Iwinna 18:18 - Edo Bible (E Baibol Ẹdo) Version 1996

¹⁸ Pọl keghi gu avbe etẹn tota vbe ikpẹdẹ ni bun, ọ keghi kpao vbe ehe ne iran ye, ọ keghi viọ Priskila kevbe Akuila ba egbe, iran keghi la okọ gha die Siria. Vbe iran te la okọ kpao vbe Sinkra, ọ keghi ye egbe ye ulamwẹ, ọ na khiokhio eto mu otọ.

Iwinna 18:18 ပူးပေါင်းရင်းမြစ်များ

Nọmbas 6:18

Agbihiagha nii ghi khiokhio eto ẹre vbe onurho Owa Ukpọn Ile, ọ ghi ya hẹ ọre ku erhẹn ne a na giẹn emwi ne a ya si isara.

Nọmbas 6:2

ne ọ rhie igiodẹ na ma ivbi Izrẹl, “Ọ re okpia ra okhuo nọ ne ọ ru eyan ighẹ rẹn khian gha re agbihiagha, ọ na vbe ye egbe ẹre fi ohan ne Nọyaẹnmwa,

Matiu 4:24

Ẹmwẹ ọnrẹn keghi wa titi gba otọ Siria hia sẹrriọ wẹ iran kegha viọ emwa nikhuọnmwi kevbe ne emwikemwi ghi ru bu ẹre rre, iran ni mwẹ orhiọn esu, iran ni de, iran ne arọ kinmwi, Jesu keghi mu ehia egbe rran.

Iyẹn ne ọ Maan Ọghe Mak 6:46

Ọ ghi gbe ọ khian vbe a zẹ kpẹe ne avbe erhuanegbe nẹ, rẹn kegha rrie uhunmwu oke ne ọ ya na erhunmwu.

Iwinna 1:15

Vbe iyeke ikpẹdẹ eso, iran ni yayi keghi si koko ye ehe ọkpa, ehia keghi gha re iyehan (120), Pita keghi kpaegbe, ọ na gha guan, ọ wẹẹ,

Iwinna 15:23

Iran keghi rhie ebe na ne iran rhie gha khian: “Avbe ukọ kevbe ediọn, ne etẹn uwa gie otuẹ uwa hia ne etẹn mwa ne iran ne ẹ i re Ju biẹlẹe, ni rre Antiọk kevbe Siria kevbe Silisia.

Iwinna 15:41

Rẹn keghi la Siria kevbe Silisia, ọ na gha rhie igiẹdu ne avbe esọsi.

Iwinna 18:2

Ọ keghi do vba e Ju ọkpa vbe evba, a keghi tie eni ẹnrẹn Akuila, Pọntus ọre a na biẹ ọe, ọ ma he kpẹe ne irẹn vbe Priskila ne amwẹ ọnrẹn gba ke Itali gha dee, rhunmwuda ighẹ Klọdiọs ne Ọgbaisi wẹ ne ivbi e Ju hia kpao vbe Rom rre. Pọl keghi ya tuẹ iran.

Iwinna 18:26

Ọ keghi wa gha ya udinmwẹ guan vbe Ọgua ediọn. Ugbẹn vbe Priskila kevbe Akuila họn ẹmwẹ ọnrẹn, iran keghi rhie ẹre gha rrie owa iran, iran keghi ya dọlegbe rhan otọ ẹmwẹ odẹ Osanobua ma rẹn ẹse.

Iwinna 18:27

Apọlọs keghi wẹ rẹn rrie Gris, rhunmwuda ọnii, emwa niyayi ni rre Ẹfisọs keghi ye ọre obọ vbekpa ne iran na gbẹn ebe gie etẹn iran ni rre Gris wẹ ne iran miẹn rẹn yi vbe odọ ni. Ugbẹn vbe irẹn ghi rre, ọ kegha re emwi iyobọ nọkhua ne iran hia ni la ekpa ẹsọhẹ Osanobua khian eniyayi.

Iwinna 21:23

Emwi ne ima ra tama ruẹn u ghi ruẹe o, Ikpia enẹ rre emwa na ni ye egbe ye ulamwẹ.

Iwinna 21:24

Lele iran gha khian, ne u ya deba iran yo ulamwẹ akpehuan, ne u ha osa emwi ne iran lo ro, ẹghẹ nii, iran gha sẹtin gbẹn eto mu otọ. A gha ruẹe vberriọ, emwa hia ghi do rẹn wẹ ẹmwata i zẹdẹ rre ẹmwẹ ne iran họẹn vbe ekpa ruẹ, sokpan wẹ te uwẹ tobọ ruẹ wa ye ẹmwẹ Uhi Mosis ru emwi.

Iwinna 21:3

Ma keghi do sẹ ehe ne ima ke gha bẹghe Saiprọs, ma keghi gua okọ ghe efẹn ne ogienẹ vbọ ghe Siria. Ma keghi tuorre vbe Taia, ehe ne okọ na gha fannọ ihẹ ye otọ.

Ebe ne Pọl gbẹẹn gie emwa Rom 16:1

I ta ẹmwẹ ne ọ maa ọghe Fobe ọtẹn mwa nokhuo ma uwa, ọmwa ne ọ winna ne esọsi ne ọ rre Senkrea.

I Kọrinti 9:20

I gha miẹn avbe Ju, I ghi gha ru vbe Ju, ne I miẹn ehe na silo iran ba egbe. A gha rhie miẹn wẹ mẹ i rre ototọ Uhi e Mosis. I gha miẹn iran ni rrọọ, I ghi gha ru vbe ne a miẹn wẹ, ototọ ẹre mẹ ye, ne I miẹn ehe na silo iran ba egbe.

Galatia 1:21

Vbe iyeke ọnii, I keghi ya khian sẹ ihe eso vbe Siria kevbe Silisia.