Iwinna 18:21 - Edo Bible (E Baibol Ẹdo) Version 1996

²¹ Sokpan, ọ ghi ra kpao ọ tama iran wẹ, “A deghẹ Osanobua ho ro, I gha dọlegbe bu uwa rre,” ọ na la okọ kpao vbe Ẹfisọs.

Iwinna 18:21 ပူးပေါင်းရင်းမြစ်များ

Matiu 26:39

Rẹn keghi khian sikẹ odaro, ọ keghi wa mu aro rhu otọ ọ keghi na erhunmwu wẹẹ, “Deghẹ ọ gia ru, Erha mwẹ, mu ukpu na hin mwẹ obọ rre, sokpan ẹ i re vbene I mẹ ho, sokpan vbene uwẹ ho.”

Iyẹn ne ọ Maan Ọghe Mak 6:46

Ọ ghi gbe ọ khian vbe a zẹ kpẹe ne avbe erhuanegbe nẹ, rẹn kegha rrie uhunmwu oke ne ọ ya na erhunmwu.

Iyẹn ne ọ Maan Ọghe Luk 9:61

Ọmwa ọvbehe vbe tama rẹn wẹẹ, “I gha lele uẹ Enọwanrẹn, sokpan, gunmwẹ ya gbe ọ khian ẹdẹ hia ne emwa mwẹ.”

Iwinna 15:29

wa ghẹ rri evbare ne a ya ru ẹbọ, wa ghẹ rri esagiẹn, wa ghẹ rri aranmwẹ ne a ye obobọ kuẹn gbua, wa ghi gha bi egbe hin alama oghẹ rre. Wa gha khian ẹse a deghẹ wa da egbe uwa yi ne a ghẹ ru avbe emwi na. Wa ọ khian ẹdẹ hia.”

Iwinna 18:19

Iran ghi sẹ Ẹfisọs, Pọl keghi sẹ Priskila kevbe Akuila rae vbe evba, ọ kegha rrie Ọgua ediọn, ọ keghi ya gha gu avbe Ju guan.

Iwinna 18:20

Iran keghi wẹ ne ọ gbe ẹghẹ ne ọ taẹn vbe ehe ne iran ye, sokpan rẹn ma kue.

Iwinna 18:24

E Ju ọkpa ne a tie eni ẹnrẹn Apọlọs, ne a biẹe vbe Alẹkzandria kegha die Ẹfisọs. Ọmwa ne ẹmwẹ ma ẹre unu nọ, ọ keghi vbe rẹn Ebe ni ẹsẹse.

Iwinna 19:1

Ẹghẹ ne Apọlọs na gha rre Kọrinti, e Pọl keghi khian la uwu otọ ẹvbo nii, ọ keghi lae do sẹ Ẹfisọs. Rẹn keghi vbe miẹn erhuanegbe eso vbe evba.

Iwinna 19:17

Ugbẹn vbe avbe Ju kevbe iran ne ẹ i re Ju ni rre Ẹfisọs họn ẹmwẹ na, ohan keghi mu iran ẹsẹse. Eni Nọyaẹnmwa Jesu keghi khian ne a ye ọghẹ na ẹsẹse sẹ ayọ.

Iwinna 19:21

Emwi na ghi sunu nẹ, Pọl na wẹ rẹn ra khian lele Masidonia kevbe Gris ne ọ vbe la odọ gha rrie Jerusalẹm. Ọ keghi kha wẹ, “I gha sẹ evba nẹ, I gha vbe sẹ e Rom.”

Iwinna 20:16

Pọl keghi te wẹ ne iran gua okọ la odẹ Ẹfisọs ne a ghẹ vbe mu ẹghẹ rhia vbe ikinkin Esia. Rẹn keghi wa tua okhian ne ọ miẹn ehe na rherhe sẹ Jerusalẹm, a deghẹ ọ gia ru vbe ẹdẹ Pẹntikọst zẹẹ.

Iwinna 21:14

Ma ma sẹtin fi ẹre ekhọe werriẹ, ọre ima na ghi kẹtin rre, ma na ghi kha wẹ, “E nọ yẹ Osanobua ọre a gha ru.”

Iwinna 21:29

(Emwi ne ọ ya iran kha vberriọ ọrọre wẹ iran ka miẹn Pọl ke ẹe kevbe Trofimọs ne ovbi e Ẹfisọs vbe ore usin, iran keghi te gha ro ighẹ Pọl rhie ẹre la Ọgua Osa.)

