Iwinna 19:25 - Edo Bible (E Baibol Ẹdo) Version 1996

²⁵ Rẹn keghi rhunmwuda ọnii tie iran vbe iko deba emwa ọvbehe ne iwinna rẹn vbe yevbe ọghe iran, ọ tama iran wẹẹ, “Iho mwa, wa hia rẹnrẹn ighẹ iwinna na ọre ima ya miẹn igho.

Iwinna 19:25 ပူးပေါင်းရင်းမြစ်များ

Hozia 4:8

Orukhọ ne avbe emwa mwẹ ru ọ re uwa ya họn ẹfe, rhunmwuda ọnii, te uwa ghi ho ne iran kakabọ gha ru orukhọ yọ.

Iwinna 16:19

Ugbẹn vbe iran ni yan rẹn ghi miẹn wẹ, emwi ne iran te ya miẹn igho rrie, iran keghi de obọ mu Pọl kevbe Sailas, iran na silo iran bu avbe eghaẹvbo vbe ihueada ẹvbo hoho.

Iwinna 19:24

Okpia ne ogun ẹrọnmwọ, ne a tie eni ẹnrẹn Demetriọs, kegha ya ẹrọnmwọ dunmwu ivbi owa ne a ya ta owa ne iran bọ ne ẹbọ ne okhuo ọkpa ne a tie eni ẹnrẹn Atemis, iwnna rẹn na keghi gha ya igho la iran ni winnaẹn obọ.

Iwinna 19:26

Wa họẹn, aro uwa tobọ uwa vbe sẹ emwi ne oko na ne iran tie ẹre Pọl ru. Ọ wẹ ẹbọ ne a ya obọ ma i re ẹbọ hiehiere, obọ ẹre da otọ ne ọ ya fi emwa ekhọe werriẹ vbe Ẹfisọs mwa na, kevbe na wa kha wẹ la otọe Esia hia.

II Pita 2:3

Vbe uwu uzuanmwẹ iran, avbe emamwaemwi ohoghe na ghi gha ya okha ne iran tobọ iran ya rre, miẹn uwa emwi. Ọ kpẹre ne Ne ọ bu ohiẹn iran ghi mu egbe ye otọ. Ne ọ ra fuẹn iran uan i vbe vbiẹ hiehiere.

Arhie Maan 18:3

Rhunmwuda, rẹn keghi rhie ayọn ne emwa hia, ọ keghi ye iran dae ighẹ ayọn ne ọ wo vbe egbe ọghe alama oghẹ, kevbe ozuan ọghọe. Avbe ọba otọ agbọn keghi gu ẹe ru emwi alama oghẹ, iwinna ne agbọn winna keghi ya orriarria ọghọe ne ẹ i mwẹ egaga gha hue.”