Iwinna 18:22 - Edo Bible (E Baibol Ẹdo) Version 1996

²² Ọ ghi sẹ Sisaria, ọ na gha rrie Jerusalẹm, ọ na ya datuẹ esọsi, ọ na vbe dọlegbe gha die Antiọk,

Iwinna 18:22 ပူးပေါင်းရင်းမြစ်များ

Iwinna 10:1

Okpia ọkpa kegha rre Sisaria, a keghi tie eni ẹnrẹn Kọniliọs. Ọ kegha re ọkaokuo vbe oka ivbiyokuo e Rom ọkpa ne a tie ẹre “Ọka ọghe Itali.”

Iwinna 10:24

Vbe ikpẹdẹ ne ọ lele ẹe rẹn keghi do sẹ Sisaria, ehe ne Kọniliọs na gha mudia khẹ ọre ke ẹe kevbe etiọnrẹn kevbe avbe ọse ni sikẹ ọre, ne irẹn gie ne a tie rre.

Iwinna 11:11

Ẹghẹ nii zẹẹ arhin eha ne a gie ke Sisaria bu mwẹ gha dee keghi sẹ owa ne I dia a.

Iwinna 13:1

Vbe Esọsi ne ọ rre Antiọk, avbe akhasẹ kevbe avbe emamwaemwi kegha rrọọ: Banabas, Simiọn (ne a vbe tie ẹre Usie,) Lusiọs (ne ovbi e Sairin,) Manaen (ne ọ ka gu Hẹrọd ne ọ khaemwisẹ dia yi,) de ba e Sọl.

Iwinna 14:26

Evba nii i ọre iran ghi ke gua okọ gha die Antiọk, ehe ne a na ka rhie iran ne ẹsọhẹ Osanobua gha gbe aro ghe vbe uwu iwinna ne iran ghi do winna fo na.

Iwinna 15:23

Iran keghi rhie ebe na ne iran rhie gha khian: “Avbe ukọ kevbe ediọn, ne etẹn uwa gie otuẹ uwa hia ne etẹn mwa ne iran ne ẹ i re Ju biẹlẹe, ni rre Antiọk kevbe Siria kevbe Silisia.

Iwinna 15:30

Iran ghi gbe okhian ẹwerẹ ne iran nẹ, iran ne a gie ẹre uhunmwu nii kegha rrie Antiọk, iran keghi si avbe emwa ni yayi hia koko, iran na rhie ebe ni ne iran.

Iwinna 15:35

Pọl kevbe Banabas keghi gbe omwa ẹghẹ eso vbe Antiọk. Iran keghi deba emwa ni bun ọvbehe, iran kegha ma emwa emwi, iran na gha kpe orhu ẹmwẹ Nọyaẹnmwa.

Iwinna 15:4

Iran ghi sẹ Jerusalẹm, esọsi kevbe avbe ukọ kevbe avbe ediọn keghi wa ghọghọ mu iran, iran keghi na iyẹn emwi ne Osanobua viọ iran ya winna.

Iwinna 23:23

Ọkaokuo keghi tie eva vbe uwu iran ni rre asẹ vbe ototọ ẹre, ọ tama iran wẹẹ, “Wa viọ ivbiyokuo ye otọ ne iran do gha rrie Sisaria. Deba arhin ekigbesiyenẹ ni hin ẹsin kevbe arhin uri ni fi asoro, wa ghi mu egbe ne uwa si okhian vbe ẹgogo ihinrin vbe asọn nẹ rẹ.

Iwinna 25:1

Ọ ghi rre ikpẹdẹ eha ne Fẹstọs sẹ otọe nii, ọ keghi ke Sisaria gha rrie Jerusalẹm.

Iwinna 25:9

Fẹstọs keghi ho ne avbe Ju gha ghe irẹn ẹse, ọ na rhunmwuda ọnii nọ e Pọl wẹ, “U ghi khianmwu vbe Jerusalẹm khekherriọ ne a ya danmwehọ ẹzọ ne iran gu ẹe gui na vbe odọ.”

Iwinna 8:40

Filip ghi ghe Asdọd rẹn ghi ye, ọ keghi wa la ẹvbo ni rre eni hia gba, ọ na gha kpe orhu Iyẹn Ne ọ maa ọ te ya sẹ Sisaria.