Iwinna 19:27 - Edo Bible (E Baibol Ẹdo) Version 1996

²⁷ Ehe ne ọna zẹ ẹbe nian ọrọre wẹ a ra do ya iwinna ima na khian ne a gbe ikhaẹn yi, ehe ọvbehe ne ọ na vbe zẹ ẹbe ọrọre wẹ aro ẹbọ Atemis ne ẹbọ ne okpokhuo, ra do khian nẹ i ghi mwẹ esa ne ọ ye, uyi ẹre ghi do fafaa ighẹ ẹbọ ne okhuo ne emwa hia ni rre Esia kevbe otọ agbọn hia ya uhunmwu rhanmwẹ otọ na!”

Iwinna 19:27 ပူးပေါင်းရင်းမြစ်များ

Aizaia 44:17

Ne ọ ghi kẹe vbe erhan nii, ọ ghi ya ẹe ka amazẹ, ọ ghi vbe vbẹrre ye uhunmwu rhanmwẹ otọ ne ẹẹn. Ọ ghi vbe na erhunmwu ghe ẹre wẹẹ, “Wẹ ọrọre Osanobua mwẹ, miẹn mwẹ fan.”

Zẹfanaia 2:11

E Nọyaẹnmwa gha runran iran. Ọ gha ye avbe ẹbọ ni rre agbọn khian kẹkan fẹẹrẹ, ẹghẹ nii, avbe uhunmwu ẹvbo ghi do gha ga ẹe, dọmwadẹ ọghọe vbe ẹvbo ẹre.

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [

Matiu 24:14

A gha kporhu Iyẹn Ne ọ maa ọghe Arriọba na la otọ agbọn hia nẹ zẹ vbe osẹe ghe emwa hia, iyeke ọnii, ufomwẹ ghi do rre.

Iwinna 19:10

Ukpo eva ọre a ya gha ru ọna sẹrriọ wẹ emwa hia ni rre ikinkin Esia, kevbe avbe Ju kevbe ni i re Ju keghi họn ẹmwẹ Nọyaẹnmwa.

Iwinna 19:21

Emwi na ghi sunu nẹ, Pọl na wẹ rẹn ra khian lele Masidonia kevbe Gris ne ọ vbe la odọ gha rrie Jerusalẹm. Ọ keghi kha wẹ, “I gha sẹ evba nẹ, I gha vbe sẹ e Rom.”

I Timoti 6:5

Igbeagbanmwẹ ne iran muhẹn ighẹ emwa ne ekhọe ẹre sohie nẹ, ẹmwata i ghi vbe rre iran unu. Iran ro ighẹ iyayi, emwi ne a ya gualọ igho ọre nọ.

I Jọn 5:19

Ma rẹnrẹn wẹ ọghe Osanobua ma khin kevbe wẹ Ọmwa Dan ni ọre ọ kha yan agbọn na hia.

Arhie Maan 13:3

Ọkpa vbe avbe uhunmwu aranmwẹ oha na, keghi ye vbe ne a gbe ua nẹ, sokpan ehe ne a na fian re ẹwẹn ne ọ da, rrie nẹ, ọ keghi wa yan agbọn hia unu an, iran keghi vẹ lele ẹe ighẹ aranmwẹ oha na.

Arhie Maan 13:8

Emwa ni rre agbọn hia gha ya uhunmwu rhanmwẹ otọ nẹẹn, ọnii nọ wẹ, avbe emwa hia ne a ma he gbẹnnẹ eni iran vbe agbọn te do suẹn, ye ebe emwa ni rrọọ, iran ni re ọghe Oteghe Ohuan ne a te gbe ua.

Arhie Maan 14:9

Odibosa ogieha keghi vbe lele ne ogieva, ọ kegha ya urhu ne ọ la da tu wẹẹ, “Ọmwa ne ọ rhirhi ya uhunmwu rhanmwẹ otọ ne aranmwẹ oha nii, ra ke amazẹ ọre, ọ na vbe gha mwẹ ama rẹn vbe uharo, ra vbe obọ ẹre.