Iwinna 17:12 - Edo Bible (E Baibol Ẹdo) Version 1996

¹² Ni bun vbe uwu iran keghi yayi. Ikhuo ni bun ni hin usi vbe uwu avbe Grik, kevbe ikpia Grik ni bun kevbe yayi.

Iwinna 17:12 ပူးပေါင်းရင်းမြစ်များ

Iyẹn ne ọ Maan Ọghe Mak 15:43

Ọmwa kpataki wa nọ vbe uwu Iko ore ẹvbo. Rẹn keghi vbe re ọkpa vbe uwu emwa ni mudia khẹ ẹghẹ ne Arriọba Osanobua gha ya rre. Ọ kegha re ẹdẹ Imuegbe ye otọ (ọnii nọ wẹ, ẹdẹ ne ọ ke aro ne Ẹdẹ Ikẹtin); Josẹf keghi bu Pailet gha khian, ọ nọ rẹn wẹ ne ọ mu ikun Jesu ne irẹn.

Iyẹn ne ọ Maan Ọghe Jọn 7:17

Ọmwaikọmwa ne ọ ho ne irẹn ru vbene Osanobua ho gha rẹn deghẹ emwi ne I ma emwa ẹre obọ Osanobua ọre ọ ke rre ra ẹmwẹ obọ mwẹ ọre I zẹ ta.

Iwinna 13:46

Sokpan Pọl kevbe Banabas keghi dọlegbe ya udinmwẹ tua unu muẹn wẹẹ, “Emwi ne ọ kere ẹsẹse te nọ wẹ, wa ọre a gha ka ta ẹmwẹ Osanobua ma, sokpan vbe ne uwa ma ghi na rhan obọ miẹn rẹn nian, wa na wẹ, wa ma ka egbe uwa ye emwa ni ke ye ẹfe ne ẹ i fo, ma gha sẹ uwa rae ne ima bu iran ne ẹ i re Ju.

Iwinna 13:50

Sokpan avbe Ju keghi kpikpi avbe ikpia ne a rẹn vbe ẹvbo, ni rre ẹvbo nii, kevbe avbe ikhuo ni hin ukhuaẹn ne ẹ i re Ju, ni ga Osanobua. Iran keghi hẹ ẹmwẹ da Pọl kevbe Banabas, iran na khulo iran hin iwewe ni rre.

Iwinna 14:1

Erriọ ọre ọ vbe gha ye vbe Aikọniọm, Pọl kevbe Banabas kegha rrie Ọgua ediọn avbe Ju, iran keghi guan ẹsẹse, sẹrriọ ne avbe Ju ni bun kevbe iran ne ẹ i re Ju na wa yayi.

Iwinna 2:47

Iran kegha rho Osanobua vbe uyi, agbọn hia keghi wa gha ta ẹmwẹ iran ne ọ maa. Nọyaẹnmwa kegha viọ avbe emwa ne a ra miẹn fan ba otu iran ẹdẹgbegbe.

I Kọrinti 1:26

Wa ghi ye rre vbene uwa gha ye hẹ vbe Osanobua tie uwa, etẹn mwẹ wẹ, ibozẹghẹ vbe gha mwẹ ẹtin, ibozẹghẹ ọre ọ vbe gha rre ukpo ne ọ yo vbe aro agbọn.

Ẹfisọs 5:14

Rhunmwuda emwi ne a ghi rhie ladian ne aro gba nẹ, uwanmwẹ ghi nọ, ọnii ọ si ẹe ne a na tae wẹẹ, “Rhiọrre, olovbe. Rhiọrre vbe orinmwi, Kristi gha wan uwanmwẹ muẹn.”

Jems 1:10

Erriọ vbe nọ ne ọtẹn ne ọ fe, a deghẹ Nọyaẹnmwa ghi vbe si ẹe kẹ otọ. Rhunmwuda, ọmwa ẹfe gha fafaa zẹ vbene obobo ne ọ rre uwu oha.

Jems 1:21

Rhunmwuda ọnii nian, wa zobọ vbe avbe uyinmwẹ iruẹn, ne ọ maghan ọmwa kevbe uyinmwẹ dan hia, wa zẹ egbe obọ ne Osanobua, ne uwa vbe rhan obọ miẹn ẹmwẹ ne ọ kọ ye uwa ekhọe, ne ọ gha sẹtin miẹn uwa fan.