Iwinna 2:10 - Edo Bible (E Baibol Ẹdo) Version 1996

¹⁰ Ke Frigia Pamfilia, kevbe Igipt kevbe iwewe Libya, ọkpẹn Sairin kevbe Rom rre.

Iwinna 2:10 ပူးပေါင်းရင်းမြစ်များ

Gẹnẹsis 12:10

Sokpan ukhunmwu kegha fi vbe Kenan, ọ keghi tua sẹrriọ wẹ, Ebram keghi ye khian sikẹ odẹ okuọ, yasẹ Igipt ne ọ ya yin evba vbe omwa ẹghẹ eso.

Ẹsta 8:17

Ehe ne a rhirhi na tie ẹmwẹ ne ọba tae na, vbe avbe ore nekhua kevbe iyaẹvbo, avbe Ju ghi zobọ vbe iwinna, iran ghi ya oghọghọ titi ẹe deba ọyẹnmwẹ. Vbe ẹmwata, emwa ni bun ọvbehe keghi degbe la e Ju rhunmwuda te ohan iran ghi mu iran.

Jerimaia 46:9

Tama avbe ẹsin ne iran gha khian, kevbe avbe ikẹkẹ okuo ne iran khianmwu. Gie avbe ivbiyokuo ladian, emwa ni ke Sudan kevbe Libya rre, iran ni viọ asa mwẹ, kevbe emwa ni guẹ uhanbọ ne a fi, ni ke Lidia rre.’ ”

Ezikiẹl 30:5

“Okuo ni ọ re ọ ra vbe gbele avbe ivbiyokuo, ne iran vbu viọ ke Sudan rre, kevbe Libya, e Lidia, Arebia, e Kub, deba iran ni ke ehe ne emwa mwẹ ye rre.”

Daniẹl 11:43

Ọ gha viọ emwi ẹfe Igipt ne a hẹ lẹre gha rrie, avbe igoru esiliva kevbe avbe emwi ighobioye nekpa ne ọ mwẹ. Ọ gha khọn Libya kevbe Sudan.

Hozia 11:1

E Nọyaẹnmwa khare wẹẹ, “Ẹghẹ ne Izrẹl na re ọvbokhan, I keghi gha hoẹmwẹ ọnrẹn, I keghi tie ẹre ke Igipt rre, zẹ vbe ovbi mwẹ nokpia.

Zẹkaraia 8:20

E Nọyaẹnmwa ne Oghodua khare wẹẹ, “Ẹghẹ dee ne emwa nibun gha na ke ẹvbo nibun gha die Jerusalẹm.

Zẹkaraia 8:23

Ọ gha sẹ ẹghẹ ne a kha na, erhunmwuyẹn igbe gha bu ovbi e Ju ọkpa rre, iran ghi tama rẹn wẹẹ, ‘Ma ho ne ima vbe ghae vbe uhunmwu ne ọ maa ọghe uwa rhunmwuda ma họẹn ighe Osanobua rrọọ yaba uwa.’ ”

Matiu 2:15

Evba iran gha ye Hẹrọd to do wu. Ọna sunu ne ẹmwẹ ne Nọyaẹnmwa la unu akhasẹ guan miẹn ehe na sẹ wẹẹ, “Mẹ tie ovbi mwẹ ke Igipt rre.”

Matiu 23:15

“U miẹn agbọn ne uwa ye, enimaemwa Uhi kevbe Farisi, ayunukpaegbe. Wa ghi fian okun rra, wa ghi la ẹvbo hoho fo gha gualọ arhin ọkpa kẹkan ne uwa gha ya khian enọyayi, wa ghẹ ghi miẹn nẹ, wa ghi ya ẹe khian ọmwa ne ọ kei ye ẹrinmwi erhẹn ukhukhu eva sẹ egbe uwa.

Matiu 27:32

Ugbẹn vbe iran ghi ladian, iran miẹn ọmwa Sairin ọkpa ne a tie ẹre Saimọn, iran keghi ya ẹtin mu ẹn ne ọ mu ugbugbe Jesu.

Iyẹn ne ọ Maan Ọghe Mak 15:21

Iran keghi do khian dekun okpia ọkpa ne a tie ẹre Saimọn vbe odẹ, igue ọ re ọ ke die adesẹ ore ẹvbo, iran keghi ya ẹtin mu ẹn ne ọ mu ugbugbe Jesu. (Ovbi e Sairin ọre Saimọn na khin, rẹn ọ re erha Alẹkzanda kevbe Rufọs.)

Iwinna 11:20

Sokpan ivbi iyayi eso ni ke Saiprọs kevbe Sairin rre kegha rrie Antiọk, iran keghi vbe ya kpe orhu ma emwa eso ne ẹ i re Ju, iran kegha ta ẹmwẹ Iyẹn Ne ọ maa ọghe Nọyaẹnmwa Jesu ma iran.

Iwinna 13:1

Vbe Esọsi ne ọ rre Antiọk, avbe akhasẹ kevbe avbe emamwaemwi kegha rrọọ: Banabas, Simiọn (ne a vbe tie ẹre Usie,) Lusiọs (ne ovbi e Sairin,) Manaen (ne ọ ka gu Hẹrọd ne ọ khaemwisẹ dia yi,) de ba e Sọl.

Iwinna 13:13

Pọl ke ẹe kevbe otu ẹre keghi gua okọ ke Pafọs gha die Pẹga ne ọ rre Pamfilia, sokpan Jọn Mak keghi sẹ iran rae vbe evba, ọ na gha rrie Jerusalẹm.

