Iwinna 18:12 - Edo Bible (E Baibol Ẹdo) Version 1996

¹² A ghi ma Galio ne ọ khaemwisẹ ne ovbi e Rom yan Gris nẹ, avbe Ju keghi si uma, iran keghi mu Pọl, iran na si ẹe gha rrie iko.

Iwinna 18:12 ပူးပေါင်းရင်းမြစ်များ

Matiu 27:19

Pailet ghi tota ye ugha ne ọ na bu ohiẹn, amwẹ ọnrẹn gie uhunmwu giẹ wẹẹ, “Ghẹ mwẹ obọ vbe egbe ọmwa ne ọ ma rukhọ nii, rhunmwuda, I rrioya emwi ni bun vbe imina vbe ekpa ẹre ne asọn.”

Iyẹn ne ọ Maan Ọghe Jọn 19:13

Pailet ghi họn ẹmwẹ na, ọ rhie Jesu ladian, ọ keghi tota ye, ẹkete ibuohiẹn ne ọ rre ehe ne a tie ẹre “Ibare Okuta,” (ne avbe Hibru tie ẹre Gabata.)

Iwinna 13:12

Enogie ghi miẹn emwi ne ọ sunu, ọ na yayi, emwi ne a ma ẹre re vbe kpa Nọyaẹnmwa keghi wa yan ẹre unu uan.

Iwinna 13:50

Sokpan avbe Ju keghi kpikpi avbe ikpia ne a rẹn vbe ẹvbo, ni rre ẹvbo nii, kevbe avbe ikhuo ni hin ukhuaẹn ne ẹ i re Ju, ni ga Osanobua. Iran keghi hẹ ẹmwẹ da Pọl kevbe Banabas, iran na khulo iran hin iwewe ni rre.

Iwinna 13:7

Rẹn keghi re ọse Enogie ne ọ rre ẹvbo ne amẹ lẹga ni, a keghi tie eni ẹnrẹn Segiọs Pọlọs, ọmwa ne ọ wan ẹsẹse nọ. Enogie nii keghi gie ne a tie Banabas kevbe Sọl rhunmwuda, ọho ne ọ họn ẹmwẹ Osanobua.

Iwinna 13:8

Sokpan, Elimas ne ọbo edunna na (erriọ a tie ẹre vbe Grik) keghi gha gbe odan ye iran ẹmwẹ, ọ keghi ho ne ọ rhie ekhọe Enogie hin iyayi ni rre.

Iwinna 14:19

Avbe Ju eso keghi ke Antiọk ne ọ rre otọ Pisidia kevbe Aikọniọm gha dee, iran ruẹn ẹmwẹ ye emwa nii ẹko ya viọ iran ba egbe, iran keghi filo okuta gbe Pọl, iran na hiọrọ ẹe fua hin adesẹ ore ẹvbo rre, iran te ro ighẹ ọ wu nẹ.

Iwinna 14:2

Sokpan avbe Ju ni ma yayi keghi bọ iran ne ẹ i re Ju yọ, iran keghi fi iran ekhọe werriẹ mu aro da iran ne etẹn.

Iwinna 17:13

Sokpan ugbẹn vbe avbe Ju ni rre Tẹsalonaika ghi họn ighẹ Pọl vbe kpe orhu ẹmwẹ Osanobua vbe Bẹrea, iran keghi vbe do bọọ emwa nii ye ẹmwẹ ne a ru.

Iwinna 17:5

Sokpan avbe Ju keghi suẹn gha gbe ọvo iran. Iran ye obọ khan avbe ahẹghogho ne ẹwobi vbe adesẹ ore, iran keghi suẹn otu ẹrhia. Iran keghi si okokoko ye ore ẹvbo hia, iran na mu igbinna gha rrie owa Jasin, iran te ho ne iran miẹn Pọl kevbe Sailas ne iran viọ iran ladian bu avbe emwa gha dee.

Iwinna 18:11

Rhunmwuda ọnii, Pọl keghi gbe ukpo ọkpa vbe ukhiọnmwẹ vbe evba, ọ kegha ma emwa ẹmwẹ Osanobua.

Iwinna 18:27

Apọlọs keghi wẹ rẹn rrie Gris, rhunmwuda ọnii, emwa niyayi ni rre Ẹfisọs keghi ye ọre obọ vbekpa ne iran na gbẹn ebe gie etẹn iran ni rre Gris wẹ ne iran miẹn rẹn yi vbe odọ ni. Ugbẹn vbe irẹn ghi rre, ọ kegha re emwi iyobọ nọkhua ne iran hia ni la ekpa ẹsọhẹ Osanobua khian eniyayi.

