Iwinna 2:20 - Edo Bible (E Baibol Ẹdo) Version 1996

²⁰ Owẹn gha so ebiebi, uki ghi gha baa vbe esagiẹn, vbe Ẹdẹ uyi nọkhua ọghe Nọyaẹnmwa te do rre.

Iwinna 2:20 ပူးပေါင်းရင်းမြစ်များ

Aizaia 13:10

Dọmwadẹ orhọnmwẹ, kevbe avbe orhọnmwẹ ni mama kugbe, erhọkpa ne ọ ghi ra gha baa irrọọ, ovẹn gha yanrre, ọ ghi so ebiebi, uki i ghi ra vbe baa.

Aizaia 13:15

Ọmwaikọmwa ne obọ a rhirhi vba, a gha ye agbada bi ẹre gbua.

Aizaia 13:9

Ẹdẹ e Nọyaẹnmwa dee, ẹdẹ ọkhọ nii ọghe ohu kevbe okuosu ẹre nọkhua. Otọe agbọn gha khian ato, a ghi fuẹn avbe emwa orukhọ hia a.

Aizaia 24:23

Uki gha so ebiebi, ovẹn I ghi vbe yunmwu, rhunmwuda, e Nọyaẹnmwa ne Oghodua ọ re ọ ra gha re ọba. Ọ gha rriọba vbe oke Zaiọn vbe Jerusalẹm, avbe ọkaolotu emwa gha miẹn uyi ẹre.

Aizaia 34:8

Ẹghẹ ne Nọyaẹnmwa gha na miẹn e Zaiọn fan ọ re ọna khin, ọ ghi munọ avbe eghian rẹn gbotọ.

Jerimaia 4:23

I tọn aro mu ghe otọ agbọn, ọ keghi wa gha re ehe nẹi mọ ọmọ, ehe ne ọ rhiara. I ghe odukhunmwu uwanmwẹ i rrọọ.

Joẹl 2:1

Wa kpe okpe, wa si orhu okuo vbe Zaiọn ne oke nọhuanrẹn Osanobua. Wa gha guọ ivbi e Juda! Ẹdẹ e Nọyaẹnmwa dee ẹgiẹgiẹ.

Joẹl 2:31

Owẹn gha so ebiebi uki ghi do gha baa vbe esagiẹn ọ te sẹ ẹdẹ ne ẹdẹ nọkhua, ẹdẹ ugborrirri, ọghe Nọyaẹnmwa nii, gha ya egbe ladian.

Joẹl 3:14

Arriaisẹn inu ne ọ khin, wa rre Iya Ibuohiẹn, evba nii ọ re ẹdẹ e Nọyaẹnmwa gha na rre ban.

Emọs 8:9

Ẹghẹ dee ne I gha na ru ẹe ne owẹn defua vbe ogiavan, otọ agbọn ghi so ebiebi vbe ogiavan ogioghogho. Mẹ ne Nọyaẹnmwa ne Udazi ọre ọ taa ẹe. I gha ya emwiukpo ne uwa ru khian irorinmwi, I ghi fi ihuan ọyẹnmwẹ ne uwa so werriẹ khian ugomwẹ akhiẹ.

Malakai 4:5

Sokpan, vbene ẹdẹ nọkhua ne ọ muohan ọghe Nọyaẹnmwa te do rre, I gha gie Elaija ne akhasẹ bu uwa gha dee.

Matiu 24:29

“Avbe ọlọghọmwa na hia ghẹ ghi da obọ yi, owẹn ghi so ebiebi, uki i ghi ra ba ọvbehe, avbe orhọnmwẹ ghi gha ke iso kharha ku otọ, a ghi mu ẹtin ni re ideghedeghe iso rueghe.

Matiu 27:45

Owẹn ghi wa sẹ adesẹ ukhunmwu, ebiebi keghi wa so vbe ẹvbo ni hia, ọ keghi so ya omwa ẹgogo eha.

Iyẹn ne ọ Maan Ọghe Mak 13:24

“Ẹghẹ nii, vbe avbe orueghe na a ghi gberra nẹ, owẹn ghi so ebiebi, uki i ghi baa.

Iyẹn ne ọ Maan Ọghe Luk 21:25

“Ama gha rhiegbe ma vbe owẹn, kevbe uki kevbe avbe orhọnmwẹ. Egbe gha wọ agbọn ẹvbo ni bun vbe agbọn, ne afianma okun ni gbinna, kevbe odin amẹ ni hẹ yo hẹ rre.

Iwinna 2:19

I gha rhie ọyunnuan ma vbe aro iso, kevbe iwinna ọyanaroua vbe agbọn vbe ototọ. Esagiẹn kevbe erhẹn kevbe ighogho nọ mwẹ imi.

Iwinna 2:21

Ọmwa ne ọ rhirhi da tie eni Nọyaẹnmwa, a gha miẹn rẹn fan.’

I Kọrinti 5:5

Wa rhie ọmwa na ne Setan ne a gbe ikinnegbe ẹre uan, ne a miẹn ehe na miẹn orhiọn rẹn fan vbe Ẹdẹ Nọyaẹnmwa.

I Tẹsalonaika 5:2

Rhunmwuda, wa tobọ uwa rẹnrẹn wẹ, zẹ vbene oyi rre vbe asọn ọre Ẹdẹ Nọyaẹnmwa khian rre.

II Pita 3:10

Sokpan Ẹdẹ Nọyaẹnmwa gha rre zẹ vbe oyi. Vbe Ẹdẹ ne ẹdẹnẹdẹrriọ, uwu owogho ne ọ khẹkhẹ ehọ, ọre a ra na ho iso bẹkun, avbe emwi ni wie yo wie rre vbe ideghedeghe aro iso ghi giẹn uan, ehia ghi la ọrhiae rrie, agbọn ke ẹe kevbe emwi ni rre uwu ẹre hia, ghi khian ne a ho bẹkun.

II Pita 3:7

Sokpan agbọn kevbe ẹrinmwi ne ọ rrọọ banbanna, ẹmwẹ ọkpa ni ọghe Osanobua, ọre a ya da ẹe yi, ne a do ya erhẹn fuẹn ọnrẹn uan. Te a viọ iran hinrre khẹ ẹdẹ ne a gha gui ẹzọ avbe emwa dan ne a fuẹn iran uan.

Arhie Maan 16:8

Odibosa ne ukpogienẹ keghi hihiẹ ọkpan ọghọe ye owẹn, a keghi wa fan obọ ẹre nẹẹn ne ọ ya owowo ẹre ọghe ọhanabe gha giẹn iran uan ighẹ emwa ne agbọn.

Arhie Maan 6:12

I kevbe ya bẹghe vbe Oteghe Ohuan rhan emwi ne a gbae ne ogiehan. Igbohiotọ ọhanabe keghi wa gha rrọọ, owẹn keghi sie rua, ọ ye vbe ukpọn nekhui ne khuarakhuara, uki keghi wa fi werriẹ khian ne ọ baa fẹẹrẹ vbe esagiẹn.