Iwinna 13:43

Avbe emwa ghi kpao vbe iko nii rre nẹ, avbe Ju ni bun kevbe emwa ne ẹ i re Ju ni dẹ egbe la e Ju, keghi lele Pọl vbe Banabas. Avbe ukọ keghi bu iran ude, khama irn wẹ ne iran gha rrọọ vbe uwu ẹsọhẹ Osanobua vbe uyinmwẹ ẹdẹ agbọn iran.

Iwinna 14:24

Iran fian otọe ẹvbo Paisidia rra gha die Pamfilia.

Iwinna 15:38

Sokpan Pọl ma ro wẹ emwi ne ọ gbae nọ ne a rhie ẹre rhunmwuda ọ ma gu iran dia sẹ ufomwẹ okhian ikporhu iran sokpan ọ werriegbe, ọ keghi sẹ iran rae vbe Pamfilia.

Iwinna 16:6

Iran keghi khian la iwewe Frigia kevbe Galatia. Orhiọn Ne Ọ Huanrẹn ma kue ne iran kpe orhu vbe otọ Esia.

Iwinna 17:21

(Rhunmwuda ivbi ẹvbo Atẹns kevbe avbe orhunmwuyẹn ni rrọọ, emwi ne iran ho ọrọre ne a gha danmwehọ ra ne a gha na iyẹn ẹmwẹ emwi ne ọ ghi vbe kiekie sunu.)

Iwinna 18:2

Ọ keghi do vba e Ju ọkpa vbe evba, a keghi tie eni ẹnrẹn Akuila, Pọntus ọre a na biẹ ọe, ọ ma he kpẹe ne irẹn vbe Priskila ne amwẹ ọnrẹn gba ke Itali gha dee, rhunmwuda ighẹ Klọdiọs ne Ọgbaisi wẹ ne ivbi e Ju hia kpao vbe Rom rre. Pọl keghi ya tuẹ iran.

Iwinna 18:23

Ọ ghi kpẹe vbe evba kherhe, ọ keghi vbe kpao, ọ na khian lele iwewe Galatia kevbe Frigia hia, ọ na gha rhie igiẹdu ne emwa iyayi hia.

Iwinna 2:11

Kevbe avbe Ju, kevbe emwa ne ẹ i re Ju ni ghi ye egbe khian Ju, eso ni ke Kret kevbe Arebia rre. Ma. hia wa họn vbe iran ye ẹvbo ima ta ẹmwẹ iwinna nọkhua ne Osanobua winnaẹn.”

Iwinna 23:11

Vbe asọn ne ọ lele ẹe, e Nọyaẹnmwa keghi gu e Pọl mudia, ọ tama rẹn wẹ, “Ghẹ fian afianma! U sẹ osẹe mẹ ne vbe Jerusalẹm vbe emwa na, u gha vbe ru vberriọ vbe Rom.”

Iwinna 27:5

Ma keghi gberra Sisilia kevbe Pamfilia, ma keghi fian okun rra a keghi do sẹ Maira ne ọ rre Lisia.

Iwinna 28:15

Etẹn ni rre Rom ghi họn ẹmwẹ ima, iran keghi khian bu ima. Ugbẹn vbe Pọl ghi miẹn iran, ọ na kpọnmwẹ Osanobua, orhiọn keghi la ẹre iwu.

Iwinna 6:5

Iro ne avbe ukọ zẹe na keghi yẹ iran hia, rhunmwuda ọnii, iran keghi zẹ Stivin, ọmwa ne ọ vuọn ne Iyayi ke Orhiọn Ne Ọ Huanrẹn, ke Filip, Prokorọs, Nikanọ, Timọn, Pamenas, Nikolas ne ovbi Antiọk, ne ẹ i te re Ju ne ọ ghi degbe la e Ju.

Iwinna 6:9

Sokpan emwa eso kegha kpankan ẹre ẹmwẹ, iran na kegha re emwa Ọgua ediọn Eniyan Egbe iran (zẹ vbene emwa tie iran) uwu iran na ọre avbe Ju ni ke Sameria kevbe Alẹkzandria rre ye. Iran na kevbe avbe Ju eso ni ke Silisia kevbe Asia rre keghi suẹn gha muan Stivin ẹmwẹ.

Ebe ne Pọl gbẹẹn gie emwa Rom 1:15

Ọnii ọ siẹe ne ọ na bọbọ mwẹ egbe ne I do vbe kpe orhu Iyẹn Ne ọ maa ma uwa ni rre Rom.

Ebe ne Pọl gbẹẹn gie emwa Rom 1:7

Rhunmwuda ọnii, ọre I na gbẹn ebe gie uwa hia ni rre Rom ne Osanobua ho ẹmwẹ ọnrẹn, ọ na tie uwa ne uwa do gha re emwa irẹn. Te Osanobua ne Erha mwa kevbe Nọyaẹnmwa Jesu Kristi gha rhie ẹsọhẹ kevbe ọfumwegbe ne uwa.

II Timoti 1:17

Ọwarọkpa vbe ọ wa sẹ Rom, ọ kegha gualọ mwẹ khian rhinrin ọ te do miẹn mwẹ.

Arhie Maan 11:8

Ikun iran ghi vbe gha rre adesẹ ẹvbo nọkhua nii, ehe ne a na kan Nọyan iran mu ugbugbe. Eni oro ne a mu ne ẹvbo ni ọrọre Sọdom ra Igipt.