Iwinna 17:4 - Edo Bible (E Baibol Ẹdo) Version 1996

⁴ A keghi fi eso vbe uwu iran werriẹ, iran keghi deba Pọl kevbe Sailas, erriọ ọre ni bun vbe uwu iran ne Grik ni ga Osanobua vbe ru, kevbe eso vbe uwu avbe ikhuo nihiunsi.

Iwinna 17:4 ပူးပေါင်းရင်းမြစ်များ

Itan 13:20

Gha gu umẹwaẹn mu obọ, wẹ gha vbe do khian umẹwaẹn. Adeghẹ u gu avbe akpa gha ru ọse, ọnii ọ re ọwuẹ fo.

Itan 9:6

Ladian vbe uwu ẹbu emwa ni ma rẹn ne a ye, ne u gha rre agbọn. Wẹ lele odẹ irẹnmwi.”

Ihuan Ne Ọ Sọọ Ihuan Hia 6:1

Olose ne ọ sẹre vbe uwu avbe ikhuo hia vbe enida ruẹ ghi la? Tama ima odẹ ne ọ lae nẹ ima miẹn ehe na guẹ gualọ ẹe.

Zẹkaraia 2:11

Ọ gha sẹ ẹghẹ nii, uhunmwu ẹvbo nibun gha bu e Nọyaẹnmwa rre iran ghi khian emwa rẹn. Rẹn gha yin ehe ne uwa ye, wa gha vbe rẹn wẹ rẹn ọ re ọ gie mwẹ bu uwa gha dee.

Iyẹn ne ọ Maan Ọghe Jọn 7:35

Avbe Ju kegha gu egbe guan wẹẹ, “De ehe ne ọ khian gha rrie ne ima i ra na miẹn ọẹn yi? Te ọ khian bu avbe Ju ni rre ẹvbo avbe Grik ra ne ọ ya gha ma iran ne Grik emwi?

Iwinna 13:43

Avbe emwa ghi kpao vbe iko nii rre nẹ, avbe Ju ni bun kevbe emwa ne ẹ i re Ju ni dẹ egbe la e Ju, keghi lele Pọl vbe Banabas. Avbe ukọ keghi bu iran ude, khama irn wẹ ne iran gha rrọọ vbe uwu ẹsọhẹ Osanobua vbe uyinmwẹ ẹdẹ agbọn iran.

Iwinna 13:50

Sokpan avbe Ju keghi kpikpi avbe ikpia ne a rẹn vbe ẹvbo, ni rre ẹvbo nii, kevbe avbe ikhuo ni hin ukhuaẹn ne ẹ i re Ju, ni ga Osanobua. Iran keghi hẹ ẹmwẹ da Pọl kevbe Banabas, iran na khulo iran hin iwewe ni rre.

Iwinna 14:1

Erriọ ọre ọ vbe gha ye vbe Aikọniọm, Pọl kevbe Banabas kegha rrie Ọgua ediọn avbe Ju, iran keghi guan ẹsẹse, sẹrriọ ne avbe Ju ni bun kevbe iran ne ẹ i re Ju na wa yayi.

Iwinna 14:4

Emwa ẹvbo ni keghi wannọ egbe ye ihe eva, eso kegha rre obọ ọghe avbe Ju, eso vbọ, obọ ọghe avbe ukọ.

Iwinna 15:22

Ẹghẹ nii ọre avbe Apọsol kevbe avbe ediọn deba esọsi hia na ghi ta ẹe wẹ ne iran zẹ emwa eso vbe uwu iran ne iran gie iran lele Pọl kevbe Banabas gha rrie Antiọk. Iran keghi zẹ Judas ne a tie ẹre Banabas kevbe Sailas, emwa ne a ye ọghọ na vbe uwu ẹbu avbe etẹn.

Iwinna 15:27

Rhunmwuda ọnii, ọre ima na gie Judas kevbe Sailas, iran gha vbe ye unu ta nene ẹmwẹ ne ima vbe gbẹn ye ebe ma uwa.

