Iwinna 19:6 - Edo Bible (E Baibol Ẹdo) Version 1996

⁶ Pọl keghi viọ obọ ẹre yan iran, Orhiọn Ne Ọ Huanrẹn keghi tuorre yan iran, iran keghi zẹ ẹvbo ne ama i rẹn guan, iran keghi vbe gha ta ẹmwẹ Osanobua.

Iwinna 19:6 ပူးပေါင်းရင်းမြစ်များ

Iyẹn ne ọ Maan Ọghe Mak 16:17

A gha rhie ama ẹtin na ne avbe emwa ni yayi. Iran gha ya eni mwẹ khulo avbe esu ladian. Iran gha zẹ ẹvbo ne iran ma rẹn.

Iwinna 19:7

Iran keghi re ikpia iweva.

Iwinna 2:4

Iran hia keghi wa vuọn ne Orhiọn Ne Ọ Huanrẹn, iran kegha zẹlẹ ẹvbo ọvbehe, zẹ vbene Orhiọn rhie ẹtin ne iran.

Iwinna 6:6

Iran viọ iran gie avbe ukọ, iran keghi na erhunmwu ne iran, iran na viọ obọ yan iran uhunmwu.

Iwinna 9:17

Rhunmwuda ọnii Ananaias kegha khian, ọ keghi la owa, ọ na viọ obọ yan rẹn, ọ keghi kha wẹẹ, “Sọl ne ọtẹn mwẹ, Nọyaẹnmwa Jesu Kristi ọmwa ne u miẹn vbe odẹ vbe ẹghẹ ne u na gha dee ọre ọ tobọ ẹre gie mwẹ gha dee, ne u miẹn ehe na dọlegbe gha dẹghe, kevbe ne u vbe vuọn ne Orhiọn Ne Ọ Huanrẹn.”

I Timoti 5:22

Ghẹ tua viọ obọ yan ọmwaikọmwa uhunmwu, ye iwinna Nọyaẹnmwa, ghẹ mwẹ obọ vbe orukhọ ẹrrẹe, da egbe ruẹ yi vbe ne a i na mwẹ iruẹn.

II Timoti 1:6

Rhunmwuda ọnọna, ọre I na ye ruẹ rre ne u yobọ da ẹe yi gbain ighe ọhẹ ne Osanobua ya wuẹ vbe ẹghẹ ne I na viọ obọ yan ruẹn uhunmwu.