Iwinna 17:5 - Edo Bible (E Baibol Ẹdo) Version 1996

⁵ Sokpan avbe Ju keghi suẹn gha gbe ọvo iran. Iran ye obọ khan avbe ahẹghogho ne ẹwobi vbe adesẹ ore, iran keghi suẹn otu ẹrhia. Iran keghi si okokoko ye ore ẹvbo hia, iran na mu igbinna gha rrie owa Jasin, iran te ho ne iran miẹn Pọl kevbe Sailas ne iran viọ iran ladian bu avbe emwa gha dee.

Iwinna 17:5 ပူးပေါင်းရင်းမြစ်များ

Psalm 35:15

Sokpan, mẹ ghi rre uwu ọlọghọmwa nian, iran kegha ghọghọ, iran kegha gbe ẹbu ya mwẹ gbogiẹ. Avbe orhunmwuyẹn gbe mwẹ iran kegha liki mwẹ.

Psalm 69:12

Ẹmwẹ mwẹ iran ta khian vbe odẹ, mẹ ọ re avbe ọdayọn ghi ya so ihuan.

Itan 14:30

Ekhọe ne ọfumwegbe ye, te ọ ye egbe rran ọmwa; sokpan te igbọvo yevbe ẹtẹ ne ẹ i mwẹ ukhunmwu.

Aizaia 26:11

Avbe eghian ruẹn ma rẹn, ighe u gha rri iran oya Nọyaẹnmwa, ye ekhue mu iran, ne u gie iran rri oya. Gie iran rri oya ne u mwamwa yotọ khẹ iran rhie ma iran vbene u kakabọ ho ẹmwẹ emwa ruẹn hẹ.

Matiu 27:18

Rẹn wa rẹn ighe ikhuiwu ọre iran ya si Jesu gie irẹn.

Iwinna 13:45

Ugbẹn vbe avbe Ju ghi miẹn ubunmwẹ ẹvbo, igbọvo keghi vuọn iran ekhọe, iran kegha gbe odan ye ẹmwẹ ne Pọl ta, iran na gha ya ukpẹ sakan ẹn.

Iwinna 14:19

Avbe Ju eso keghi ke Antiọk ne ọ rre otọ Pisidia kevbe Aikọniọm gha dee, iran ruẹn ẹmwẹ ye emwa nii ẹko ya viọ iran ba egbe, iran keghi filo okuta gbe Pọl, iran na hiọrọ ẹe fua hin adesẹ ore ẹvbo rre, iran te ro ighẹ ọ wu nẹ.

Iwinna 14:2

Sokpan avbe Ju ni ma yayi keghi bọ iran ne ẹ i re Ju yọ, iran keghi fi iran ekhọe werriẹ mu aro da iran ne etẹn.

Iwinna 17:13

Sokpan ugbẹn vbe avbe Ju ni rre Tẹsalonaika ghi họn ighẹ Pọl vbe kpe orhu ẹmwẹ Osanobua vbe Bẹrea, iran keghi vbe do bọọ emwa nii ye ẹmwẹ ne a ru.

Iwinna 17:6

Ugbẹn vbe iran ma miẹn iran, iran keghi si Jasin deba eso vbe uwu avbe etẹn bu iran ni khaemwisẹ gha khian, iran keghi wa gha goo wẹẹ, “Iran na si otighi gba ehe hia, iran vbe gha die ẹvbo ima nian,

Iwinna 17:7

Jasin keghi vbe viọ iran ye owa ẹre, vbe uwu iran hia, ọkpa ne ọ ya ẹmwẹ Nọgbaisi ru emwi ẹ i rrọọ, iran wẹ ọba ọvbehe vbe rrọọ, ne iran tie ẹre Jesu.”

Iwinna 17:9

Iran ni khaemwisẹ keghi miẹn Jasin kevbe iran nekpa hia igho ne iran gha ya fan iran fua, iran keghi gie iran gha rrie.

Iwinna 18:12

A ghi ma Galio ne ọ khaemwisẹ ne ovbi e Rom yan Gris nẹ, avbe Ju keghi si uma, iran keghi mu Pọl, iran na si ẹe gha rrie iko.

Iwinna 19:40

Rhunmwuda a sẹtin gu ima gui wẹ ma gbe olighi ye ẹvbo rhunmwuda emwi ne ọ sunu ẹrẹna. Emwi ne a gha miẹn ta ighẹ ọre ọ si otighi na, ẹ i rrọọ, ma i miẹn ẹmwẹ agbọn ta ya rhan otọ ẹre.”

Iwinna 7:9

“Avbe erha mwa odede kegha mu ohu Josẹf, iran keghi khiẹn ọre ọviẹn fua gha rrie otọ Igipt. Sokpan Osanobua keghi ya ba ẹre.

Ebe ne Pọl gbẹẹn gie emwa Rom 16:21

Timoti ne ima gba winna, wẹ uwa do, kevbe Lusiọs, kevbe Sosipata, avbe Ju ne iho mwa.

I Kọrinti 3:3

Rhunmwuda emwi agbọn na he wa ye gu uwa obọ ro. Ugbẹn vbe a miẹn wẹ, wa ye gbe ọvo egbe, wa gu egbe gui, ẹ i re te ọnii rhie maa ighẹ emwa kẹkan ọ ghe agbọn na ọre uwa he ye khin, wa keghi wa yin zẹ vbene iran guẹe.

II Kọrinti 11:26

Vbe okhian ni bun ni yo, I rhie uhunmwu mwẹ atataobọ vbe ẹzẹ ne ọ rro kevbe vbe obọ avbe izigan, vbe obọ avbe Ju ne iho mwa, kevbe avbe iran ne ẹ i re Ju, I rhie uhunmwu da ẹbe vbe adesẹ ore ẹvbo, ẹbe vbe otọe oha, ẹbe vbe ẹzẹ, ẹbe vbe obọ avbe ọse ne akọn giẹ.

Galatia 5:21

Iran ghi gha gbe ọvo egbe, iran ghi gha da ayọn gbe egbe, iran ghi gha gbe izabọbọ ẹwia kevbe avbe emwi ni khọ vberriọ. I vbe gie uwa rẹn nian, zẹ vbene I ka vbe ta ẹe yi wẹ, iran ni ru avbe emwi na, iran i sẹtin rhan obọ miẹn Arriọba Osanobua.

Galatia 5:26

Ọ ma kei ne ima gha tọn egbe mu ra ne a gha ho egbe ẹmwẹ ra ne oya egbe gha da egbe.

I Tẹsalonaika 1:6

Wa keghi gha ghe ima kevbe Nọyaẹnmwa ru emwi, egbe ne a rhe ya miẹn ighẹ wa rri oya sẹ vberriọ, wa keghi ya oghọghọ ne ọ ke obọ Orhiọn Ne Ọ Huanrẹn rre miẹn rẹn.

Jems 4:5

Ghẹ gha ro ighẹ, ẹ i mwẹ otọ emwi ne a ya ẹe kha ighẹ ne ebe ne kha wẹẹ, “Orhiọn ne Osanobua rhie ye uwu ima, orriarria ọbanabe ọre ọ vuọn rẹn.”

Giọgis 9:4

Iran keghi viọ igho esiliva ekigbesiyenẹ vbe aro Bal-ọghe-lle, iran na viọ ne ẹẹn, ọ na ya ye igho na viọ avbe emwa ni kuogboi ye ẹvbo eso ba egbe ne iran lele irẹn gha khian.