Iwinna 19:17 - Edo Bible (E Baibol Ẹdo) Version 1996

¹⁷ Ugbẹn vbe avbe Ju kevbe iran ne ẹ i re Ju ni rre Ẹfisọs họn ẹmwẹ na, ohan keghi mu iran ẹsẹse. Eni Nọyaẹnmwa Jesu keghi khian ne a ye ọghẹ na ẹsẹse sẹ ayọ.

Iwinna 19:17 ပူးပေါင်းရင်းမြစ်များ

II Samuẹl 6:9

Ohan e Nọyaẹnmwa kegha mu e Devid, ọ keghi kha wẹẹ, “Ohan gha ye gun mwẹ mu Ẹkpẹti Ile gha khian nian?”

Psalm 64:9

Ohan gha mu iran hia iran ghi gha mu iwinna Osanobua roro iran ghi vbe gha na iyẹn emwi ne ọ ru.

Levitikọs 10:3

Ẹre Mosis na tama Errọn wẹẹ, “Emwi ne Nọyaẹnmwa gha kha ẹghẹ nii ọre ọ na khin vbe ẹghẹ ne ọ na kha wẹẹ, ‘Iran hia nii ga mwẹ, ọ kere ne iran gha da ne uhuanmwẹ mwẹ, I gha rhie uyi mwẹ ma emwa mwẹ.’ ” Sokpan Errọn ma guan ẹmwẹ rhọkpa.

Iyẹn ne ọ Maan Ọghe Luk 1:65

Emwi na keghi wa mu ẹdogbo nii hia ohan, ọ keghi wa titi gba ẹvbo uhunmwu oke Judia hia.

Iyẹn ne ọ Maan Ọghe Luk 7:16

Ohan keghi mu emwa hia, iran keghi rhie uyi ne Osanobua wẹẹ, “Akhasẹ nọkhua zọ ladian vbe uwu ima,” kevbe wẹ, “Osanobua rre do miẹn emwa rẹn fan!”

Iwinna 13:12

Enogie ghi miẹn emwi ne ọ sunu, ọ na yayi, emwi ne a ma ẹre re vbe kpa Nọyaẹnmwa keghi wa yan ẹre unu uan.

Iwinna 18:19

Iran ghi sẹ Ẹfisọs, Pọl keghi sẹ Priskila kevbe Akuila rae vbe evba, ọ kegha rrie Ọgua ediọn, ọ keghi ya gha gu avbe Ju guan.

Iwinna 18:21

Sokpan, ọ ghi ra kpao ọ tama iran wẹ, “A deghẹ Osanobua ho ro, I gha dọlegbe bu uwa rre,” ọ na la okọ kpao vbe Ẹfisọs.

Iwinna 19:1

Ẹghẹ ne Apọlọs na gha rre Kọrinti, e Pọl keghi khian la uwu otọ ẹvbo nii, ọ keghi lae do sẹ Ẹfisọs. Rẹn keghi vbe miẹn erhuanegbe eso vbe evba.

Iwinna 19:16

Ọmwa ne ọ mwẹ orhiọn dan ni keghi dekun iran, ọ na gbele iran, iran keghi ye ugbugbe ladian vbe owa ẹre vbene ọ na ya iran ama, yanghan ukpọn ye iran ẹkun.

Iwinna 19:18

Ni bun vbe uwu emwa ni yayi keghi ladian azagba, iran kegha miẹn emwi ne iran te ru kue, iran keghi vbe gha ta oro ẹre ma emwa.

Iwinna 2:43

Avbe ukọ kegha ru emwi ọyunnuan ni bun, ọna kegha ya ohan gha mu emwa hia.

Iwinna 5:11

Orrirri keghi gbe ku emwa esọsi hia kevbe emwa ọvbehe hia ni họn ẹmwẹ na.

Iwinna 5:13

Vbene emwa hia ta ẹmwẹ iran ne ọ maa sẹ, a ma miẹn orhiọnkpa ne ẹ i rre otu ni, ne ohan gie ẹe ye egbe ba iran.

Iwinna 5:5

Ananaias ghi wa họn ẹmwẹ na, ọ degbe otọ, ọ keghi wu. Ikponi keghi rhọ ku emwa hia ni họn ẹmwẹ na.

Filipai 1:20

Rhunmwuda, emwi ne I mobọ ho kevbe ne I danmwehọ ẹre, ọrọre ne a ghẹ miẹn ighẹ I ma ghi sẹtin winna iwinna mwẹ, sokpan ne a miẹn wẹ vbe ẹghẹ hia, kpataki vbe iwinna na, ne ẹtin gha rre iwu, vbe ne a gha na miẹn wẹ, egbe mwẹ hia ọre I ghi ya rhie uyi gie Kristi, te I rre agbọn ra te I wu.

II Tẹsalonaika 1:12

Vbe nian na ọre eni Nọyaẹnmwa gha na miẹn uyi rhie vbe obọ uwa, wa ghi vbe miẹn rhie vbe obọ irẹn, vbe ekpa ẹsọhẹ Osanobua kevbe Nọyaẹnmwa Jesu Kristi.

II Tẹsalonaika 3:1

Vbe okiekie ehia etẹn mwẹ, wa gha na erhunmwu ne ima, ne ẹmwẹ Nọyaẹnmwa miẹn ehe na sẹtin zẹgiẹ gha vẹ khian, ne ọ vbe gha mwẹ uyi zẹ vbe ne ọ gha ye vbe ehe ne uwa ye.

I Samuẹl 6:20

Rhunmwuda ọnii, ivbi e Bẹt Siemẹs keghi kha wẹẹ, “De emwa ne ọ gha sẹtin mudia vbe odaro e Nọyaẹnmwa, Osanobua nọhuanrẹn na? De ehe ne ima gha mu ẹẹn gha rrie, ne a miẹn ehe na mu ẹẹn hin ehe ne ima ye rre?”