Iwinna 2:11 - Edo Bible (E Baibol Ẹdo) Version 1996

¹¹ Kevbe avbe Ju, kevbe emwa ne ẹ i re Ju ni ghi ye egbe khian Ju, eso ni ke Kret kevbe Arebia rre. Ma. hia wa họn vbe iran ye ẹvbo ima ta ẹmwẹ iwinna nọkhua ne Osanobua winnaẹn.”

Iwinna 2:11 ပူးပေါင်းရင်းမြစ်များ

I Ọba 10:15

Ọna kegha re ne ọ deyan emwi ne ọ miẹn vbe igho uhunmwu ne ọ fian ne iran ni do ẹki, ere ne ọ miẹn vbe ẹki kevbe emwi ne avbe ọba Arebia ya mu ohan kevbe avbe ogie isi ni rre otọe Izrẹl.

II Krọnikol 17:11

Eso vbe uwu ivbi e Filistin keghi viọ esiliva ke emwi ihaoko nibun ọvbehe gie Jehosiafat, ivbi Arab eso ke viọ ohuan iyisẹn ihinrọn yan arriaisẹn hinrọn (7,700) ke ẹwe iyisẹn ihinrọn yan arriaisẹn ihinrọn (7,700) gie ẹe.

II Krọnikol 26:7

Osanobua keghi rhie iyobọ ne ẹẹn ne ọ ya khọnmiotọ vbe uhunmwu ivbi Filistia, kevbe avbe Arab ni rre Gubaal kevbe ivbi e Meunit.

Job 9:10

Ma i sẹtin rẹn otọ iwinna nekhua ne ọ winna, iwinna ọyunnuan ẹnrẹn i vbe mwẹ ọfo.

Psalm 107:15

Ọ kere ne iran rho e Nọyaẹnmwa, ye aho ẹmwẹ ọmwa rẹn ne ẹ i beghe, kevbe emwi ọyunnuan ne ọ ru ne iran.

Psalm 107:21

Ọ kere ne iran rho e Nọyaẹnmwa rhunmwuda aho ẹmwẹ ọmwa rẹn ne ẹ i beghe kevbe emwi ọyunnuan ne ọ ru ne iran.

Psalm 107:8

Ọ kere ne iran rho e Nọyaẹnmwa ye aho ẹmwẹ ọmwa rẹn ne ẹ i beghe kevbe emwi ọyunnuan ne ọ ru ne iran.

Psalm 111:4

E Nọyaẹnmwa ma gie ima mianmian avbe iwinna ọyunnuan rẹn, ọ vuọn ne itohan kevbe ẹnina.

Psalm 136:4

Rẹn okpa ọre ọ winna iwinna ọyunnuan nekhua, etẹbitẹ ọ re ahoẹmwọmwa rẹn khin.

Psalm 26:7

Mẹ so ihuan ekpọnmwẹ I ghi vbe na iyẹn iwinna ọyunnuan ruẹn hia.

Psalm 40:5

U ru emwi nibun ne ima nẹ Nọyaẹnmwa Osanobua mwa; ọmwa ne ọ yevbe uwẹ rrọọ! Emwamwa ọyunnuan nibun ọ re u ru ye otọ khẹ ima. Mẹ ira sẹtin talọ ehia iran mobọ bun ẹsẹsẹmwẹse.

Psalm 71:17

Ẹghẹ ne I na ye kherhe ọ re u na ma mwẹ re te I ye na iyẹn iwinna ọyunnuan.

Psalm 77:11

Te I gha ye iwinna nekhua ne u winna ẹn rre Nọyaẹnmwa I gha ye avbe iwinna ọyunnuan ne u winnaẹn ẹkpo nẹdẹ rre.

Psalm 78:4

Ma i ra viọ iran lẹre ne avbe ivbi mwa ma gha tae ma orre ne ọ ghi lele ẹe ekpa ọghe ẹtin e Nọyaẹnmwa kevbe avbe iwinna nekhua ne ọ winna ẹn kevba avbe emwi ọyunnuan ne ọ he ru.

Psalm 89:5

Ẹrinmwi ya emwi ọyunnuan ne u ru so ihuan, iran ya aguobọ ọmwa ruẹn so ihuan, Nọyaẹnmwa.

Psalm 96:3

Wa na iyẹn uyi ẹre ma avbe uhunmwu ẹvbo, iwinna ọyunnuan rẹn ma emwa hia.

Ẹksọdọs 15:11

“E Nọyaẹnmwa, de ẹbọ ọkpa ne ọ yevbe uwẹ? De ọmwa ne ọ ye vbe uwẹ? Ne uhuanmwẹ ọnrẹn mu ohan? De ọmwa ne ọ yevbe uwẹ ne ọ winna iwinna ọyunnuan, kevbe ne iwinna nekhua ẹre gbe orrirri vberriọ?

Aizaia 13:20

Ọmwarhọkpa i ghi ra dọlegbe yin evba ọvbehe. Igabari ne ọ zozo khian i ghi ra dọlegbe bu agọ ye evba, ọsuohuan i ghi viọ ohuan rẹn ya rria vbe evba ọvbehe.

Aizaia 21:13

Uhunmwu ne a gie vbekpa Arebia ọ re ọna khin. Ivbi e Dedan, wa ne ekhẹn ekpatẹ ne okotọ ẹre sierre vbe Arebia ne ẹvbo ne ọ dihoi rua,

Aizaia 25:1

E Nọyaẹnmwa, wẹ ọrọre Osanobua mwẹ I gha ya ọghọ ne uẹn, I gha rho eni ruẹn, u ru avbe emwi ọyunnuan nẹ a vbe emwamwa ne u ru ẹghẹ ni u wa hẹko mu ehia sẹ nẹ.

