet keghi gbẹn emwi mu ne iran mu yan ugbugbe, Emwi ne ọ gbẹn ọrọre: “Jesu ne ovbi e Nazarẹt ọba avbe Ju.”

Iyẹn ne ọ Maan Ọghe Jọn 3:2

Ẹdẹ ọkpa, ọ keghi bu Jesu gha dee vbe asọn, ọ tama rẹn wẹẹ, “Rabai, ma rẹnrẹn ighe ọmamwaemwi ne Osanobua gie ọre u khin. Ọmwa ọkpa ne ọ gha sẹtin winna iwinna nekhua ne u winna i rrọọ deghẹ i re to Osanobua yaba ẹre.”

Iyẹn ne ọ Maan Ọghe Jọn 4:48

Jesu tama rẹn wẹ, “Deghẹ ẹ i re te uwa miẹn iwinna ọyunnuan nekhua, a i miẹn ne ọ gha sẹtin yayi vbe uwu uwa.”

Iyẹn ne ọ Maan Ọghe Jọn 5:36

Sokpan mẹ mwẹ osẹ mwẹ ne ọ kpọlọ sẹ ne Jọn sẹe: I winna ne I ye obọ mwẹ winna, avbe iwinna ne Erha mwẹ viọ mẹ ne I winna, enena ọre ọ sẹ osẹe mẹ wẹẹ Evbavba ọre ọ gie mwẹ.

Iyẹn ne ọ Maan Ọghe Jọn 6:14

Emwa ni rre evba ghi miẹn iwinna nọkhua ne Jesu winnaẹn, iran wẹẹ, “Vbe ẹmwata, ọnọna ọrọre nene akhasẹ ne ọ die agbọn.”

Iyẹn ne ọ Maan Ọghe Jọn 6:27

Wa ghẹ miẹn ẹsọn ye evbare ne ọ sẹtin rhia, sokpan emwi ne ọ kere ne uwa miẹn ẹsọn yi ọrọre evbare ne ọ sẹtin gha rrọọ ya sẹ agbọn etẹbitẹ. Ovbi Ọmwa gha rhie evbare na ne uwa rhunmwuda Osanobua ne Erha ye obọ yọ ọre nẹ.”

Iyẹn ne ọ Maan Ọghe Jọn 7:31

Sokpan emwa ni bun vbe uwu ẹbu nii keghi ya ẹe yi, iran wẹẹ, “Mẹzaia gha gele re, ọ gha winna iwinna ne ọ vbe kpọlọ sẹ ne okpia na winnaẹn ra?”

Iyẹn ne ọ Maan Ọghe Jọn 9:33

Akpawẹ ẹ i re ehe ne Osanobua ye ọre okpia na ke rre, ẹtin ẹnrẹn i ghẹ sẹ emwi rhọkpa.”

Iwinna 13:16

Pọl keghi kpaegbe, ọ ghi ya obọ gbe ekhakha nẹ, ọ keghi suẹn gha guan, ọ wẹẹ, “Ivbi Izrẹl ne iho mwa, kevbe uwa ne ẹ i re Ju ni vbe ga Osanobua, wa danmwehọ mwẹ!

Iwinna 14:27

Iran ghi sẹ Antiọk, iran si emwa esọsi koko, iran keghi na iyẹn emwi ne Osanobua viọ iran ya winna ma iran kevbe vbene ọ vbe kie ne iran ne ẹ i re Ju hẹ ne iran do yayi.

Iwinna 2:19

I gha rhie ọyunnuan ma vbe aro iso, kevbe iwinna ọyanaroua vbe agbọn vbe ototọ. Esagiẹn kevbe erhẹn kevbe ighogho nọ mwẹ imi.

Iwinna 2:43

Avbe ukọ kegha ru emwi ọyunnuan ni bun, ọna kegha ya ohan gha mu emwa hia.

