Iwinna 17:27 - Edo Bible (E Baibol Ẹdo) Version 1996

²⁷ Te irẹn ruẹe vberriọ ne iran miẹn ehe na gha gualọ irẹn, wẹ ughaghe ehe ne iran na fie gualọe khian ni, iran ghi miẹn ọẹn. Sokpan vbene ẹmwata, Osanobua ma khian rrei ne ọmwa rhọkpa vbe uwu ima.

Iwinna 17:27 ပူးပေါင်းရင်းမြစ်များ

I Ọba 8:27

“Sokpan, Osanobua gha gele sẹtin yin agbọn na ra? Vbene ẹrinmwi hia sẹe nii, ẹ i gua a, vbe Ọgua Osa ne imẹ bọe ghi ra gua a hẹ?

Iwinna 14:17

Sokpan ẹghẹ hia ọre ọ ya gha rhie maa egbe ọmwa ne irẹn khin vbekpa emwi esi ne ọ ru. Ọ rhọ amẹ ke odukhunmwu ye otọ ne uwa, deba emwiokọ vbe ẹghẹ ne ọ ke yi, ọ rhie evbare ne uwa ne ọ gha ye ẹko sẹ uwa ọyẹnmwẹ.”

Iwinna 15:17

Erriọ emwa ọvbehe hia gha gualọ Nọyaẹnmwa, emwa ne ẹ i re Ju hia ne I tie ya khian ọghomwẹ.

Ebe ne Pọl gbẹẹn gie emwa Rom 1:20

Rhunmwuda, ke ẹghẹ ne Osanobua ya bu agbọn gha dee, a vbe emwi ne a ya gie Osa ne a i sẹtin dẹghe, ẹtin etẹbitẹghori ọghọe, kevbe ama emwi ne Osanobua ya ru Osa ne ọ rre ọre egbe, keghi do khian ne aro dae ẹsẹse. Emwa gha sẹtin dẹghe emwi na hia vbe uwu emwi ne Osanobua yi. Rhunmwuda ọnii, iran i miẹn emwi mu na hiehie.

Ebe ne Pọl gbẹẹn gie emwa Rom 2:4

Ra te uwẹ miẹn ọẹn fo ighẹ itohan rẹn nọkhua kevbe ifuẹko kevbe i ziengbe ẹre? Wẹ ma rẹn ighẹ te Osanobua ziengbe ne ọ rhie ẹghẹ nuẹn ne u ya fiwerriẹ?

Diuteronomi 4:7

“Agbọn ẹvbo ọvbehe i rrọ, vbene ọ khọnrẹn ne ọ kpọlọ sẹ hẹ, ne ọ mwẹ Osanobua ne ọ wa sikẹ iran sẹrriọ vbe iran a gha gualọ iyobọ zẹ vbene Nọyaẹnmwa Osanobua mwa ye. Ẹghẹ ne a rhirhi ya nọ iyobọ ẹre ọ re ọ ya khuẹnniẹn mwa.