Iwinna 18:25 - Edo Bible (E Baibol Ẹdo) Version 1996

²⁵ Avbe ma ẹre emwi vbe ekpa Nọyaẹnmwa, ọ keghi wa gha ya egbesasamwẹ kpe orhu, ọ na vbe gha ma emwa emwi ne ọ gbae vbekpa ẹmwata ne ọ rre ẹmwẹ Jesu. Sokpan isamẹ ọghe Jọn ọkpa ọre ọ rẹnrẹn.

Iwinna 18:25 ပူးပေါင်းရင်းမြစ်များ

Gẹnẹsis 18:19

I hannọ ọẹn zẹ nẹ ne ọ miẹn ehe na gha yi iyi ne ivbi ẹre kevbe emọ ne ọ gha la uniẹn ọnrẹn rre, ne iran gha họn ẹmwẹ mẹ, ne iran vbe gha ru emwi ne ọ ọhẹnhẹn. Ẹghẹ nii, I ghi do ru nẹ zẹ vbe ne I ve ẹre re hia.”

Psalm 119:1

Afiangbe ọrọre ọghe iran ne uyinmwẹ ọnrẹn gbae, ni vbe yin zẹ vbene uhi e Nọyaẹnmwa khare.

Psalm 67:2

Ne agbọn hia miẹn ehe na rẹn iho ruẹ ne agbọn na hia miẹn ehe na rẹn imiẹnfan ruẹn.

Aizaia 40:3

Urhu ọkpa datu wẹẹ, “Wa gbẹn odẹ ye otọ khẹ e Nọyaẹnmwa vbe uwu oha! Wa gbẹn odẹ yotọ vbe uwu oha ne Osanobua mwa.

Jerimaia 6:16

E Nọyaẹnmwa tama emwa rẹn wẹẹ, “Wa mudia ye ada ne uwa rhie aro yotọ. Wa nọ ehe ne avbe odẹ nẹdẹ ye kevbe avbe odẹ ni maa sẹẹ nii. Wa gha la ẹe, wa gha vbe gha rre ọfumwegbe.” Sokpan, iran khare wẹẹ, “Ẹn o, ma i ru vberriọ.

Hozia 14:9

Te emwa ne ẹwaẹn gba na gha rẹn otọ ẹmwẹ ne a gbẹnnẹ ye emwana, ọ ghi vbe la iran ekhọe. Odẹ ne ọ kere ọ re odẹ e Nọyaẹnmwa khin, evba nii ọ re emwa ẹmwata vbe la khian vbe ẹdagbọn iran. Sokpan, emwa orukhọ rrua owẹ, iran keghi dele rhunmwuda, iran ma ka ẹe yọ.

Iyẹn ne ọ Maan Ọghe Mak 1:3

Arhunmwu ọkpa gha vannọ vbe uwu ato: ‘Wa zẹ odẹ ye otọ khẹ Nọyaẹnmwa, wa zẹ odẹ ne ọ diae na ẹn la.’ ”

Iyẹn ne ọ Maan Ọghe Mak 12:14

Iran keghi bu ẹre gha dee, iran tama rẹn wẹẹ, “Ọmamwaemwi, ọmwa ne ọ ta ẹmwata ma rẹn ruẹn yi, wẹ i lele ne agbọn khare, rhunmwuda osi ẹrrẹe i siọ, sokpan, ẹmwata ne ọ rre vbene Osanobua mu ẹmwẹ edẹ agbọn emwa yi ọre u ma emwa re. Tama ima, ọ kere vbe ọmwa a ha igho uhunmwu gie Ọgbaisi e Rom ra ọ ma ke? Ne ima ha ẹre ra ne a ghẹ hae?”

Iyẹn ne ọ Maan Ọghe Luk 1:4

Emwi ne ọ ra ya mwẹ ru ẹe ọrọre wẹẹ, I ho ne u rẹn uhunmwu ẹmwẹ ni rre avbe emwi ni hia ne iran na ma ruẹn re nẹ.

Iyẹn ne ọ Maan Ọghe Luk 7:29

Avbe emwa hia kevbe iran ni koko igho uhunmwu keghi danmwehọ ẹre. Iran na ọre ọ ru emwi ẹmwata ne Osanobua khama iran, e Jọn keghi vbe samẹ ne iran.

