Iwinna 17:7 - Edo Bible (E Baibol Ẹdo) Version 1996

⁷ Jasin keghi vbe viọ iran ye owa ẹre, vbe uwu iran hia, ọkpa ne ọ ya ẹmwẹ Nọgbaisi ru emwi ẹ i rrọọ, iran wẹ ọba ọvbehe vbe rrọọ, ne iran tie ẹre Jesu.”

Iwinna 17:7 ပူးပေါင်းရင်းမြစ်များ

Daniẹl 3:12

Ivbi e Ju eso rrọọ ne uwẹ viọ yọ ne ọ gha gbearoghe avbe otọe eso vbe Babilọn, iran na ọrọre Siedrak, Mesiak kevbe Abẹdnigo, iran na i zẹdẹ zẹ ye ẹmwẹ ne uwẹ ne ọba tae. Iran i gho avbe ẹbọ ruẹ amawẹ te iran ghi ra ya uhunmwu rhanmwẹ otọ ne amazẹ ne uwẹ maẹn.”

Daniẹl 6:13

Iran keghi wanniẹn tama ọba wẹẹ. “E Daniẹl ne ọkpa vbe avbe ivbi e Juda ni rre iwe, i zẹdẹ da ne uwẹ, Umogun ra ne ọ vbe gha ya iyi ne uwẹ yi ru emwi. Ẹ i gbe erhunmwu ne a na igba eha vbe ẹdẹ re.”

Iyẹn ne ọ Maan Ọghe Luk 10:38

Ugbẹn vbe Jesu vbe erhuanegbe ẹre ghi rre okhian, iran keghi do sẹ igue ọkpa, okhuo ọkpa ne a tie ẹre Mata keghi miẹn iran yi vbe owa ẹre.

Iyẹn ne ọ Maan Ọghe Luk 23:2

Iran keghi ba ẹre ifi ẹzọ wẹ, “Ma mu okpia na vbe uwu ehe ne ọ na ruẹn ẹmwẹ ye emwa ima ẹko, ọ wẹ ne iran ghẹ ghi ha igho uhunmwu gie Nọgbaisi, ọ wẹ rẹn tobọ irẹn ọrọre Kristi ne Ọba.”

Iyẹn ne ọ Maan Ọghe Jọn 19:12

Ugbẹn vbe Pailet họn ẹmwẹ na, ọ keghi dọlegbe rhiegba yọ wẹ ne irẹn fan ẹn fua. Sokpan avbe Ju dọlegbe van mu ẹn wẹẹ, “U gha fan oko na fua, ọnii rhie maa ighe u i re ọse Ọgbaisi. Ọmwaikọmwa ne ọ ma egbe ẹre ọba, ẹ i re ọse Ọgbaisi!”

Iwinna 16:21

Iran do gha ma emwa uyinmwẹ ne ọ ma gua uhi ima ro, ivbi Rom ma khin, ma i sẹtin lele uyinmwẹ na.”

Iwinna 17:5

Sokpan avbe Ju keghi suẹn gha gbe ọvo iran. Iran ye obọ khan avbe ahẹghogho ne ẹwobi vbe adesẹ ore, iran keghi suẹn otu ẹrhia. Iran keghi si okokoko ye ore ẹvbo hia, iran na mu igbinna gha rrie owa Jasin, iran te ho ne iran miẹn Pọl kevbe Sailas ne iran viọ iran ladian bu avbe emwa gha dee.

Iwinna 17:8

Iran keghi ya ẹmwẹ na gie avbe emwa ni gbe ẹbu ye evba kevbe iran ni khaemwisẹ gha go ẹsẹse.

Jems 2:25

Erriọ ọghe Rehab ne ebabotu vbe gha ye. Emwi ne ọ ru ọre a ya ka ẹe ye ne ọ mudia ẹse vbe odaro Osanobua, ne ọ na miẹn iran yi ighẹ emwa ne avbe Ju giẹre uhunmwu, ne ọ na ma iran odẹ ọvbehe la gha rrie.

I Pita 2:15

Rhunmwuda, vbene Osanobua ho ẹre yi ọna khin: Ọ ho ne uwa ya uyinmwẹ esi uwa gbe ọta ye iran unu, ighẹ iran ni kọẹn ni guan ẹmwẹ ogboi.