Iwinna 19:21

Emwi na ghi sunu nẹ, Pọl na wẹ rẹn ra khian lele Masidonia kevbe Gris ne ọ vbe la odọ gha rrie Jerusalẹm. Ọ keghi kha wẹ, “I gha sẹ evba nẹ, I gha vbe sẹ e Rom.”

Iwinna 25:10

E Pọl keghi kha wẹẹ, “Odaro iko ne a na bu ohiẹn ọghe Nọgbaisi tobọ ẹre ọre I mudia yi na, ehe ne ọ kere ne a na gui ẹzọ mwẹ. I ma mwẹ emwi ne I ru avbe Ju re, zẹ vbe ne uwẹ tobọ ruẹ rẹnrẹn ẹsẹse.

Ebe ne Pọl gbẹẹn gie emwa Rom 15:26

Rhunmwuda, avbe esọsi ni rre Masidonia kevbe Gris ya ẹkoata zẹ emwi obọ ne iran ya ye ivbi ogue ni rre uwu emwa Osanobua ni rre Jerusalẹm obọ.

Ebe ne Pọl gbẹẹn gie emwa Rom 16:5

Wa vbe guotuẹ esọsi ne ọ do gha miẹn egbe vbe owa iran. Wa we Epaonetọs ne ọse mwẹ ne ọ ghan do, rẹn ọre ọmwa ne ọ ka gha ye Kristi yi vbe otọ Esia hia.

I Kọrinti 16:15

Wa rẹn Stefanas kevbe ẹgbẹe ọre, iran ọre emwa ni ka gha yayi vbe Gris, iran keghi wa mu egbe ye ẹmwẹ ne a gha ga emwa Osanobua. Wa lahọ etẹn mwẹ,

II Kọrinti 1:1

E Pọl ne ukọ vbene Osanobua ho ẹre yi, kevbe ọtẹn mwa ighẹ Timoti, ọre ọ gbẹn ebe na, gie esọsi Osanobua ne ọ rre Kọrinti kevbe emwa Osanobua hia ni rre Gris.

II Kọrinti 11:10

Vbe ekpa ẹmwata Kristi ne ọ rre uwu imẹ, I ta ẹe wẹ orhiọnkpa nẹ ọ gha gbe eta orhuọ na yọmwẹ unu, ẹ i rre otọe Gris, vbe ehe ne ọ sẹe kevbe ehe ne ọ rhanmwẹ.

II Kọrinti 11:26

Vbe okhian ni bun ni yo, I rhie uhunmwu mwẹ atataobọ vbe ẹzẹ ne ọ rro kevbe vbe obọ avbe izigan, vbe obọ avbe Ju ne iho mwa, kevbe avbe iran ne ẹ i re Ju, I rhie uhunmwu da ẹbe vbe adesẹ ore ẹvbo, ẹbe vbe otọe oha, ẹbe vbe ẹzẹ, ẹbe vbe obọ avbe ọse ne akọn giẹ.

II Kọrinti 9:2

Mẹ rẹnrẹn wẹ wa ho ne uwa ru iyobọ, I vbe ye uwa rhuọ ma esọsi ne ọ rre Masidonia nẹ, I na tama iran, “Ne ukpo gha dee ọre etẹn mwa ni rre Gris ghi mu egbe ne iran ya ru iyobọ.” Isasegbe uwa keghi rhie isasegbe ne ni bun vbe uwu iran.

I Tẹsalonaika 2:14

Etẹn mwẹ, emwi ne ọ vbe sunu vbe egbe esọsi Osanobua ni rre Judia, ọre ọ vbe sunu vbe egbe uwa, zẹ vbe iran ni re emwa Kristi Jesu ni rre ẹvbo nii. Ukpokpo ne emwa ẹvbo uwa vbe hẹ lele uwa, ọre emwa e Ju vbe hẹ lele iran.

I Tẹsalonaika 2:16

Iran te ra da ima obọ yi wẹ ne ima ghẹ kpe orhu ẹre ma emwa ne ẹ i re Ju, ighẹ ẹmwẹ nii ne ọ gha rhie imiẹnfan gie iran. Evba ehia ghi na do yi uhunmwu ighẹ orukhọ ne iran ru ke ẹghẹ ni gha dee. Obọ izohu Osanobua he ghi do vba iran.

Jems 2:6

Sokpan, wa i ya ọghọ ne ivbiogue! De emwa ni zẹ uwa owẹ yi, ni vbe silo uwa gie enibuohiẹn? Ẹ i re iran ni fee nọ.