Iwinna 17:2 - Edo Bible (E Baibol Ẹdo) Version 1996

² Zẹ vbene ọ wa ru ẹe, Pọl kegha rrie nene Ọgua ediọn. Ẹdẹ Ikẹtin eha ọre ọ ya gu emwa gha muan ẹmwẹ ke uwu Ebe rre vbe evba.

Iwinna 17:2 ပူးပေါင်းရင်းမြစ်များ

Aizaia 1:18

E Nọyaẹnmwa khare wẹẹ, “Larre nian ne a zẹ iro kugbe, orukhọ ruẹ gha ya a gbiruẹn sẹrriọ wẹ te u ghi baa, sokpan, I gha khuọ ruẹ ne u gha fua vbe isonorhọ. Orukhọ ruẹ gha rhe gha ye vbe ododo u gha fua zẹ vbe ititi oru.

Matiu 26:24

Ovbi Ọmwa gha gele wu zẹ vbene Ebe tae ye otọ nẹ, sokpan ọsọre ighe ọmwa ne ọ gha rhie Ovbi Ọmwa maa! Ọ gha te maa ne ẹn sẹ akpawẹ a ma biẹ ọe!”

Iyẹn ne ọ Maan Ọghe Luk 4:16

Jesu kegha rrie Nazarẹt ne ọre ẹvbo ne irẹn na wan, ọ ghi sẹ Ẹdẹ Ikẹtin, ọ kegha rrie Ọgua ediọn. Zẹ vbe ne ọ ka ru yi, ọ keghi mu ebe ne ọ tie ẹre.

Iyẹn ne ọ Maan Ọghe Jọn 18:20

Jesu wanniẹn wẹẹ, “Azagba ọre I na ma emwa hia emwi, uwu Ọgua ediọn kevbe ọgua Osa ọre I na sirra avbe Ju ma emwa ni si koko ye evba emwi. I ma he do ta ẹmwẹ ọkpa ẹdẹ.

Iwinna 13:14

Iran ghi kpao vbe Pẹga rre, iran na gha die Antiọk ne ọ rre Pisidia, ọ ghi sẹ Ẹdẹ Ikẹtin, iran keghi la uwu Ọgua ediọn ya tota.

Iwinna 13:5

Iran ghi sẹ Salamis, iran kpe orhu ẹmwẹ Osanobua vbe Ọgua ediọn avbe Ju, iran keghi rhie Jọn mwẹ obọ ne ọ gha ru iyobọ ne iran vbe iwinna.

Iwinna 14:1

Erriọ ọre ọ vbe gha ye vbe Aikọniọm, Pọl kevbe Banabas kegha rrie Ọgua ediọn avbe Ju, iran keghi guan ẹsẹse, sẹrriọ ne avbe Ju ni bun kevbe iran ne ẹ i re Ju na wa yayi.

Iwinna 17:10

Vbe ọwarọkpa nii vbe ẹdẹ ghi wa mu, iran ne etẹn keghi viọ Pọl kevbe Sailas gha rrie Bẹrea. Iran ghi sẹ evba, iran na wa gha rrie Ọgua ediọn avbe Ju.

Iwinna 17:17

Rhunmwuda ọnii rẹn keghi gu avbe Ju kevbe emwa ne ẹ i re Ju ni vbe ga Osanobua gha muan ẹmwẹ vbe Ọgua ediọn kevbe ada ẹdẹgbegbe, deba emwa ni ghi rrie evba nẹ hiehie.

Iwinna 18:4

Ọ kegha guan vbe Ọgua ediọn vbe Ẹdẹ Ikẹtin hia vbe ne ọ na ho nọ fi avbe Ju kevbe Grik ekhọe werriẹ.

Iwinna 19:8

Pọl keghi la Ọgua ediọn, ọ keghi ya uki eha mobọ gu avbe emwa ni guan, ọ keghi gu iran gha muan ẹmwẹ, ọ kegha ho ne ọ fi iran ekhọe werriẹ ghe ẹmwẹ Arriọba Osanobua.

Iwinna 24:25

Sokpan Pọl ghi suẹn gha ta ẹmwẹ uyinmwẹ esi, a mu egbe ye ọghọ kevbe Ẹdẹ Ibuohiẹn, ohan kegha mu e Fẹlis, ọ na kha wẹẹ, “U sẹtin gha khian nẹ, I gha dọlegbe tie ruẹ vbe i a miẹn obọ.”

Iwinna 28:23

Rhunmwuda ọnii, iran keghi bu ẹdẹ ne Pọl. Emwa ni bun sẹ ọnii ẹsẹse keghi rrie ehe ne Pọl dia ẹdẹ nẹdẹrriọ ke owiẹ ya sẹ asọn, ọ keghi rhan otọ ẹre ma iran, ọ kegha ta ẹmwẹ Arriọba Osanobua ma iran. Ọ keghi te gha ho ne ọ fi iran ekhọe werriẹ ghe ẹmwẹ Jesu vbekpa ne ọ na gha tie ebe Uhi Mosis kevbe emwi ne avbe akhasẹ gbẹnnẹ ye otọ ma iran.

Iwinna 8:35

Filip keghi suẹn gha guan, ọ ke ehe ne ọ tie re vbe ebe na la rọ, ọ na kpe orhu Iyẹn Ne ọ maa ọghe Jesu ma rẹn.

Iwinna 9:20

Ọ keghi wa gha lele Ọgua ediọn iran khian, ọ na gha kpe orhu Jesu, ọ wẹẹ, “Rẹn ọrọre Ovbi Osanobua.”

I Kọrinti 15:3

Emwi ne imẹ miẹn rhie ọre I vbe na rhie sẹ uwa obọ, emwi ne ọ wa vbe re emwi kpataki ẹsẹse wẹ Kristi wu ba ẹmwẹ orukhọ mwa zẹ vbene a gbẹn ọẹn ye Ebe.

I Samuẹl 12:7

Banbanna nian, wa mudia ye ehe ne uwa ye ne I gu uwa gui ma e Nọyaẹnmwa vbe ekpa ne I gha na ye uwa rre iwinna nekhua ne Nọyaẹnmwa winnaẹn ya miẹn uwa kevbe avbe erha uwa odede fan.