Iwinna 17:25 - Edo Bible (E Baibol Ẹdo) Version 1996

²⁵ Ẹ i vbe vbabọ emwikemwi, a ma wẹ ne emwa gha winna viọ emwi gi ẹe ugbẹn vbe a miẹn wẹ rẹn ọre ọ rhie arrọọ, uhiọnrọnmwẹ ke emwi ọvbehe hia ne emwa hia.

Iwinna 17:25 ပူးပေါင်းရင်းမြစ်များ

Gẹnẹsis 2:7

Ọre Nọyaẹnmwa Osanobua na rhie ekẹn vbe otọe, ọ keghi yae ma okpia, ọ keghi hiọnrọn uhiọnrọnmwẹ arrọọ ye ọre uvun ihue, okpia nii keghi khian ne ọ ghi rrọọ.

Job 12:10

Osanobua ọ re ọ dia ẹdẹ agbọn avbe emwi ne ọ yi; obọ ẹtin ẹnrẹn ọre ẹdẹ agbọn emwa hia ye.

Job 27:3

vbe uwu ẹghẹ ne Osanobua gha rhie mẹ ya hiọnrọn sẹ,

Job 33:4

Orhiọn Osanobua ọ re ọ yi mwẹ ọ na vbe rhie arrọọ mẹ.

Job 34:14

Osanobua gha rhie uhiọnrọnmwẹ arrọọ werriegbe,

Psalm 16:2

Mẹ tama Nọyaẹnmwa wẹẹ, “wẹ ọrọre Nọyaẹnmwa, ehe ne u ye, ọre ọma ne I mwẹ hia ke rre.”

Aizaia 42:5

Osanobua ọ re ọ yi iso, ọ keghi niẹn ẹnrẹn uan. Rẹn ọ re ọ yi agbọn kevbe emwi hia ni rre uwu ẹre; rẹn ọ re ọ rhie arrọọ kevbe uhiọnrọnmwẹ ne emwa ẹnrẹn hia. Banbanna nian, e Nọyaẹnmwa Osanobua tama ọguọmwadia ẹre wẹẹ,

Aizaia 57:16

Mẹ ọ re ọ rhie arrọọ ne emwa mwẹ, rhunmwuda ọnii, mẹ i ra wa gha gu iran gui ra ne ohu iran gha mu mwẹ rhinrin ẹdẹ.

Jerimaia 38:16

E Zedekaia ne Ọba keghi rhunmwuda ọnii yaan ma mwẹ vbe ẹkhokho wẹẹ, “I ya Osanobua ne ọ rrọọ vẹn ihẹn, Osanobua ne ọ rhie arrọọ ne ima wẹ mẹ i ra gbe uẹ ua ra ne I siọ rhie fi iran obọ ighẹ iran ni ho ne iran gbe uẹ ua.”

Zẹkaraia 12:1

Uhunmwu ne Nọyaẹnmwa gie rre vbe ekpa Izrẹl ọ re ọna khin, e Nọyaẹnmwa ne ọ tan iso vbe ukpọn, ne ọ yi agbọn, ọ na rhie arrọọ ne ọmwa. Rẹn wẹẹ,

Nọmbas 16:22

Sokpan e Mosis kevbe Errọn keghi vbẹrre mu aro rhuotọ, iran keghi kha wẹẹ, “Osanobua, wẹ ọrọre ehe ne arrọ hia ke rre. ohu emwa hia gha wa gha mu uẹn ra rhunmwuda ighẹ orhunmwu ọkpa ru orukhọ?”

Nọmbas 27:16

“E Nọyaẹnmwa ne Osanobua, ehe ne arrọọ hia ke rre, lahọ zẹ ọmwa ne ọ gha sẹtin su emwa na.

Matiu 5:45

Ne uwa miẹn ehe na gha re ivbi erha uwa ne ọ rre ẹrinmwi. Rhunmwuda, ọ gie ovẹn ọnrẹn gha yunmwu ne emwa esi kevbe emwa dan, ọ ghi vbe gie amẹ gha rhọ ne iran ni ru emwi esi kevbe ni ru emwi dan.

Matiu 9:13

Wa gualotọ emwi ne a ya ẹmwẹ ne ọ rre ebe nọhuanrẹn na kha, ‘I ma wẹ ne uwa ye aranmwẹ zọ ese ghe mwẹ, itohan ọre iho.’ I ma rre do tie avbe adazẹ vbe ẹ i re avbe ẹwobi emwa.”

Iwinna 14:17

Sokpan ẹghẹ hia ọre ọ ya gha rhie maa egbe ọmwa ne irẹn khin vbekpa emwi esi ne ọ ru. Ọ rhọ amẹ ke odukhunmwu ye otọ ne uwa, deba emwiokọ vbe ẹghẹ ne ọ ke yi, ọ rhie evbare ne uwa ne ọ gha ye ẹko sẹ uwa ọyẹnmwẹ.”

Iwinna 17:28

Rhunmwuda, “ ‘Uwu irẹn ọre ima ye, ọre ima na khian ọre ima na rrọọ.’ Zẹ vbene eso vbe uwu umẹwaẹn uwa ta ẹe wẹẹ, ‘Ivbi ẹre ọre ima vbe khin.’

Ebe ne Pọl gbẹẹn gie emwa Rom 11:35

De ọmwa ne ọ he rhie emwi nẹẹn ẹdẹ, ne ọ miẹn ehe na dọlegbe ha ẹre nẹẹn?”

Diuteronomi 30:20

Wa ho ẹmwẹ e Nọyaẹnmwa Osanobua rua, wa gha họn ẹmwẹ ne ẹẹn ne uwa gha ye ẹko ata gu ẹe yin, ne uwa vbe avbe ivbi uwa sẹtin tọ vbe otọe ne irẹn ve wẹ rẹn gha mu ne avbe erha uwa odede, Ebraham, Aizik kevbe Jekọb.”

I Timoti 6:17

Tama iran ni fe vbe emwi agbọn na wẹ, ne iran ghẹ tọn egbe mu, kevbe wẹ, ne iran ghẹ mu ẹtin yan egbe emwi ne ọ mu yo mu rre vbe ne ẹfe ye, sokpan ne iran mu ẹtin yan Osanobua, ọmwa ne ọ viọ emwi hia ne ima wọrhọwọrhọ ne a ya gha zọmọ.