Iwinna 19:38 - Edo Bible (E Baibol Ẹdo) Version 1996

³⁸ Deghẹ Demetriọs kevbe emwa ne ọ ya winna mwẹ ẹzọ ne iran gha gu emwa eso gui, ẹdẹ ne a bu iko yi rrọọ, iran ni yan asẹ vbe rre evba, iran sẹtin ya gu egbe gui vbe odọ.

Iwinna 19:38 ပူးပေါင်းရင်းမြစ်များ

Iwinna 13:12

Enogie ghi miẹn emwi ne ọ sunu, ọ na yayi, emwi ne a ma ẹre re vbe kpa Nọyaẹnmwa keghi wa yan ẹre unu uan.

Iwinna 13:7

Rẹn keghi re ọse Enogie ne ọ rre ẹvbo ne amẹ lẹga ni, a keghi tie eni ẹnrẹn Segiọs Pọlọs, ọmwa ne ọ wan ẹsẹse nọ. Enogie nii keghi gie ne a tie Banabas kevbe Sọl rhunmwuda, ọho ne ọ họn ẹmwẹ Osanobua.

Iwinna 13:8

Sokpan, Elimas ne ọbo edunna na (erriọ a tie ẹre vbe Grik) keghi gha gbe odan ye iran ẹmwẹ, ọ keghi ho ne ọ rhie ekhọe Enogie hin iyayi ni rre.

Iwinna 18:14

Pọl ghi te ra guan, Galio keghi tama avbe Ju wẹẹ, “Akpawẹ ẹmwẹ emwi ne a bakuru, ra emwi dan ne a ru nọ, emwi ne ọgbae ghẹ gha nọ ne I danmwehọ uwa, wa ne Ju.

Iwinna 19:24

Okpia ne ogun ẹrọnmwọ, ne a tie eni ẹnrẹn Demetriọs, kegha ya ẹrọnmwọ dunmwu ivbi owa ne a ya ta owa ne iran bọ ne ẹbọ ne okhuo ọkpa ne a tie eni ẹnrẹn Atemis, iwnna rẹn na keghi gha ya igho la iran ni winnaẹn obọ.

Iwinna 19:39

Sokpan deghẹ emwi ne ọ sẹ ọna ye rrọọ ne uwa ho, iko ẹvbo ne a ye uhi mu gbọọ, ọre uwa gha na ta ẹe.

I Kọrinti 6:1

Adeghẹ ọkpa vbe uwu uwa gu ọtẹn ọvbehe muan ẹmwẹ, vbe ekhue ra gi ẹe mu ẹzọ bu avbe enibuohiẹn ni ma yayi hẹ yi? Ẹ i re emwa Osanobua ọre ọ kere ne ọ bu ẹre?

Diuteronomi 17:8

“U gha ghe a ghi miẹn ẹzọ eso ne ọ wegbe sẹ ọmwa ne ọ bu ohiẹn ọghe ẹvbo nii ẹi mwẹ emwi ne ọ re ọghe ọmwa, ra ẹmwẹ ikuan egbe ye, ẹmwẹ nii laghe vbene izigha ra izigha ọyẹvbu ye. Ọ gha ye vberriọ, wa ghi gha rrie ihe ọkpa ni ne a na ga ni ne Nọyaẹnmwa ne Osanobua uwa zẹe.