Iwinna 13:10

ọ wẹẹ, “Wẹ ne ovbi e Esu. Wẹ ne oghian emwi ni maa hia, wẹ ne ẹkẹ vbe iwẹnwẹn gba ẹre obọ, wẹ ne ọ hia ne ọ gha ya ẹmwata Nọyaẹnmwa khian ohoghe vbe ẹghẹ hia!

Iwinna 16:17

Ọ keghi wa lele Pọl kevbe ima, ọ na gha go wẹẹ, “Iran na, eguọmwadia Osanobua ne ọ yo sẹ iran khin, te iran tama uwa vbene uwa gha ya miẹn imiẹnfan hẹẹ!”

Iwinna 18:26

Ọ keghi wa gha ya udinmwẹ guan vbe Ọgua ediọn. Ugbẹn vbe Priskila kevbe Akuila họn ẹmwẹ ọnrẹn, iran keghi rhie ẹre gha rrie owa iran, iran keghi ya dọlegbe rhan otọ ẹmwẹ odẹ Osanobua ma rẹn ẹse.

Iwinna 19:23

Ẹghẹ na zẹẹ, ẹmwẹ nọkhua na sa vbe Ẹfisọs rhunmwuda odẹ Nọyaẹnmwa.

Iwinna 19:3

Rẹn keghi nọ iran wẹ, “Vbe a ya sa amẹ ne uwa hẹ yi khekherriọ?” Iran wanniẹn wẹ, “Isamẹ ọghe Jọn nọ.”

Iwinna 19:9

Sokpan eso vbe uwu iran keghi ze utun vbe ehọ, iran ma yayi, iran kegha filo unu gie Odẹ ọghe Nọyaẹnmwa sirra emwa nii hia. Pọl keghi rhunmwuda ọnii sẹ iran rae, ọna viọ avbe erhuanegbe nii, ọ kegha ma emwa emwi ẹdẹgbegbe vbe owa iruẹmwi ọghe Tiranọs.

Iwinna 9:2

Ọ na ya miẹn ẹre ebe ọghe rẹn ọna khin, ne ọ rhie mwẹ gha rrie Ọgua ediọn avbe Ju ni rre Damaskọs wẹ, rẹn gha miẹn emwa ni lele odẹ ọghe Nọyaẹnmwa vbe odọ, ne ọ sẹtin munọ ehia, ikpia kevbe ikhuo nọ viọ iran gha di e Jerusalẹm.

Ebe ne Pọl gbẹẹn gie emwa Rom 12:11

Wa kakabọ gha winna, wa ghẹ so oroho, wa gha ya ekhọe ne ọ vuọn ne oyọnyọn ga Nọyaẹnmwa.

II Timoti 2:4

Ovbiyokuo ne ọ ye yo igbinna, te ọ gha ho ne ọ ru emwi ne ọ gha yẹ arowa ne ọ gbe aro ghe iran, rhunmwuda ọnii, ẹ i khian gha gbe egbe avbe emwi ne emwa kẹkan ni rre ẹvbo ru.

Jems 5:16

Rhunmwuda ọnii, wa gha miẹn orukhọ uwa kue ma egbe, wa ghi vbe gha na erhunmwu ne egbe. Ne egbe miẹn ehe na rran uwa. Erhunmwu ọmwa ẹmwata wa mwẹ ẹtin ne a ya winna iwinna ẹtin ẹsẹse.

Giọgis 2:22

Odẹ vbe nian ọre I gha ya rẹn a deghẹ ivbi Izrẹl gha rhie uhi mwẹ mwẹ vbene avbe erha iran ru ra ẹn o.”

I Samuẹl 12:23

Zẹ vbe ọghomwẹ, awua ne Osanobua wẹẹ, te imẹ ghi da obọ erhunmwu ne a na ne uwa yi, ne imẹ ya la ekpa ọnii rukhọ ghe ẹre. Ne ọ gha na te gha ye vberriọ, I gha ma uwa emwi ne ọ kere ke ne ọ gbae ne uwa gha ru.