Ebe ne Pọl gbẹẹn gie emwa Rom 1:10

I na erhunmwu ghe Osanobua wẹ, vbe iho ne ọ maa ọghọe, ne ọ mwẹ uhunmwu mẹ ẹghẹ na ighẹ otuẹ ne I ra do tuẹ uwa re.

Ebe ne Pọl gbẹẹn gie emwa Rom 15:32

Erriọ I gha na ye ẹko ọyẹnmwẹ bu uwa gha dee, a deghẹ Osanobua ho, ne ima kugbe bọbọ egbe rọkhọmwẹ ọghe otuẹ na.

I Kọrinti 15:32

A deghẹ, vbene ọ ye nii, ighẹ mẹ gu avbe “aranmwẹ oha,” gbinna vbe Ẹfisọs ba ẹmwẹ emwi agbọn na kẹkan, de ere ne ọ rrọọ mẹ? A deghẹ a i gele huẹn eniwulo nẹ kpao vbe idin, vbene emwa tae khian nii, “Wa gie a gha re ne a gha da, rhunmwuda, akhuẹ ma ra wulo.”

I Kọrinti 16:7

Rhunmwuda, I ma ho ne a miẹn wẹ, te I do van tuẹ uwa vbe I a gha gberra. I ho ne I wa kpẹe vbe ehe ne uwa ye deghẹ Nọyaẹnmwa ho ro.

I Kọrinti 16:8

I ho ne I gha rre Ẹfisọs rhinrin ya sẹ ẹdẹ Pẹntikọst.

I Kọrinti 4:19

Vbene ọ rhirhi gha ye hẹ, a deghẹ Nọyaẹnmwa ho ro, I gha rherhe do miẹn uwa aro ban. Ẹghẹ ni ọre I gha na miẹn emwi ne iran ni tọn egbe mu na gha sẹtin ru, i ghẹ ẹ i re ẹmwẹ ne iran gha sẹtin ta ọre a kha.

II Kọrinti 13:11

Banbanna nian, etẹn mwẹ, wa ọ khian ẹdẹ ọkpa. Wa gha ru ẹe ne ọ gba ne uwa, wa gha rhie ẹmwẹ mwẹ ye ehọ wa gie ẹmwẹ uwa gha gue kugbe, wa gha rrọọ vbe uwu ọfumwegbe. Osanobua aho ẹmwẹ ọmwa kevbe ọfumwegbe gha vbe gu uwa gha rrọọ.

Ẹfisọs 1:1

E Pọl, ọmwa ne ọ re ukọ Osanobua ne ọ winna ne Kristi Jesu vbe ekpa iho Osanobua, ọre ọ gbẹn ebe na gie emwa Osanobua ni rre Ẹfisọs, iran ni mudia ẹse vbe uwu ẹdẹ agbọn iran vbe uwu Kristi Jesu.

Diuteronomi 16:1

“Ye ọghọ ne Nọyaẹnmwa Osanobua rua vbe ekpa ne uwa gha na gha ru emwiukpo Alagberra vbe uki Abib; rhunmwuda asọn ọkpa vbe uwa uki ni ọre a na fan uwa vbe irri ke Igipt ladian.

Hibru 6:3

Gie ima nana sikẹ aro erriọ ma ra ruẹe, a deghẹ Osanobua kue yọ.

Jems 4:15

Rhunmwuda ọnii, emwi ne ọ kere ne uwa gha ta ọre ọ na khin, “A deghẹ Osanobua ho, ma gha rre agbọn, ma ghi ru ọna, a ghi ru ọnii.”

I Pita 3:17

Rhunmwuda, a rri oya ba ẹmwẹ uyinmwẹ esi, a deghẹ Osanobua ho ẹre ye vberriọ, ọre ọ maa sẹ, rhunmwuda ighẹ a ru emwi dan.

Arhie Maan 1:11

Ọ keghi kha wẹ, “Gbẹnnẹ emwi ne u miẹn ye otọ ne u rhie ebe ni gie avbe esọsi ihinrọn na: ni rre Ẹfisọs, Smaina, Pẹgamọm, Tiatira, Sadis, Filadẹlfia kevbe Laodisia.”

Arhie Maan 2:1

“Gbẹn ebe gie odibosa esọsi ne ọ rre Ẹfisọs vbenian wẹ: “Uhunmwu ne ọ gie ọre ọ na khin ighẹ ọmwa ne ọ viọ orhọnmwẹ ihinrọn mwẹ vbe obọ erha ọmwa rẹn, ne ọ khian yo khian rre vbe adesẹ avbe erhan ọmukpa igoru ihinrọn ni.