Iwinna 17:28 - Edo Bible (E Baibol Ẹdo) Version 1996

²⁸ Rhunmwuda, “ ‘Uwu irẹn ọre ima ye, ọre ima na khian ọre ima na rrọọ.’ Zẹ vbene eso vbe uwu umẹwaẹn uwa ta ẹe wẹẹ, ‘Ivbi ẹre ọre ima vbe khin.’

Iwinna 17:28 ပူးပေါင်းရင်းမြစ်များ

Job 12:10

Osanobua ọ re ọ dia ẹdẹ agbọn avbe emwi ne ọ yi; obọ ẹtin ẹnrẹn ọre ẹdẹ agbọn emwa hia ye.

Psalm 36:9

Ehe ne u ye ọ re arrọọ hia ke rre, uwanmwẹ ruẹn ọ re ima ya bẹghe.

Psalm 66:9

Rẹn ọ re ọ gie ima gha rre agbọn, Ọ ma vbe gie ima dele.

Jerimaia 38:16

E Zedekaia ne Ọba keghi rhunmwuda ọnii yaan ma mwẹ vbe ẹkhokho wẹẹ, “I ya Osanobua ne ọ rrọọ vẹn ihẹn, Osanobua ne ọ rhie arrọọ ne ima wẹ mẹ i ra gbe uẹ ua ra ne I siọ rhie fi iran obọ ighẹ iran ni ho ne iran gbe uẹ ua.”

Daniẹl 5:23

U keghi ru emwi ne ẹ i yẹ e Nọyaẹnmwa ẹrinmwi, u keghi ya viọ avbe ukpu kevbe avbe ọkpan ne a viọ ye Ọgua Osa. Wẹ kevbe avbe ekhaẹmwẹ ruẹn, avbe amwẹ ọn kevbe avbe egbakhian ruẹn kegha ya iran da ayọn, wa na gha go wan avbe ẹbọ ne a ya igoru esiliva, oze, ematọn, erhan kevbe okuta ru — avbe ẹbọ ni i bẹghe kevbe ni i họn ẹmwẹ kevbe ni i sẹtin ru emwi rhọkpa. Sokpan, wẹ ma da ne Osanobua ne ọ tae a deghẹ u gha rre agbọn ra u gha wu, kevbe ne ẹmwẹ emwi ne u ru hia rre ọre obọ.

Iyẹn ne ọ Maan Ọghe Luk 20:38

Ọna rhie maa ighe Osanobua eni rre agbọn nọ, ẹ i re ọghe eni wulo, rhunmwuda emwa ni rre agbọn ọre ehia khin vbe obọ ẹre.”

Iyẹn ne ọ Maan Ọghe Luk 3:38

Ne ovbi Ẹnọs, ne ovbi e Sẹt, ne ovbi Adam, ne ovbi e Osanobua.

Iyẹn ne ọ Maan Ọghe Jọn 11:25

Jesu tama rẹn wẹẹ, “Mẹ ọrọre arhiọkpaegbe kevbe arrọọ, ọmwaikọmwa ne ọ rhirhi a ya mwẹ yi, ọ gha rre agbọn, ọ gha khọn rẹn ne ọ wu.

Iyẹn ne ọ Maan Ọghe Jọn 5:26

Zẹ vbene Erha tobọ ẹre re isi ehe ne arrọọ ke rre, erriọ zẹ ọre ọ vbe ya Ovbi ẹre ru isi ehe ne arrọọ ke rre.

Diuteronomi 30:20

Wa ho ẹmwẹ e Nọyaẹnmwa Osanobua rua, wa gha họn ẹmwẹ ne ẹẹn ne uwa gha ye ẹko ata gu ẹe yin, ne uwa vbe avbe ivbi uwa sẹtin tọ vbe otọe ne irẹn ve wẹ rẹn gha mu ne avbe erha uwa odede, Ebraham, Aizik kevbe Jekọb.”

Kọlose 1:17

Rẹn ọre ọ ka gha rrọọ khẹ emwi hia, vbe uwu a ya egbe ba irẹn, ọre avbe emwi hia na rre ihe ne ọ khẹke dọmwadẹ ọghọe.

Taitọs 1:12

Kretan ne ọre ọkpa vbe uwu avbe akhasẹ iran ọre ọ ta ẹe wẹ, “Emwa Kret re emwa nii ta ohoghe vbe ẹghẹ hia, aranmwẹ dan ni khọ kevbe emwa oregbe ne obọ ẹ i ru i re ọre iran khin.”

Hibru 1:3

Awanwan ọghe uyi Osanobua ọre irẹn ya fi wainwain, rẹn ọrọre ama ọghe vbene Osanobua wa ye zẹẹ, ọ keghi vbe ya ẹmwẹ unu ọghọe ne ọ mwẹ ẹtin mu agbọn vbe ẹrinmwi mwẹ. Ọ ghi kpe emwa ne agbọn huan hin orukhọ iran rre nẹ, ọ keghi ya tota vbe ẹrinmwi vbe obọ erha ọmwa Osanobua ne Ẹtin ne ọ sẹẹ ehia.

Hibru 12:9

Zẹ vbene erha ima ni rre agbọn na ye, iran gbe ima hin ọkhọ rre, ma ghi ye vbe gha ye ọghọ ne iran. Inuinu ọ ghi wa ya ke sẹẹ, ne ima gha gbe uhunmwu ke otọ ne Erha mwa vbe ọ ghe orhiọn! Ne ima vbe die agbọn ya.

Hibru 2:11

Ọ khuẹ emwa huan hin orukhọ iran rre, irẹn kevbe emwa ni irẹn khuẹ huan, erha ọkpa iran mwẹ. Ọnii ọ si ẹe ne ekhue i na mu Jesu vbe ọ gha tie iran etiọnrẹn.

I Samuẹl 25:29

Adeghẹ ọmwaikọmwa vbe dekun ruẹn, ọ na wẹ rẹn ra gbe ua, e Nọyaẹnmwa, Osanobua ruẹ gha rhie ruẹ lẹre, zẹ vbene ọmwa rhie emwi ighobioye lẹre. Zẹ vbe ọghe avbe eghian ruẹn, vbene ọ rhirhi a gha ye hẹ, e Nọyaẹnmwa gha filo iran kua zẹ vbe ne ọmwa ye umọvọn filo okuta kua.