Iwinna 2:1 - Edo Bible (E Baibol Ẹdo) Version 1996

¹ Ugbẹn vbe ọ ghi sẹ ẹdẹ Pẹntikọst, iran ni yayi hia keghi si egbe koko ye ihe ọkpa.

Iwinna 2:1 ပူးပေါင်းရင်းမြစ်များ

II Krọnikol 30:12

Osanobua keghi wa gha winna vbe Juda, ọ keghi ku emwa nii kugbe vbe uwu ne iran na yan tae wẹ iran gha họn ẹmwẹ ne ẹẹn vbe emwi ne ọ ho, vbe ekpa ne iran gha na gha ru vbene ọba kevbe ekhaẹmwẹ ọnrẹn khare.

Psalm 133:1

U miẹn vbene ọ maa hẹ u miẹn vbe ọ vbe rhiẹnrhiẹn hẹ ne emwa Osanobua gha gu egbe yin vbe ọfumwegbe.

Ẹksọdọs 23:16

Wa ghi vbe gha ru emwi ukpo Akọrhọre Ọka vbe uwa gha rhọ emwi okaro ne uwa kọ ye ugbo rua. Wa ghi ru emwiukpo Emwiorhọ Okaro vbe ufomwẹ ukpo vbe uwa a ghi rhọ emwiorhọ ke ugbo kevbe agọ rre.

Ẹksọdọs 34:22

“Wa ghi gha ru emwiukpo, emwiokọ okaro ọghe emwiorhọ ọka, wa ghi gha ru emwiukpo ọghe emwiorhọ ọmerhan vbe ufomwẹ ne uwa ya rhọ emwi la owa vbe ukpo.

Jerimaia 32:39

I gha rhie emwi okpa kẹkan ne iran hia gha rhie aro yi vbe agbọn iran; ne iran gha ya ọghọ mẹ vbe ẹghẹ hia vbene agbọn gha na maa iran kevbe ivbi uniẹn iran.

Zẹfanaia 3:9

“Ẹghẹ nii, I gha fi avbe emwa ni rre uhunmwu ẹvbo werriẹ, iran ghi do gha na erhunmwu ghe imẹ ọkpa, vbene iran i ghi na na ghe ẹbọ ọvbehe. Iran hia gha vbe gha họn ẹmwẹ mẹ.

Iwinna 1:5

Rhunmwuda, amẹ ọre Jọn ya sa amẹ ne emwa, sokpan vbe ọ ma he kpẹe wan, a gha ya Orhiọn Ne Ọ Huanrẹn sa amẹ ne uwa.”

Iwinna 1:8

Sokpan Orhiọn Ne Ọ Huanrẹn gha ghi hin yan uwa nẹ, ẹtin nọkhua ghi gha gue uwa, wa ghi ya sẹ osẹe mẹ vbe Jerusalẹm kevbe Judia hia, kevbe Sameria, kevbe rhinrin ya sẹ ehe ne agbọn sẹe.”

Iwinna 2:46

Ẹdẹgbegbe, iran keghi ya gha mi egbe vbe uwu Ọgua Osa zẹ vbe otu ọkpa. Iran keghi gba gha rri evbare iran kugbe vbe owa, vbe ọyẹnmwẹ kevbe amu egbe rriotọ.

Iwinna 20:16

Pọl keghi te wẹ ne iran gua okọ la odẹ Ẹfisọs ne a ghẹ vbe mu ẹghẹ rhia vbe ikinkin Esia. Rẹn keghi wa tua okhian ne ọ miẹn ehe na rherhe sẹ Jerusalẹm, a deghẹ ọ gia ru vbe ẹdẹ Pẹntikọst zẹẹ.

Iwinna 4:24

Iran ghi họn ẹmwẹ na, iran keghi ku urhu gbe ya na erhunmwu ghe Osanobua wẹẹ, “Ayi ne Ọ yi, nọ yan ẹrinmwi kevbe agbọn, okun kevbe emwi hia ni re uwu iran.

Iwinna 4:31

Ugbẹn vbe iran ghi na erhunmwu nẹ, otọe keghi mu rueghe vbe ehe ne iran ye, iran hia keghi vuọn ne Orhiọn Ne Ọ Huanrẹn, iran keghi ya gha kpe orhu ẹmwẹ Osanobua vbe ne a i na fian afianma.

Iwinna 4:32

Otu iran ni yayi keghi gha rrọọ vbe ekhọe ọkpa kevbe orhiọn ọkpa. Arhiọnkpa ne ọ vbe tie emwi ne ọ mwẹ ọghe obọ ẹre, ẹ i rrọọ. Iran hia ghi gha gba ghae emwi ne iran mwẹ, ọ gba obọ.

Iwinna 5:12

Avbe Apọsol kegha winna iwinna ama kevbe ọyunnuan ni bun vbe adesẹ avbe emwa. Iran ni yayi hia kegha miẹn egbe vbe Ugha Solomọn.

Ebe ne Pọl gbẹẹn gie emwa Rom 15:6

Ne uwa hia miẹn ehe na sẹtin gha ye urhu ọkpa rho Nọyaẹnmwa, ne uwa gha rho Osanobua kevbe Erha Nọyaẹnmwa Jesu Kristi.

I Kọrinti 16:8

I ho ne I gha rre Ẹfisọs rhinrin ya sẹ ẹdẹ Pẹntikọst.

Filipai 1:27

Banbanna nian, emwi ne a mobọ kha ọrọre ne uyinmwẹ uwa gha re vbene iyẹn ne ọ maa ho ne ọ gha ye, vbene a gha na miẹn wẹ, te I ghi sẹtin rre do miẹn uwa ra I ma sẹtin rre, I ghi gha họn wẹ, wa mudia vbene ekhọe uwa na kugbe vbe ọghe emwi ne uwa ru, wa ghi ku obọ gbe gha gbinna khian ne iyayi, kevbe iyẹn ne ọ maa.

Filipai 2:2

I ya tua uwa khekherriọ wẹ ne uwa ya ẹko mwẹ rhiẹnrhiẹn fo, vbe ekpa ne uwa gha na gha mwẹ ekhọe ọkpa, wa gba gha ho ẹmwẹ egbe, ne uwa vbe gha re ọkpa vbe orhiọn kevbe ekhọe.