Iwinna 21:28

Iran kegha go kha wẹ, “Ivbi Izrẹl, wa bu rre, wa ghe okpia ne ọ lele ehe hia khian ya gha tama emwa hia wẹ ne iran ghẹ zẹ ye ẹmwẹ ivbi Izrẹl ra Uhi e Mosis kevbe Ọgua Osa. Ghe vbe ọ vbe hẹ emwa ne ẹ i re Ju la uwu Ọgua Osa ne ọ do ya mu awua la ehe ne ọ huanrẹn na!”

Iwinna 22:8

Mẹ keghi nọ wẹẹ, ‘Gha nọ yi Nọyaẹnmwa?’ Rẹn wanniẹn tama mwẹ, ‘Mẹ Jesu ne ovbi Nazarẹt ne u zọ ọre owẹ nọ.’

Iwinna 24:5

Ma miẹn okpia na wẹ, uhunmwu isusu dan nọ. Ọ fian otighi fi avbe Ju egbe la uhunmwu otọ agbọn hia. Ọ keghi vbe re ọkaolotu otu ọkpa ne iran tie eni ẹnrẹn e nazarin.

Iwinna 26:26

Agripa ne ọba, emwi ne ọ ya mwẹ gu uẹ guan saisai na ọrọre rhunmwuda ighẹ u rẹn otọ emwa na hia, mẹ yayi ighẹ aro ruẹ da emwi na hia ọkpọkpa rhunmwuda ọkpa ne a do ru ẹ i rre avbe emwi na hia.

Iwinna 26:9

“Mẹ tobọ mwẹ kegha ro wẹ, ọ kere ne I ru emwi hia ne ẹtin mwẹ gha sẹ ya gu Jesu ne ovbi Nazarẹt gha khọn.

Iwinna 3:12

Ugbẹn vbe Pita ghi miẹn emwa nii hia, ọ tama iran wẹẹ, “Wa ne ivbi Izrẹl, vbọzẹ ne emwi na na yan uwa unu uan yi, vbe uwa ghi na tọn aro ye ima egbe hẹẹ? Te uwa ro ighe ẹtin obọ mwa ra umamwẹ mwa ọre ima ya ru ẹe ne okpia na na sẹtin ghe khian ra?

Iwinna 3:6

Pita wanniẹn tama rẹn wẹẹ, “I i mwẹ igho vbe emwa, sokpan emwi ne I mwẹ, I gha rhie nuẹn, Vbe eni Jesu Kristi ovbi e Nazarẹt, I tama ruẹn kpaegbe ne u khian.”

Iwinna 4:10

I ho ne uwa rẹn nian, ke uwa kevbe ivbi Izrẹl hia wẹẹ, ẹtin eni Jesu ne ovbi Nazarẹt ọre ọ ya mudia vbe odaro uwa banbanna, vbe egbe ne ọ rran rẹn giẹnrẹn. Jesu ne uwa kan mu ugbugbe, ne Osanobua huẹn kpaegbe vbe idin.

Iwinna 5:35

Rẹn keghi tama Iko wẹẹ, “Wa ne ivbi Izrẹl, wa mwẹ ẹwaẹn vbe emwi ne uwa ho ne uwa ru iran na re.

Iwinna 6:14

Rhunmwuda, ma họn ẹn vbe ọ khare wẹẹ, Jesu ne Ovbi e Nazarẹt na, gha do guọghọ Ọgua Osa sẹ otọ, ọ ghi vbe fi iyi otọe mwa ne Mosis ma ima re werriẹ.”

II Kọrinti 12:12

Avbe emwi ni rhie maa ighẹ ukọ ọre I khin, i ziengbe ọre a ya winnaẹn vbe uwu ẹbu uwa avbe ama ọyunnuan kevbe iwinna ọyunnuan.

Hibru 2:4

Erriọ vbe nọ zẹ, Osanobua keghi rhie osẹe ọghọe te ọghe iran vbe ekpa ne ọ gha winna iwinna ama, ẹtin, ọyunnuan, kevbe iwinna ọyunnuan ni bun. Deba ẹre, ọ keghi ya ọhẹ Orhiọn Ne Ọ Huanrẹn ghae ne emwa hia vbene ọ yẹ ọre.