Iwinna 18:2 - Edo Bible (E Baibol Ẹdo) Version 1996

² Ọ keghi do vba e Ju ọkpa vbe evba, a keghi tie eni ẹnrẹn Akuila, Pọntus ọre a na biẹ ọe, ọ ma he kpẹe ne irẹn vbe Priskila ne amwẹ ọnrẹn gba ke Itali gha dee, rhunmwuda ighẹ Klọdiọs ne Ọgbaisi wẹ ne ivbi e Ju hia kpao vbe Rom rre. Pọl keghi ya tuẹ iran.

Iwinna 18:2 ပူးပေါင်းရင်းမြစ်များ

Iwinna 11:28

Ọkpa vbe uwu iran, ne a tie eni ẹnrẹn Agabus keghi kpaegbe, ọ keghi ya ẹtin Orhiọn ta ẹe ye otọ ighẹ ukhunmwu nọkhua ra do fi la otọ agbọn hia. (Emwi na gele sunu vbe ẹghẹ ne Klọdiọs na gha re Nọgbaisi.)

Iwinna 18:18

Pọl keghi gu avbe etẹn tota vbe ikpẹdẹ ni bun, ọ keghi kpao vbe ehe ne iran ye, ọ keghi viọ Priskila kevbe Akuila ba egbe, iran keghi la okọ gha die Siria. Vbe iran te la okọ kpao vbe Sinkra, ọ keghi ye egbe ye ulamwẹ, ọ na khiokhio eto mu otọ.

Iwinna 18:26

Ọ keghi wa gha ya udinmwẹ guan vbe Ọgua ediọn. Ugbẹn vbe Priskila kevbe Akuila họn ẹmwẹ ọnrẹn, iran keghi rhie ẹre gha rrie owa iran, iran keghi ya dọlegbe rhan otọ ẹmwẹ odẹ Osanobua ma rẹn ẹse.

Iwinna 2:9

Ma ni ke Patia rre kevbe Midia, Ẹlam, Mẹsopotamia, Judia, Kapadosia, Pọntus, Esia,

Iwinna 27:1

Ugbẹn vbe a ghi tae nẹ ne ima la okọ gha rrie Itali, iran keghi rhie Pọl deba avbe oleghan eso ne Juliọs ne ovbiyokuo e Rom ọkpa ne ọ rre asẹ vbe oka ọkpa ne a tie ẹre “Ọka e Nọgbaisi.”

Iwinna 27:6

Evba ọre ne ọ rre asẹ na miẹn okọ ne ọ khian gua gha rrie Itali, ọ na rhunmwuda ọnii viọ ima la rọ.

I Kọrinti 16:19

Avbe esọsi ni rre Esia wẹ uwa do, Akuila kevbe Priskila deba esọsi ne ọ ru ugamwẹ vbe owa iran, kakabọ gie otuẹ uwa ọghe Ne ọ yayi.

II Timoti 4:19

We Priska kevbe Akuila do, ke ẹe kevbe Onisimọs.

Hibru 13:24

Wa gie otuẹ avbe ọkaolotu uwa kevbe emwa Osanobua hia. Etẹn mwa ni ke Itali rre we uwa do.

I Pita 1:1

E Pita ne ukọ Jesu Kristi ọre ọ gbẹn ebe na gie emwa ne Osanobua hannọ zẹ ni ragha zẹ vbe emwa ne ọlọghọmwa ya lẹ hin owa rre, gba ikinkin ọghe Pọntus, Galatia, Kapadonia, Esia kevbe Bitinia.