Iwinna 2:2 - Edo Bible (E Baibol Ẹdo) Version 1996

² Vbe udomwurri, iran keghi họn ogbigbi ke odukhunmwu gha dee, ọ yevbe ọghe okpẹhoho ne ọ hoho, ọ keghi wa vuọn owa nii ne iran tota yi.

Iwinna 2:2 ပူးပေါင်းရင်းမြစ်များ

I Ọba 19:11

E Nọyaẹnmwa keghi tama rẹn wẹẹ, “Ladian ne u ya mudia ye odaro mwẹ vbe uhunmwu oke.” Ẹre Nọyaẹnmwa na do gberra, ọ na gie ẹhoho ne ọ wegbe, ọ na gha mu oke ni rueghe, ọ na gha rẹnkhẹn avbe okuta sokpan e Nọyaẹnmwa ma gha rre uwu ẹhoho nii. Ẹhoho keghi dobọyi, igbohiotọ keghi suẹn. Sokpan e Nọyaẹnmwa ma gha rre uwu igbohiotọ nii.

Psalm 18:10

Ọ keghi giẹgiẹ ye emwi ne a yi ọghọe ne ọ mwẹ ifuẹn, tin kpao; ọ keghi lele ifuẹn ẹhoho gha rriẹ okhian.

Ihuan Ne Ọ Sọọ Ihuan Hia 4:16

Kpaegbe Ẹhoho odẹ Okuọ, ẹhoho odẹ Ekẹn, hoho ye ogba mwẹ, ya uwinhinmwẹ vuọn ẹhoho hia ẹ. Gie enida mwẹ gha die uwu ogba ẹre ne ọ do rri ọmọ erhan ne ọ maa sẹ vbọ.

Aizaia 65:24

Iran te na erhunmwu fo, erhunmwu iran mẹ họn nẹ.

Malakai 3:1

E Nọyaẹnmwa ne Oghodua zẹ wanniẹn wẹẹ, “I gha gie ukọ mwẹ ne ọ do dọlọ odẹ yi ye otọ khẹ mwẹ. Ẹghẹ nii, e Nọyaẹnmwa ne uwa mudia khẹ gha wa ya egbe ladian vbe udomwurri vbe uwu Ọgua Osa. Ukọ ne uwa rhie aro ye odẹ gha khẹ gha rre do mu ẹmwẹ ile mwẹ so.”

Iyẹn ne ọ Maan Ọghe Luk 2:13

Vbe udomwurri, ivbiyokuo ni bun ọghe odibosa ni rre ẹrinmwi keghi rhie egbe ma ba odibosa nii, iran kegha rho Osanobua vbe uyi wẹẹ:

Iyẹn ne ọ Maan Ọghe Jọn 3:8

Ẹhoho hoho ghe ehe ne ọ rhirhi khọn rẹn, wẹ họn ogbigbi ẹre, sokpan u ma rẹn ehe ne ọ ke dee ra ehe ne ọ rrrie. Erriọ zẹẹ ọre ọ ye ne ọmwaikọmwa ne a biẹe vbe kpa ọghe Orhiọn.”

Iwinna 2:3

Iran keghi bẹghe emwi eso ni ye vbe aranmwẹ erhẹn, ọ kegha miẹn otọ khian, aranmwẹ nii keghi dekan emwa hia ni rre evba.

Iwinna 2:6

Ugbẹn vbe iran ghi họn ogbigbi na, ehia keghi do gbe ẹbu ye evba, ọ keghi yan iran hia unu uan, rhunmwuda dọmwadẹ ọghọe keghi họn vbe iran ni yayi zẹ ẹvbo irẹn guan.

Iwinna 4:31

Ugbẹn vbe iran ghi na erhunmwu nẹ, otọe keghi mu rueghe vbe ehe ne iran ye, iran hia keghi vuọn ne Orhiọn Ne Ọ Huanrẹn, iran keghi ya gha kpe orhu ẹmwẹ Osanobua vbe ne a i na fian afianma.

I Pita 1:12

Osanobua keghi rhie maa avbe akhasẹ na wẹ iwinna iran i re ọghe ẹmwẹ ọmaa ne egbe iran, sokpan ọ maa ne egbe uwa, vbe ẹghẹ ne iran na guan kan ẹmwẹ ẹmwata na ne uwa họn nẹ nian. Avbe odibo Iyẹn Ne ọ maa nii, ya ẹtin Orhiọn Ne Ọ Huanrẹn ne a gie ke ẹrinmwi rre gha guan, iran ta ẹmwẹ ẹmwata na ma uwa. Avbe ẹmwata na keghi re egbe ne avbe odibo Osa tobọ iran gha ho ne iran rẹn emwi ne a ya ẹe kha.