Iwinna 17:23 - Edo Bible (E Baibol Ẹdo) Version 1996

²³ Rhunmwuda, ẹghẹ ne I na gha khian lele ẹvbo uwa khian, ne I na gha ghe ehe ne uwa na ga hia, I keghi vbe miẹn Ogiukpo ne uwa gbẹn yi wẹẹ, ‘Ọ ghe Osanobua Ne a Ma rẹn!’ Emwi nii ne uwa ga, egbe ne uwa ma rhe ya rẹn ọnrẹn, ọre I do ta ẹmwẹ ọnrẹn ma uwa na.

Iwinna 17:23 ပူးပေါင်းရင်းမြစ်များ

Psalm 147:20

Ọ ma vbe he ru ọna ne ẹvbo ọvbehe; iran na rẹn uhi ẹre. Wa rho e Nọyaẹnmwa!

Psalm 50:21

Wa ru avbe emwi na hia mẹ keghi hunwan kpọi wa keghi rhunmwuda ọnii gha ro wẹ, te imẹ yevbe uwa. Banbanna nian mẹ gu uwa gui nẹ I keghi rhan otọ ẹmwẹ nii ma uwa.

Aizaia 45:4

Te imẹ zẹ uwẹ ne u yi Izrẹl ne ọguọmwadia mwẹ obọ avbe emwa ne imẹ hannọ zẹ I ya ọghọ nọkhua ne uẹn nẹ, a gha rhe miẹn wẹ u ma rẹn mwẹ.

Matiu 15:9

Vbe iran ghi ya uhunmwu rhanmwẹ otọ mẹ ba a, vbe iran mu ẹmwẹ uhi emwa kẹkan vbe na miẹn we uhi Osanobua nọ!’ ”

Iyẹn ne ọ Maan Ọghe Jọn 17:25

Erha ne ẹ i bu eku, agbọn na ma rẹn ruẹn, sokpan mẹ rẹn ruẹn, iran na vbe rẹn ighẹ, wẹ ọre ọ gele gie mwẹ.

Iyẹn ne ọ Maan Ọghe Jọn 17:3

Ọna ọrọre nene arrọọ ne ẹ i fo wẹ ne emwa ne agbọn rẹn ruẹn zẹ vbe Osanobua ọkpa ne ọ re ọghe ẹmwata kevbe ne iran rẹn Jesu Kristi, ọmwa ne uwẹ gie.

Iyẹn ne ọ Maan Ọghe Jọn 4:22

Wa ne ivbi e Sameria ma mobọ rẹn ọmwa ne uwa ga. Ma ne Ju rẹn ọmwa ne ima ga rhunmwuda obọ avbe Ju ọre imiẹnfan ke rre.

Iyẹn ne ọ Maan Ọghe Jọn 8:54

Jesu wanniẹn wẹẹ, “Akpawẹ mẹ ọre ọ rhie uyi ne egbe mwẹ, uyi mwẹ i ghẹ mwẹ esa. Ọmwa ne ọ rhie uyi mẹ ọrọre Erha mwẹ, ọmwa ne uwa khare ighe ọre Osanobua uwa.

Iwinna 17:30

Osanobua ma ghi zẹ ye ẹmwẹ ẹghẹ ne emwa ne agbọn ma na rẹn nii, sokpan ẹghẹ na nian, ọ yi ẹre iyi ne emwa hia ni rre ehe hia wẹ ne iran lahin odẹ dan iran rre.

Ebe ne Pọl gbẹẹn gie emwa Rom 1:28

Rhunmwuda ighẹ emwa ne agbọn ma giẹ irẹnmwẹ Osanobua ẹmwata di iran uhunmwu ya, Osanobua keghi he iran ye ẹmwẹ ekhọe iran ne ọ kulo, sẹrriọ wẹ, a ghẹ ru ọre iran ghi ru.

I Kọrinti 1:21

Rhunmwuda Osanobua, vbe ekpa ẹwaẹn ne ọ wanrẹn, ọ keghi ru ẹe wẹ ne emwa ne agbọn i ghẹ sẹtin ya ẹwaẹn iran gualọ irẹn miẹn, sokpan, Osanobua keghi wẹẹ, ikpẹ orhu “akpa” ne ima kpe, ọre irẹn gha la ekpa ẹre miẹn iran ni yayi fan.

I Kọrinti 8:5

Gie a kha wẹ avbe ẹbọ ne emwa gho gele rrọọ, vbe agbọn na nọ kevbe ẹrinmwi, deba avbe “ni yaẹnmwa.”

Ẹfisọs 2:12

Ẹghẹ nii, wa kegha rrọọ vbe ne a i na mwẹ Kristi. Ọrriọvbe wa gha khin, wa ma vbe gha re ọkpa vbe uwu ẹbu emwa ne Osanobua hannọ zẹ, wa ma vbe gha mwẹ oghae vbe avbe ile ne a tae, ne a rhunmwuda emwi ne Osanobua ve emwa rẹn re ta. Wa kegha rre agbọn na vbe ne a i na mwẹ idaehọ, vbe ne a i na mwẹ Osanobua.

II Tẹsalonaika 2:4

Rẹn gha ghe odan ye emwi hia ne emwa ghi gho nẹ, kevbe emwi hia ne emwa ghi tie ẹre ne ọ huanrẹn. Rẹn ghi tọn egbe ẹre mu sẹ ehia fẹẹrẹ, uhin ọ ghi ya tota ye Ọgua Osa ọghe Osanobua, ọ ghi wẹ rẹn ọre ọ ghi re Osanobua!

I Timoti 1:17

Ọba etẹbitẹ, ne ẹ i wu ẹde, kevbe ne a i bẹghe, ne irẹn ọkpa re Osanobua, ọre ọghọ kevbe uyi gha rrọọ na, ẹdẹ kevbe ẹdẹdẹmwẹdẹ. Isẹ.

I Jọn 5:20

Ma rẹnrẹn wẹ Ovbi Osanobua rre nẹ, ọ keghi vbe rhie irẹnmwi ne ima sẹrriọ wẹ, te ima ghi rẹn Osanobua ẹmwata, uwu Osanobua ẹmwata ọre ẹdẹ agbọn ima ye, vbe uwu Jesu Kristi ne Ovbi ẹre. Ọna ọrọre Osanobua ẹmwata, ọna ọ vbe re ẹfe ne ẹ i fo.