Aizaia 28:29

Obọ Osanobua ne Oghodua ọ re avbe ẹwaẹn na hia, ke rre. Emwi ne Osa mwamwaẹn ọ ghe ẹwaẹn ọ re ehia khin, okpa ne ẹ i vbe dinna odẹ ẹ i rrọọ.

Jerimaia 3:2

Wa tọn aro mu ya ghe avbe uhunmwu oke. Ihọkpa rrọọ ra ne uwa ma na he ka do ẹki ebabotu yi? Wa ghi gha mudia khẹ emwa ne uwa zẹ ọre ọse vbe ọkpẹn odẹ zẹ vbene Igabari diakhẹ emwa ni gha defi iran obọ vbe ato. Wa keghi ya ẹki ebabotu ne uwa do mu awua ye avbe otọe nii.

Iwinna 2:10

Ke Frigia Pamfilia, kevbe Igipt kevbe iwewe Libya, ọkpẹn Sairin kevbe Rom rre.

Iwinna 2:12

Vbene ọ yan iran unu uan, ọ na vbe sunsun ye iran aro nii, iran kegha nọ egbe wẹẹ, “Vbe a ya ena kha?”

Iwinna 27:12

Eghute nii i vbe re ne ọ gie dia vbe ẹghẹ okhuakhua, rhunmwuda ọnii obọ nọbun sẹ vbe emwa ni rre okọ nii keghi ho ne a mu okọ la ẹzẹ, a deghẹ ọ gie a ru ne a sẹ Fonis, ọ keghi re eghute ne ọ mu aro da odẹ ekẹn, iran sẹtin gbe ẹghẹ okhuakhua vbe evba.

Iwinna 27:13

Ẹhoho ne wẹlẹẹ kegha hoho ke odẹ ekẹn rre, emwa ni keghi te ro ighẹ iran gha sẹtin ru vbene iran khare, iran keghi rhunmwuda ọnii rhan okọ vbe irri, iran na hẹko gha gua okọ lele ọkpẹn oke ẹvbo ne a tie ẹre Kret khian.

Iwinna 27:7

Ma keghi ya ikpẹdẹ ni bun gua okọ vbe ne a i na tua okhian, ọ ghi ba so ima buan nẹ, ma keghi do sẹ iyeke ẹvbo Knidọs. Ẹhoho ma ghi gie ima la obọ ni gua gberra evba, ma na rhunmwuda ọnii gua okọ ghe ototọ la asefẹn ne ọ mwẹ irhu ọghe Kret ne ẹvbo ne ẹzẹ lẹga, a na ya la ọkpẹn Salmone ẹvbo ne ọ rre ehe ne otọ na biẹ la okun.

I Kọrinti 12:10

Orhiọn ọkpa nii ọre ọ rhie ẹtin ne a ya winna iwinna ọyunnuan ne emwa eso, ne ọmwa ọvbehe, ẹwaẹn ne a ya rẹn emwi ne a ya we ọmwa ne ọ ke ọghe Orhiọn rre, kevbe ne ọ ma ke ọe rre.

I Kọrinti 12:28

Rhunmwuda ọnii khekherriọ, te Osanobua rhie ihe edọmwadẹ ọghọe nẹẹn vbe uwu esọsi, okaro avbe ukọ, vbe ukpo ne ogieva, avbe akhasẹ, vbe ukpo ne ogieha avbe ọmamwaemwi, vbe iyeke ọnii, iran ni winna iwinna ọyunnuan, iran ne a rhie ẹtin ne a ya sinmwi ọmwa na ghi lele ẹe, ra iran ni ye emwa ọvbehe obọ, ra ne ọ dia iran ye odẹ, ra ne iran gha ye urhu ne a ma rẹn guan.

Galatia 1:17

I ma vbe ye Jerusalẹm ya miẹn avbe iran ni ka gha re ukọ khẹ mwẹ. Sokpan, I na mwa gha rrie Arebia, vbe iyeke ọnii, I na vbe dọlegbe gha die Damaskọs.

Galatia 4:25

Hega mudia ye ihe Sainai, oke ne ọ rre Arebia, rẹn keghi vbe re ama Jerusalẹm ne ọ rrọọ ẹdẹnẹrẹ na, ne ọ re ọviẹn ke ẹe kevbe emwa rẹn hia.

Taitọs 1:12

Kretan ne ọre ọkpa vbe uwu avbe akhasẹ iran ọre ọ ta ẹe wẹ, “Emwa Kret re emwa nii ta ohoghe vbe ẹghẹ hia, aranmwẹ dan ni khọ kevbe emwa oregbe ne obọ ẹ i ru i re ọre iran khin.”

Taitọs 1:5

Te I sẹ uẹ rae vbe Kret ne u miẹn ehe na dọlọ avbe emwi ne a ma he ru fo vbe evba nii yi, kevbe ne u vbe gha zẹ ediọn esọsi ye dọmwadẹ esọsi. U ghi yerre vbene I ta ẹe hẹ:

Hibru 2:4

Erriọ vbe nọ zẹ, Osanobua keghi rhie osẹe ọghọe te ọghe iran vbe ekpa ne ọ gha winna iwinna ama, ẹtin, ọyunnuan, kevbe iwinna ọyunnuan ni bun. Deba ẹre, ọ keghi ya ọhẹ Orhiọn Ne Ọ Huanrẹn ghae ne emwa hia vbene ọ yẹ ọre.