Iwinna 18:6 - Edo Bible (E Baibol Ẹdo) Version 1996

⁶ Ugbẹn vbe iran ghi suẹn gha gbe odan ye ọre owẹ, ne iran na vbe gha ya ukpẹ sakan ẹn, ọ keghi bọnmwẹ ukpọn rẹn ku iran ọ wẹẹ, “A deghẹ wa ghi fuan, uhunmwu uwa ọre uwa gha ya muẹn, I ma rẹn ọkpa I ma rẹn eva vbọ. Ke ẹghẹ na gha rae, I ra bu iran ne ẹ i re Ju.”

Iwinna 18:6 ပူးပေါင်းရင်းမြစ်များ

II Samuẹl 1:16

E Devid keghi tama ovbi Amalẹk nii wẹẹ, “Obọ ruẹ ọ re u ya si emwi ne ọ rruan ruẹn, ẹghẹ ne u na ya unu ruẹn miẹnkue ighẹ u gbe ọba ne Nọyaẹnmwa tobọ ẹre zẹ ne ọ gha re ọba rua, ọ re u na bu ohiẹn uwu gbe egbe uẹ.”

I Ọba 2:33

Ikhi ne a gha rria ye izigha ne a de iran na, uhunmwu e Joab kevbe ivbi ẹre ọ re ọ gha ye ẹdẹdẹmwẹdẹ sokpan ivbi e Devid ni tota ye ẹkete, te Nọyaẹnmwa gha rhie arudinodẹ ne iran ẹdẹdẹmwẹdẹ.”

Nehimaia 5:13

I keghi ban ọza ne I mu gba ẹkun I na bọnmwẹ ọẹn, I na kha wẹẹ, “Vbe nian ọ re Osanobua ra bọnmwẹ uwa ne ẹ i mu eyan ne uwa yanrẹn sẹ. Osanobua gha miẹn uwa owa kevbe emwi ne uwa mwẹ hia, ẹ i vbe sẹ emwiọkpa rae ne uwa.” Emwa hia ni rre evba keghi kha wẹẹ, “Isẹ.” Iran keghi rho e Nọyaẹnmwa. Avbe ọkaolotu keghi vbe ru vbene iran yan rẹn.

Ezikiẹl 18:13

Ọ vbe rhie igho isu ne emwa mọmọ. Rẹn gha diagbọnya ra? Hiehiere, ẹ i diagbọnya. Ọ ru avbe emwi osọnnọ na hia nẹ, rhunmwuda ọnii, te ọ gha wu. Obọ irẹn ọ re a ra vbe lẹ ẹmwẹ uwu irẹn ginna.

Ezikiẹl 33:4

Adeghẹ orhiọnkpa họẹn ighe ọ ma vbe zẹ yọ, ighe eghian rre, iran na gbe ẹe rua, obọ ẹre ọ re uwu ẹre ye.

Ezikiẹl 33:6

Sokpan, adeghẹ abodẹ bẹghe eghian dee, ighe ọ ma vbe kpe orhu tama emwa, avbe eghian gha rre, iran ghi gbele avbe emwa orukhọ nii uan, sokpan, abodẹ nii ọ re I ra ka uwu iran ye ọre urhu.

Levitikọs 20:9

E Nọyaẹnmwa keghi mu avbe emwamwa na ye otọ: “Ọmwaikọmwa ne ọ tie ihẹn ne erha ẹe ra iye ẹe, a ghi gbe ẹe rua, obọ ẹre ọre emwi ne ọ gbe ẹe ke rre.

Matiu 10:14

Deghẹ a miẹn ẹvbo ne ọ ma rhan obọ miẹn uwa ra iran ma rhie ehọ ne uwa ta yi, wa ghi kevba ladian, wa ghi vbe bọnmwẹ ebubẹ ni rre uwa owẹ ye otọ.

Matiu 21:41

Iran wanniẹn wẹẹ, “Te ọ ra gbele emwa dan ni uan, ọ ghi mu ugbo ni ne emwa ọvbehe ni gha viọ emwi ne ọ sẹ irẹn egbe ne ẹn vbe ẹghẹ, vbe iran a rhọ emwiorhọ.”

