Iwinna 17:16 - Edo Bible (E Baibol Ẹdo) Version 1996

¹⁶ Ẹghẹ ne Pọl na gha diakhẹ Sailas kevbe Timoti vbe Atẹns, egbe keghi wa wọ ẹre vbe ọ miẹn vbene ẹbọ ne a mannọẹn wa gba ehe hia vbe ẹvbo nii hẹ.

Iwinna 17:16 ပူးပေါင်းရင်းမြစ်များ

I Ọba 19:10

Rẹn keghi wanniẹn wẹẹ, “E Nọyaẹnmwa, Osanobua Oghodua, wẹ ọkpa kẹkan ọre I ga ke otọ gha dee. Sokpan, ivbi Izrẹl ma ghi mu ile ne iran guẹ ta sẹ, iran dunmwu avbe ogiukpo ruẹ sotọ, iran gbele avbe akhasẹ ruẹ hia, mẹ ọkpa ọre ọ ghi ke ẹe, iran vbe ho ne iran gbe mwẹ uan!”

I Ọba 19:14

Rẹn keghi wanniẹn wẹẹ, “E Nọyaẹnmwa Osanobua ne Oghodua, wẹ ọkpa kẹkan ọ re I ga ke otọe gha dee, sokpan, ivbi Izrẹl ma ghi mu ile ne iran guẹ ta sẹ, iran dunmwu avbe ogiukpo ruẹ sotọ, iran kevbe gbele avbe akhasẹ ruẹ hia. Mẹ ọkpa ọ ghi ke ẹe, iran vbe ho ne iran gbe mwẹ uan.”

Psalm 119:136

Ameve mwẹ lẹ kua zẹ vbe ẹzẹ, rhunmwuda ne emwa i na ya uhi ruẹ ru emwi.

Psalm 119:158

I gha bẹghe avbe ọgueva nii, ẹko ghi gha hu mwẹ, rhunmwuda, iran i ya iyi ruẹ ru emwi.

Psalm 69:9

Vbe ne I mu aro ye ẹmwẹ Ọgua Osa ruẹ hẹ giẹn vbe uwu imẹ zẹ vbe erhẹn, unu ne a filo guẹ hia dele yan mwẹ.

Jerimaia 20:9

Sokpan, I gha kha wẹẹ, “I gha mianmian e Nọyaẹnmwa, I i ghi vbe dọlegbe guan vbe eni ẹnrẹn.” Ẹghẹ nii, uhunmwu ne u gie ghi yevbe erhẹn ne ọ giẹn vbe uwu imẹ I ghi gha hia ne I yẹn ọnrẹn muotọ, sokpan I i ghi sẹtin rhie ẹre lẹre.

Maika 3:8

Sokpan, zẹ vbe ọghomwẹ e Nọyaẹnmwa ya orhiọn rẹn kevbe ẹtin ẹnrẹn vuọn mwẹ ọ vbe rhie mwẹ ne I gha rẹn emwi ne ọ re ohiẹn ẹmwata, kevbe udinmwẹ ne I gha ya gha tama ivbi Izrẹl orukhọ ne iran ru.

Iyẹn ne ọ Maan Ọghe Mak 3:5

Ohu keghi mu Jesu vbe ọ wa ghe iran lẹga sokpan ọ keghi vbe dae ẹsẹse ne iran rhunmwuda iran ba odẹ ku, iran keghi vbe ze vbe ẹkoko udu rhunmwuda ọnii rẹn tama ọmwa ne obọ ọre sikuẹn ni wẹ, “Niẹn obọ ua.” Rẹn keghi nien rẹn, ọ na do gha maa.

Iyẹn ne ọ Maan Ọghe Jọn 2:13

Emwiukpo avbe Ju ne iran tie ẹre Alagberra ghi bu otọ, Jesu kegha rrie Jerusalẹm.

Iwinna 17:15

Emwa ni rhie Pọl gha khian keghi lele ẹe sẹ Atẹns. Iran ghi werriegbe rrie Bẹrea, Pọl keghi gie iran uhunmwu ne iran tama Sailas kevbe Timoti ne iran rherhe bu irẹn gha dee.

Iwinna 17:21

(Rhunmwuda ivbi ẹvbo Atẹns kevbe avbe orhunmwuyẹn ni rrọọ, emwi ne iran ho ọrọre ne a gha danmwehọ ra ne a gha na iyẹn ẹmwẹ emwi ne ọ ghi vbe kiekie sunu.)

Iwinna 17:23

Rhunmwuda, ẹghẹ ne I na gha khian lele ẹvbo uwa khian, ne I na gha ghe ehe ne uwa na ga hia, I keghi vbe miẹn Ogiukpo ne uwa gbẹn yi wẹẹ, ‘Ọ ghe Osanobua Ne a Ma rẹn!’ Emwi nii ne uwa ga, egbe ne uwa ma rhe ya rẹn ọnrẹn, ọre I do ta ẹmwẹ ọnrẹn ma uwa na.

Iwinna 18:1

Vbe iyeke emwi na na, Pọl keghi kpao vbe Atẹns rre, ọ na gha rrie Kọrinti.

Iwinna 20:22

Wanwanna nian, I rrie Jerusalẹm vbene Orhiọn Ne Ọ Huanrẹn gie mwẹ, vbene I ma na rẹn emwi ne ọ gha ruan mwẹ vbe odọ.

I Tẹsalonaika 3:1

Vbe okiekie ehia, ma ma ghi sẹtin ziengbe ẹre. Ma keghi rhunmwuda ọnii wẹ ma ọkpa gha tota ye Atẹns.

II Pita 2:7

Ọ keghi miẹn Lọt ne ọmwata fan, ọmwa ne iran ya uyinmwẹ alama iran gha kpokpo ighẹ emwa ne ẹ i lele uhi rhọkpa ruemwi.