Iwinna 17:20 - Edo Bible (E Baibol Ẹdo) Version 1996

²⁰ Eso vbe uwu ẹmwẹ ne u ta, ẹmwẹ ọgbọn wa nọ vbe ehọ mwa, ma gha ho ne a rẹn emwi ne a ya ẹe kha.”

Iwinna 17:20 ပူးပေါင်းရင်းမြစ်များ

Hozia 8:12

A i sẹtin ka emwi ne a ya ma emwa emwi ne I gbẹnnẹ yotọ ne emwa na, sokpan, iran he ehia ye otọ zẹ vbe emwi ẹrrẹe ne a ma rẹn ehe ne ọ ke rre.

Iyẹn ne ọ Maan Ọghe Mak 9:10

Iran keghi ru vbene ọ khare, sokpan, iran kegha nọ ọta vbe uwu ẹkpo iran wẹẹ, “Vbe a ya arhiọrre vbe orinmwi na kha yi?”

Iyẹn ne ọ Maan Ọghe Jọn 6:60

Ni bun vbe uwu avbe erhuanegbe ẹre ghi họn ẹmwẹ na, iran keghi kha wẹẹ, “Ẹmwẹ na wo vbe egbe gbe, gha ọ gha miẹn ehọ ya họn ẹn?”

Iwinna 10:17

Ọ keghi yan Pita unu uan wẹ de emwi ne a ya umian ne irẹn miẹn kha. Ẹghẹ na ne a kha na, emwa ne Kọniliọs gie miẹn ehe ne owa Saimọn ye nẹ, iran keghi mudia ye onurho.

Iwinna 17:19

Rhunmwuda ọnii, iran keghi rhie Pọl gha die adesẹ iko Ariopagọs, iran tama rẹn wẹẹ, “Ma ho ne ima rẹn iruẹmwi ọgbọn ne uwẹ rhie khian na.

Iwinna 17:21

(Rhunmwuda ivbi ẹvbo Atẹns kevbe avbe orhunmwuyẹn ni rrọọ, emwi ne iran ho ọrọre ne a gha danmwehọ ra ne a gha na iyẹn ẹmwẹ emwi ne ọ ghi vbe kiekie sunu.)

Iwinna 2:12

Vbene ọ yan iran unu uan, ọ na vbe sunsun ye iran aro nii, iran kegha nọ egbe wẹẹ, “Vbe a ya ena kha?”

I Kọrinti 1:18

A gha ta ẹmwẹ uwu ne Kristi wu vbe uhunmwu ugbugbe ma iran ni ra fuẹn uan, ẹmwẹ eghẹrẹ nọ vbe ehọ iran. Sokpan, zẹ vbe ọghe ima ne a ra miẹnfan, ẹtin Osanobua nọ.

I Kọrinti 1:23

Sokpan, Jesu vbe uhunmwu ugbugbe ma kpe orhu ẹre, ẹmwẹ ne ọ mu avbe Ju ohu, nọ vbe re ẹmwẹ eghẹrẹ vbe obọ iran ne ẹ i re Ju.

I Kọrinti 2:14

Sokpan ọmwa ne ẹ i mwẹ nene Orhiọn Ne Ọ Huanrẹn, ẹ i sẹtin rhan obọ miẹn ọhẹ ne ọ ke obọ Osanobua rre. Ẹmwata ẹ i rẹn emwi ne a ya ẹe kha, ẹmwẹ oya ehia khin vbe ehọ ẹre rhunmwuda orhiọn ne ọ huanrẹn ọre a ya sẹtin rẹn vbene uyi ẹre sẹ hẹ.

Hibru 5:11

Emwi wa rrọọ ne a gha guan yan ẹmwẹ na ẹsẹse, sokpan ọ wa lọghọ ne a rhan otọ ẹre ma uwa, rhunmwuda, wa i rherhe rẹn otọ emwi.

I Pita 4:4

Wanwanna nian, te ọ ghi yan iran ni ga ẹbọ unu uan ighẹ wa i ghi gu iran mwẹ obọ vbe uyinmwẹ akuọkan kevbe epiankhanrhan nii, iran ghi gha ye ukpẹ sakan uwa.