Matiu 21:43

Jesu keghi gbẹe wanniẹn wẹẹ, “Ne I tama uwa, a gha miẹn uwa Arriọba Osanobua, a ghi rhie ne emwa ọvbehe ni gha sẹtin mọ ọmọ ladian vbe ne ọ kei yi. [

Matiu 22:10

Avbe eguọmwadia keghi la ore, iran na ya koko emwa hia ne iran miẹn ne ọ maa, kevbe ne ẹ i maa, owa irhiọha ni keghi vuọn ne ẹvbo.

Matiu 27:25

Emwa ni hia keghi wa wanniẹn wẹẹ, “Gie emwi dan ne ọ gha rhunmwuda uwu ẹre na sunu gha rre uhunmwu ima kevbe ọghe ivbi ima.”

Matiu 8:11

Ne I tama uwa, emwa nibun gha ke ọlarre owẹn kevbe ọlarrie owẹn rre, iran ghi gu Ebraham, kevbe Aizik kevbe Jekọb tota rri evbare vbe Arriọba ẹrinmwi.

Iyẹn ne ọ Maan Ọghe Luk 22:65

Iran keghi ya ukpẹ sakan ẹn ẹsẹsẹmwẹse.

Iyẹn ne ọ Maan Ọghe Luk 9:5

Deghẹ emwa ma miẹn uwa yi, wa gha ra kpao vbe ẹvbo nii, wa ghi bọnmwẹ ebubẹ ni rre uwa owẹ ye otọ zẹ vbe ama I te kha ne iran.”

Iwinna 13:51

Avbe ukọ keghi bọnmwẹ ekhae ni rre iran owẹ kua ne iran, iran na gha rrie Aikọniọm.

Iwinna 26:11

Ẹghẹ ni bun ọre I ya gha rri iran oya vbe uwu Ọgua ediọn, I na gha hia ne I ruẹ e ne iran siẹn iyayi iran, ohu iran mu mwẹ sẹrriọ wẹ, I na gha mu va ye isi ya gha lọghọ iran vbe odọ.

Iwinna 26:20

I keghi suẹn gha kpe orhu, okaro vbe Damaskọs, vbe iyeke ọnii vbe Jerusalẹm kevbe la otọ Judia hia kevbe ma iran ne ẹ i re Ju wẹ ne iran fi uyinmwẹ werriẹ vbe ọghe orukhọ ne iran ru, ne iran bu Osanobua gha dee ne iran vbe gha ru emwi ne ọ gha rhie ma ighẹ iran gele fiwerriẹ.

Iwinna 28:28

E Pọl keghi rhie tẹe wẹẹ: “Wa ghi rẹn nian wẹ a rhie ẹmwẹ imiẹnfan Osanobua bu iran ne ẹ i re Ju gha khian, iran gha miẹn họn.” [

Ebe ne Pọl gbẹẹn gie emwa Rom 3:29

Ra ne ne Osanobua, Osanobua ọ ghe avbe Ju ọkpa nọ ra? Ẹ i re rẹn ọre ọ vbe re Osanobua avbe iran ne ẹ i re Ju ra? Ẹsẹse, rẹn vbe nọ.

I Timoti 5:22

Ghẹ tua viọ obọ yan ọmwaikọmwa uhunmwu, ye iwinna Nọyaẹnmwa, ghẹ mwẹ obọ vbe orukhọ ẹrrẹe, da egbe ruẹ yi vbe ne a i na mwẹ iruẹn.

II Timoti 2:25

Ọmwa ne ọ ya urhu khuẹrhẹ tama ọmwa ne ọ gu ẹe suan, ehe ne ọ na bae ku. Ughaghe Osanobua gha rhie ẹkpotọ ne iran ya fi uyinmwẹ werriẹ, ne iran vbe do rẹn ẹmwata ne ọ rrọọ.

I Pita 4:14

Ọ ma kaan uwa, adeghẹ a rhovbiẹ uwa rhunmwuda ighẹ wa re eguọmwadia Jesu, rhunmwuda, ọnii rhie maa wẹ, orhiọn uyi nii, ighẹ Orhiọn Osanobua, tuorre yan uwa nẹ.

I Pita 4:4

Wanwanna nian, te ọ ghi yan iran ni ga ẹbọ unu uan ighẹ wa i ghi gu iran mwẹ obọ vbe uyinmwẹ akuọkan kevbe epiankhanrhan nii, iran ghi gha ye ukpẹ sakan uwa.