Iwinna 19:29 - Edo Bible (E Baibol Ẹdo) Version 1996

²⁹ Utumwẹ na keghi wa la ẹvbo khinkhian. Iran ni si ọbọbọ e rhia rua ni, keghi mu Gaiọs kevbe Aristakọs ne ivbi e Masidonia eva ni lele Pọl khian, iran na silo iran gha rrie adesẹ ughe.

Iwinna 19:29 ပူးပေါင်းရင်းမြစ်များ

Iwinna 13:5

Iran ghi sẹ Salamis, iran kpe orhu ẹmwẹ Osanobua vbe Ọgua ediọn avbe Ju, iran keghi rhie Jọn mwẹ obọ ne ọ gha ru iyobọ ne iran vbe iwinna.

Iwinna 16:12

Ma keghi vbe ke evba la uwu ẹre gha rrie Filipai, ẹvbo ne ọ rre ototọ Rom. Ma gbe sẹ omwa ikpẹdẹ eso vbe ẹvbo nii.

Iwinna 16:9

Asọn ii, Pọl keghi miẹn umian vbe uwu ne ọ na miẹn ovbi Masidonia ọkpa ne ọ mudia gha rinmwiaẹn wẹẹ, “Gha die Masidonia ne u do yi ma obọ!”

Iwinna 17:8

Iran keghi ya ẹmwẹ na gie avbe emwa ni gbe ẹbu ye evba kevbe iran ni khaemwisẹ gha go ẹsẹse.

Iwinna 19:21

Emwi na ghi sunu nẹ, Pọl na wẹ rẹn ra khian lele Masidonia kevbe Gris ne ọ vbe la odọ gha rrie Jerusalẹm. Ọ keghi kha wẹ, “I gha sẹ evba nẹ, I gha vbe sẹ e Rom.”

Iwinna 19:22

Rhunmwuda ọnii, ọ keghi gie Timoti kevbe Ẹrastọs, eva vbe uwu iran ni ru iyobọ nẹẹn, gha rrie Masidonia, rẹn na wẹ rẹn ra ye rhie ẹghẹ kherhe vbe otọ Esia.

Iwinna 19:32

Vbe ẹghẹ ne a kha na, iko ne iran do keghi tughua. Emwa eso kegha ya ọna go khian, eso na gha ya ọnii go khian, rhunmwuda ni bun vbe uwu iran ma kue rẹn emwi ne iran si egbe koko ba.

Iwinna 20:34

Wa tobọ uwa rẹnrẹn wẹ obọ mwẹ na ọre I ya khuan gha koko egbe mwẹ koko emwa ne I hẹ khian.

Iwinna 20:4

Sopata, ovbi e Pirọs ne okpia ne ovbi ẹvbo ne a tie ẹre Beria, keghi lele ẹe kpa, deba Aristakọs kevbe Sekundus ne ivbi ẹvbo ne a tie ẹre Tẹsalonaika kevbe Trofimọs ni ke otọe ẹvbo Esia rre.

Iwinna 21:30

Adesẹ ore ẹvbo hia keghi wa tighi ua, iran hia keghi wa mu vẹ, iran gua Pọl rhie, iran na hiọrọ ẹe hin uwu Ọgua Osa rre. Vbe ọwarọkpa nii, iran na khui urho Ọgua Osa.

Iwinna 21:38

Ọnii nọ wẹ, wẹ i re ovbi Igipt nii ne ọ si otighi ye ẹvbo nẹdẹ eso, ọ na viọ emwa ni sọtẹ arriaisẹn enẹ ba egbe la otọ ẹgbo?”

Iwinna 27:2

Ma keghi la okọ vbe Adramitiọm, okọ keghi ra kpao gha rrie eghute otọe Esia ne ọ ke evba gua kpao. Aristakọs ne ovbi e Masidonia ọkpa ne ọ ke Tẹsalonaika rre, keghi deba ima.

Ebe ne Pọl gbẹẹn gie emwa Rom 16:23

Gaiọs ne imẹ di owa ẹre ya, ọmwa ne a do esọsi vbe owa ẹre we uwa do, Ẹrastọs ne ọ da igho yi ne ẹvbo kevbe ọtẹn mwa Kuatọs we uwa do. [

I Kọrinti 1:14

I kpọnmwẹ Osanobua ighẹ I ma sa amẹ ne ọmwa rhọkpa gberra e Krispọs kevbe Gaiọs.

I Kọrinti 4:9

Rhunmwuda, ọ yẹ mwẹ vbene a miẹn wẹẹ, ma ne ukọ ọre Osanobua hẹ ke odieke zẹ vbe emwa ne a wẹ ne a ya gbele ua ye ada, ne agbọn vbe ẹrinmwi miẹn gha ghe.

II Kọrinti 8:19

Ye vbe sẹ ọnii, te esọsi hia wa hannọ ẹn zẹ ne ọ gha lele ima khian vbe ehe ne ima na winna iwinna aho ẹmwẹ ọmwa na, ne uyi ọghe Nọyaẹnmwa, kevbe ne a vbe rhie maa ighẹ ma mu egbe ne a ya ru iyobọ.

Kọlose 4:10

Aristakọs, ọmwa ne ọ gun mwẹ rre eghan, ke ẹe kevbe Mak ne ọtẹn Banabas wẹ uwa do. (A ka tama uwa nẹ wẹ ne uwa rhan obọ miẹn rẹn vbe ọ gha rrie ehe ne uwa ye.)

Failimọn 1:24

Erriọ vbe nọ, ihomwa ne ima gba winna ighẹ avbe Mak, Aristakọs, e Demas kevbe Luk vbe wẹ uwa do.

III Jọn 1:1

Ọmwa ni ne ọre Ediọn, ọre ọ gbẹn ebe na gie Gaiọs mwẹ ne ọ ghaan, ọmwa ne I họ ẹmwẹ ọnrẹn vbe ẹmwata.