Iwinna 15:32

Judas kevbe Sailas, emwa ni vbe re akhasẹ, keghi rhie ẹghẹ ne ọ taẹn ya gu avbe emwa nii guan, iran keghi rhie udinmwẹ kevbe iwegbe ne iran.

Iwinna 15:40

Pọl keghi zẹ Sailas, ọ na kpao, avbe etẹn keghi rhie ẹre yan ẹsọhẹ Osanobua obọ ne ọ gha gbe aro ghe ẹre.

Iwinna 16:3

Pọl keghi ho ne ọ rhie Timoti ba egbe gha khian, rhunmwuda ọnii, ọ keghi rhuẹ ọre. Emwi ne ọ ya ẹe ru emwi na ọrọre wẹ emwa hia ni rre ẹvbo ni rẹnrẹn wẹ Grik ọre erha Timoti khin.

Iwinna 17:10

Vbe ọwarọkpa nii vbe ẹdẹ ghi wa mu, iran ne etẹn keghi viọ Pọl kevbe Sailas gha rrie Bẹrea. Iran ghi sẹ evba, iran na wa gha rrie Ọgua ediọn avbe Ju.

Iwinna 17:12

Ni bun vbe uwu iran keghi yayi. Ikhuo ni bun ni hin usi vbe uwu avbe Grik, kevbe ikpia Grik ni bun kevbe yayi.

Iwinna 17:14

Vbe ọwarọkpa nii, avbe etẹn keghi wa rhie Pọl gha rrie eghute, sokpan Sailas kevbe Timoti keghi ye gha rre Bẹrea.

Iwinna 17:17

Rhunmwuda ọnii rẹn keghi gu avbe Ju kevbe emwa ne ẹ i re Ju ni vbe ga Osanobua gha muan ẹmwẹ vbe Ọgua ediọn kevbe ada ẹdẹgbegbe, deba emwa ni ghi rrie evba nẹ hiehie.

Iwinna 17:34

Ikpia eso keghi deba ẹre, iran na yayi, ọkpa vbe uwu iran kegha re Diọnisiọs ne ọ vbe rre otu Ariopagọs, kevbe okhuo ọkpa ne a tie eni ẹnrẹn Damaris, kevbe deba emwa ọvbehe eso.

Iwinna 18:4

Ọ kegha guan vbe Ọgua ediọn vbe Ẹdẹ Ikẹtin hia vbe ne ọ na ho nọ fi avbe Ju kevbe Grik ekhọe werriẹ.

Iwinna 19:10

Ukpo eva ọre a ya gha ru ọna sẹrriọ wẹ emwa hia ni rre ikinkin Esia, kevbe avbe Ju kevbe ni i re Ju keghi họn ẹmwẹ Nọyaẹnmwa.

Iwinna 2:44

Iran ni yayi hia keghi wa gba gha ru emwi hia kugbe, iran keghi ghae ne egbe vbe emwi ne iran mwẹ.

Iwinna 21:28

Iran kegha go kha wẹ, “Ivbi Izrẹl, wa bu rre, wa ghe okpia ne ọ lele ehe hia khian ya gha tama emwa hia wẹ ne iran ghẹ zẹ ye ẹmwẹ ivbi Izrẹl ra Uhi e Mosis kevbe Ọgua Osa. Ghe vbe ọ vbe hẹ emwa ne ẹ i re Ju la uwu Ọgua Osa ne ọ do ya mu awua la ehe ne ọ huanrẹn na!”

Iwinna 28:24

Ẹmwẹ ọnrẹn keghi fi eso ekhọe werriẹ sokpan nekpa ma yayi.

Iwinna 4:23

Iran ghi fannọ iran kua nẹ, Pita kevbe Jọn keghi bu ihua iran, iran keghi na iyẹn ma iran vbene avbe igie ohẹn kevba avbe ediọn kha hẹ.

II Kọrinti 8:5

Ọ keghi gberra vbene ima te rhie aro yi! Okaro, iran rhie egbe iran ne Nọyaẹnmwa, vbe iyeke ọnii, vbe ekpa iho Osanobua, iran keghi vbe do rhie egbe iran ne ima ba ẹre.